Тьштед керһати бона ԛӧльхкьрьна мә
1. Әв рʹеза готара, “Разговор на библейскую тему”, бона кʹижан дӧ тьшта һатийә һазьркьрьне?
1 Щар-щара дь «Бьрща Ԛәрәԝьлийе» да, йа сәва бәлакьрьне, һәнә рʹеза готаред ӧса, ча “Разговор на библейскую тему” (ru). Әв готар бона дӧ тьшта һатьнә һазьркьрьне. Йа әԝьл, ԝәки һинкьрьнед Кʹьтеба Пироз ӧса мәрийарʹа бьдьнә кʹьфше, кӧ һʹәԝаса ԝан бе, у йа дӧда ԝәки мәрʹа нишан кә, кӧ ча әм дькарьн бь шәһрәзайи сәр щурʹә-щурʹә тʹема тʹәви мәрийа шеԝьр бькьн (1 Пәт. 3:15). Ле ча әм дькарьн әван готара рʹьнд бьдьнә хәбате?
2. Ча әм дькарьн дь ԛӧльхкьрьнеда әван рʹезед готара бьдьнә хәбате?
2 Рʹеза готара дь ԛӧльхкьрьнеда бьдә хәбате: Тӧ дькари әван рʹезед готара хԝәрʹа хԝәй ки. Чахе хԝәйе мале демәк мәрьве кӧ дьхԝазә һе зедә пебьһʹәсә, йан жи әԝ кʹи кӧ Кʹьтеба Пироз һин дьбә, пьрса дьдә у дәрһәԛа тʹемед ӧса хәбәр дьдә йед кӧ дь ван готарада һәнә, ԝи чахи дькари копийәке жь ван готара ԝирʹа бьһели, у бежә кӧ һун дькарьн ль сәр ве готаре шеԝьр бькьн. Һәгәр щәм тә копийәк жь ве журнале тʹӧнә кʹидәре кӧ рʹеза готара һәйә, һьнге дькари жь малпәра jw.org бькʹьшини.
3. Ча әм дькарьн тʹәви хԝәйе мале, дәрһәԛа ван рʹезед готара хәбәр дьн?
3 Ле ча һун дькарьн тʹәви кәсәки дәрһәԛа ван рʹезед готара хәбәр дьн? Һьнә хушк-бьред мә хԝәйе малерʹа дьбежьн кӧ әԝ дь рʹеза готарада, гьлийе ԝи мәрьви бьхунә йе кӧ пьрса дьдә, ле хԝәха даннасинкʹар гьлийе Шәʹде Йаһоԝа дьхунә. Чахе хԝәйе мале готар дьхунә, әв йәк рʹьнд ль сәр ԝи һʹӧкӧм дькә, чьмки бь ԝе йәке әв мәри баԝәрийа хԝә дьщерʹьбинә у һесабуне жи дьстинә (Ԛан.Дщр. 32:2).
4. Ча әм дькарьн рʹезед готара бьдьнә хәбате, сәва кӧ хԝә һин кьн?
4 Хԝә, у йед дьнена һин кә: Чахе тӧ әван рʹезед готара дьхуни, һьлдә һʹәсаб рʹезед жь Кʹьтеба Пироз, шькьла, у ӧса жи кӧ ча әв фькьр тенә шьровәкьрьне. Дина хԝә бьдә ԛәйде ньвисара готаре. Паше бьхәбьтә кӧ хԝәха дь ԛӧльхкьрьнеда әве йәке бьди хәбате (Мәтʹлк. 1:5; 9:9). Хушкәк ӧса гот: «Хԝәндьна ван готара мина ԝе йәке йә, те бе жи кӧ жь пешәнге щерʹьбанди һин дьби, йе кӧ тʹьме тʹәви тә йә у занә чаԝа рʹаст щаба хԝә бьдә!»
5. Ча әм дькарьн али ԝи мәрьви бькьн тʹәви кʹижани кӧ Кʹьтеба Пироз һин дьбьн, ԝәки сәва ԛӧльхкьрьне һазьр бә?
5 Һун ӧса жи әван рʹезед готара дькарьн бьдьнә хәбате, сәва кӧ али ԝи мәрьви бькьн тʹәви кʹижани кӧ Кʹьтеба Пироз һин дьбьн, ԝәки әԝ сәва ԛӧльхкьрьне һазьр бә. Готаре тʹәвайи бьхуньн у бьһельн ԝәки әԝе кӧ Кʹьтеба Пироз һин дьбә, рола даннасинкʹаре бьлизә. Бь ве йәке, әԝе кӧ Кʹьтеба Пироз һин дьбә, дькарә хԝә бьщерʹьбинә ԝәки дәрһәԛа баԝәрийа хԝә бь шәһрәзайи у мәрифәти хәбәр дә (Колс. 4:6). Бь рʹастийе жи әв готар йәк жь ԝан тьшта йә, йе кӧ Йаһоԝа дьдә сәва кӧ али мә бькә, ԝәки әм бь тʹәмами «ԛӧльхе хԝә бьԛәдиньн» (2 Тимтʹ. 4:5).