Әw Шьхӧләкә Мәзьн ә

ОРШӘЛИМЕДА әw щьвинәкә гәләк фәрз у мәхсус бу. Даwьд Пʹадша гази һʹәму сәрока, бәрдәстийед пʹадша, у меред әʹгид кьр, у әʹламәтик wанрʹа гот, жь бо кʹижане әwана гәләк әʹщебмайи ман. Даwьд гот wәки Йaһоwа, кӧрʹе wи Сьлеман кʹьфш кьр, wәки әw авайе мәзьн у мәхсус ава кә у тʹәсмили Хwәдайе рʹаст кә, сәва теда wи бьһʹәбиньн. Пʹадша Даwьд кӧ ида кал бу, жь бина бәр Хwәде нәхше авайи станд, у әwи әw нәхш да кӧрʹе хwә Сьлеман. Даwьд гот: «Кʹар мәзьн ә; жь бәр кӧ әв qәсьр [пʹарьстгәһ] нә бона мьрован, ле бона Хӧдан Хwәде йә» (1 Дир. 28:1, 2, 6, 11, 12; 29:1).

Паше Даwьд пьрсәкә ӧса да: «Wе кʹи иро бь дьле хwәва пʹешкʹешийе бьдә?» (1 Дир. 29:5). Һәрге һун жи wедәре буна, wәйе ча хwә кʹьфш кьра? Гәло wәйе бьхwәста пьштгьрийа wи шьхӧле мәзьн бькьн? Исраелийа дәрберʹа хwә ви шьхӧли гьртьн. Бь рʹастийе әwана «бь дьле хwәва пʹешкʹеш кьрьн кʹефхwәш бун, жь бәр кӧ бь һʹәмуйа дьле хwә жь Хӧданрʹа пʹешкʹеш кьрьн» (1 Дир. 29:9).

Qьрʹнә дәрбаз бун, у Йaһоwа тьштәки жь пʹарьстгәһе һе мәстьр саз кьр. Әwи пʹарьстгәһа рʹӧһʹани йа мәзьн саз кьр, сәва кӧ мәрьв незики wи бьн у wи бьһʹәбиньн сәр һʹиме qӧрбана Иса (Ибрн. 9:11, 12). Ле гәло ча иро Йaһоwа али мәрьва дькә кӧ әwана незики wи бьн? Бь сайа шьхӧле бәлакьрьна мьзгинийе (Мәт. 28:19, 20). Бь сайа wи шьхӧли, һәр сал тʹәви милйона мәрьв һинбуна Кʹьтеба Пироз дәрбаз дькьн, бь һʹәзара мәрьв тенә ньхӧмандьне, у бь сәда щьватед тʹәзә тенә сазкьрьне.

Гәләк мәрьв зедә дьбьн, ләма жи һʹәwщәти һәйә, wәки һе зедә әʹдәбйәтед сәр һʹиме Кʹьтеба Пироз бенә нәшьркьрьне, Одед Щьвата бенә авакьрьне у хwәй кьрьне, у ӧса жи лазьм ьн һе зедә одед сәва щьватед мәзьн. Бәле, әм дьвиньн wәки әw шьхӧле бәлакьрьна мьзгинийе чьqас шьхӧләкә мәзьн ә у чьqас кʹәрәма тинә (Мәт. 24:14).

Һʹьзкьрьн һьндава Хwәде у мәрьва, у ӧса жи фәʹмкьрьна ве йәке кӧ шьхӧле бәлакьрьна мьзгинийе гәләк фәрз ә, һелан дькә щьмәʹта Хwәде wәки «бь дьле хwәва пʹешкʹешийе» бьдьнә Йaһоwа пе qӧрбанкьрьна рʹәзәдьли. Әм чьqас ша дьбьн кӧ «бь һәбуна хwә» Йaһоwа рʹумәт дькьн у дьвиньн wәки әw хәрщ ча рʹаст у бь билани тенә хәбьтандьне, сәва шьхӧле мәзьн бькьн, кʹижан нава тʹәрихийа инсанәтеда тʹӧ щар тʹӧнә буйә! (Мәтʹлк. 3:9).

ЧА ДЬКАРЬН QӦРБАНКЬРЬНА РʹӘЗӘДЬЛИ БЬКЬН СӘВА ШЬХӦЛЕ ҺʹӘМДЬНЙАЙЕ

Гәләк мәрьв хwәрʹа башqә пʹәрә тʹоп дькьн, у паше дькьнә qӧтʹийа qӧрбанкьрьне, сәр кʹижане ньвисийә: «Шьхӧле Һʹәмдьнйайе» (1 Корн. 16:2). Паше, щьват әw пʹәрә дьшиньн филиала Шәʹдед Йаһоwа, кʹижан кӧ щабдар ә сәва wи wәлати. Әw мәрьв кʹижан кӧ дьхwазә пʹәрә qӧрбан кә, дькарә wан пʹәра хwәха жи филиалерʹа бьшинә. Жере те готьне кӧ һун ча дькарьн әве йәке бькьн:

QӦРБАНКЬРЬН БЕЙ ВӘГӘРАНДЬН

Qӧрбанкьрьн пе банке, картед кредите у шандьна пе тʹеле. Ӧса жи бь сайа малпәра мә jw.org дькарьн пʹәра qӧрбан кьн.
Дькарьн пʹәрә, йан тьштед qимәт qӧрбан кьн. Сәва кӧ тьштед qимәт qӧрбан кьн, лазьм ә нәʹмә һәбә, кʹидәреда бе готьне wәки әw тьшт qӧрбанкьрьна рʹәзәдьли йә.

QӦРБАНКЬРЬН КӦ ДЬКАРЬН ПАШДА ВӘГӘРИНЬН

Qӧрбанкьрьн пе wи нети, кӧ һәрге лазьм бе, дькарьн вәгәриньн.
Чахе qӧрбане ӧса дьхwазьн бькьн, нәʹмә гәрәке һәбә кʹидәреда бе готьне кӧ һәрге wәрʹа лазьм бе, әw пʹәре qӧрбанкьрьне дькарьн пашда вәгәриньн.

QӦРБАНКЬРЬНА ПЕШДА САФИКЬРИ

Сәва пьштгьрийа шьхӧле һʹәмдьнийайе бькьн, хенщи пʹәраqӧрбанкьрьне у тьштед дьн ә qимәт, диса мәщалед дьн жи һәнә кӧ жере ньвисар ьн. Сәва кӧ бь wи щурʹәйи йан жи бь щурʹе дьн пʹәрә qӧрбан кьн, жь кʹәрәма хwә бежьн филиала Шәʹдед Йаһоwа мьһала wәда, wәки пебһʹәсьн чь щурʹә метод һун дькарьн бьдьнә хәбате.

Һәбун: Дькарьн һәбун qӧрбан кьн, у бьдьнә филиала мьһала wәда. Һәрге мәрьв дьхwазә мал qӧрбан кә ча һәбун, әw дькарә әw мал бьдә хәбате һʹәта хьлазийа әʹмьре хwә. Ле пешийа wе йәке кӧ qӧрбанкьрьна һәбуне бь qануни кьн, лазьм ә тʹәви филиале шеwьр кьн.

Мьлкʹ: Пе пәймане һәбун йан пʹәра дькарьн чаwа мьлкʹ дәрбази филиала Шәʹдед Йаһоwа кьн у әw йәк дькарьн ль гора qануна wәлате бь qануни кьн. Копйа wе пәймане лазьм ә филиалерʹа бьшиньн.

Щурʹед Майин: Дькарьн ӧса жи qӧрбан кьн аксийед, пʹәре башqә банкеда. Һʹәта әw пәйман qануни кьн, лазьм ә тʹәви филиале шеwьр кьн.

Сәва һе зедә информасийа пебьһʹәсьн, бькʹәвьнә малпәра мә jw.org сәр рʹупʹела сәри у лап жере бьтькиньн сәр wи щийи, кʹидәре ньвисийә: «Qӧрбанкьрьн Бона Шьхӧле Һʹәмдьнйайе» Йан жи текли бьн тʹәви филиала Шәʹдед Йaһоwа ль wәлате wәда.