Чь Һун Гәрәке Бьзаньбьн

Тʹö әʹдәбйәтәкә дьн йа религийайе, мина Кʹьтеба Пироз нинә. Нава зәманәки дьрежда, тʹәне Кʹьтеба Пироз ль сәр баwәрийа гәләк мәрьва һʹöкöм буйә. Хенщи ве йәке, тʹö кʹьтебәкә дьн öса кʹур нәһатийә леколинкьрьне у пәйкʹәтьне, чаwа Кʹьтеба Пироз.

Мәсәлә, һьнә зандар дöдьли дьбьн у дьбежьн кö Кʹьтебед Пирозә модерн, нә мина ньвисаред орижинал ә. Зандарәк, йе кö леколина гәләк религийа дькә, öса дьбежә: «Әм нькарьн сәд-сәләфи бежьн, wәки мә текста орижинал рʹастә-рʹаст дәрбаз кьрийә. Щәм мә тәне әw копийед Кʹьтеба Пироз һәнә, йед кö бь шашийа тʹьжә нә. Паши ньвисандьна текста орижинал, qьрнә дәрбаз бун у гәләк копийед Кʹьтеба Пироз һатьнә ньвисандьне, ләма жи әв жь орижинале һʹәзар тьштада щöдә нә».

Һьнә мәрьв жь бо религийа хwә, рʹастийа Кʹьтеба Пироз дькьнә бьн шьке. Мәсәлә, Файзал дь малбәта нәмәсиһитида мәзьн буйә у әw һин кьрьнә, wәки Кʹьтеба Пироз жь Хwәде йә, ле һатийә гöһастьне. Әw дьбежә: «Чахе мәрьва дьхwәстьн тʹәви мьн дәрһәqа Кʹьтеба Пироз хәбәр дьн, әз тʹьме дькʹәтьмә шьке. Чьмки щәм wана Кʹьтеба Пирозә орижинал тʹöнә бу».

Гәло мәрʹа йәк ә, кö Кʹьтеба Пироз һатийә гöһастьне йан на? Һәла дәрһәqа ван пьрса бьфькьрә: Тö дькари созед Кʹьтеба Пирозә дәрһәqа ахьрийе баwәр бьки, һәрге ньзани әв соз текста орижиналда һәбун йан на? (Рʹомайи 15:4) Тöйе принсипед Кʹьтеба Пироз бьди хәбате, чахе тьштәки фәрз сафи дьки дәрһәqа хәбате, малбәте, йан һʹәбандьне, һәрге дьфькьри кö Кʹьтеба Пирозә модерн нәрʹаст ә у wәки әw мәрьва ньвиси нә?

Рʹаст ә пʹьртукед Кʹьтеба Пирозә орижинал бәтавәбунә, ле әм дькарьн дина хwә бьдьнә копийед кәвьн у öса жи бь һʹәзара манускриптед Кʹьтеба Пироз. Ле гәло чаwа әв манускрипт һатьнә хwәйкьрьне у гьһиштьнә мә, нә ахьр текста манускрипта дьхwәстьн бьгöһезьн, һьм жи манускрипт дькарьбу бьрʹьзийа у нава пәйкʹәтьнада кʹöта буйа. Әw йәк кö әв манускрипт һатьнә хwәйкьрьне, чаwа итʹбарийа тә һьндава рʹастийа Кʹьтеба Пирозә модерн һе qәwи дькә? Щаба wан пьрса тö дькари дь готаред дьнда бьвини.