Чʹәʹв бьдә Һосәйа пʹехәмбәр
1. Ԝә чь пьрс дьбәкә дабу хԝә?
1 ‘Әз чь һазьр ьм Йаһоԝарʹа ԛӧрбан кьм?’ Дьбәк тә жи пьрсәкә ӧса дайә хԝә, чахе дьшьрмиш дьбуйи дәрһәԛа ԛәнщи у дьлрʹәʹмийа Йаһоԝайи мәзьн (Зб. 103:2-4; 116:12). Һосәйа пʹехәмбәр бь һазьрбуне әԝе йәке кьр, чь кӧ Йаһоԝа жь ԝи дәʹԝа кьр. Әԝ һәла һе һазьр бу ԛӧрбан кә әԝе йәке, чь кӧ шәхси ԝива гьредайи бу. Ле гәло әм ча дькарьн чʹәʹв бьдьнә Һосәйа пʹехәмбәр?
2. Ча әм дькарьн чʹәʹв бьдьнә мәсәла баш йа Һосәйа пʹехәмбәр, сәва кӧ шьхӧле даннасинкьрьнеда хирәт бьн?
2 Даннасинкьрьн ԝәʹде чәтьнда: Әԝ чь кӧ Һосәйа пʹехәмбәр дьгот, бәри пешьн пʹадшатийа Исраели йә дәһә бәрәка дькʹәт, кʹидәре кӧ һʹәбандьна рʹаст бәрбь кʹӧтакьрьне дьчу. Пʹадша Йәроваме II, тьштед ӧса дькьр чь кӧ бәр чʹәʹве Йаһоԝа рʹәш бу, у әԝи ӧса жи пешда дьбьр ԛӧльхкьрьн мозькрʹа, йе кӧ бь пʹадша Йәроваме I, һатьбу кʹьфшкьрьне (2 Пʹд. 14:23, 24). Пʹадшед дьнена жи, бәрдәԝан дькьрьн щьмәʹта пʹадшатийе йа дәһә бәрәка жь Йаһоԝа дур хьн, һʹәта кӧ әԝ дь сала 740-да Б.Д.М. һатә ԝеранкьрьне. Рʹаст ә ль ԝе дәре һʹәбандьна ԛәлп пешда дьчу, ле йәкә Һосәйа бь амьни чаԝа пʹехәмбер, ԝәкә 59 сал ԛӧльх дькьр. Әм жи мина Һосәйа пʹехәмбәр, һазьр ьн сал бь сал һәла һе ԝи чахи жи бәрдәԝан кьн даннасин кьн, чахе мәрьв һьндава рʹастийе бе тʹалаш у мьԛабьл ьн (2 Тим. 4:2).
3. Чаԝа әʹмьре Һосәйа пʹехәмбәр, дьлрʹәʹмийа Йаһоԝа дьдә кʹьфше?
3 Дьшьрмиш бә дәрһәԛа дьлрʹәʹмийа Йаһоԝа: Йаһоԝа тʹәми дабу Һосәйа пʹехәмбәр, ԝәки әԝ бьзәԝьщә сәр кʹӧлфәтәкә ԛав (Һс. 1:2). Рʹаст ә жьна Һосәйа пʹехәмбәр, Гомәр, кӧрʹәк ԝирʹа ани, ле әԝе һьнә ԝәʹдә шунда диса дӧ кӧрʹ ани, йед кӧ жь Һосәйа нибун. Әԝ кӧ Һосәйа һазьр бу ԝәки бьбахшинә жьна хԝә, дьдә кʹьфше дьлрʹәʹмийа Йаһоԝайи мәзьн һьндава щьмәʹта исрʹаелийә бабах, чахе әԝана тʹобә кьрьн (Һс. 3:1; Рʹм. 9:22-26). Ле гәло әм һазьр ьн хԝәстьнед хԝәйә шәхси бьдьнә алики, сәва кӧ дәрһәԛа дьлрʹәʹмийа Йаһоԝа һʹәму мәрийарʹа әʹлам кьн? (1 Кр. 9:19-23).
4. Чь һьнә ԛӧрбана әм дькарьн бона Йаһоԝа бькьн?
4 Һьнә ԛӧльхкʹаред Йаһоԝа хәбата хԝәйә пʹьрʹ баш ԛӧрбан кьрьн, сәва кӧ һе зедә ԛӧльх кьн. Ле йед дьн сафи кьрьн нә зәԝьщьн, йан жи бе зарʹ бьминьн, ԝәки Пʹадшатийа Хԝәде ль сәр щийе пешьн дайньн. Чахе әм дьшьрмиш дьбьн дәрһәԛа әʹмьре Һосәйа пʹехәмбәр, әм дькарьн ӧса бежьн ‹Мьне тʹӧ щар нькарьбуйа бькьра әԝе йәке чь кӧ Һосәйа кьр›. Гава рʹазибуна мә һьндава ԛәнщийа Йаһоԝа мәзьн дьбә, у әм гӧмана хԝә рʹӧһʹе ԝийи пироз тиньн сәва кӧ ԛәԝи бьн, һьнге Йаһоԝа дькарә мә бьдә хәбате кӧ тьштед ӧса бькьн, чь кӧ һьше мәрʹа дәрбаз нәбуйә кӧ мә бькарьбуйа бькьра. Мәсәлә чаԝа кӧ әв йәк әʹмьре Һосәйа пʹехәмбәрда ԛәԝьми (Мт. 19:26; Флп. 2:13).