Чʹәʹв Бьдә Миха Пʹехәмбәр
1. Миха пʹехәмбәр дьбәкә кʹижан пьрс дабу хԝә, у чьрʹа даннасинкьрьна ԝи бош-бәтал нибу?
1 ‹Гәло, ԝе кʹәнге кʹӧтасийа ве дьнйа ԛәлп бе?› Дьбәкә Миха пʹехәмбәр жи әв пьрс дьда хԝә, чахе дәрһәԛа диԝанкьрьна Йаһоԝа, әʹлами пʹадшатийа Исраеле у Щьһудайе дькьр. Ле даннасинкьрьна ԝи бош-бәтал нибу. Чьмки дь сала 740-да Б.Д.М., ԝәʹде жийина ԝи, созед Йаһоԝа, йед кӧ әԝи дәрһәԛа Самәрйайе пʹехәмбәрти кьр, һатьбун сери (Мих. 1:6, 7). Һьнә ԝәʹдә шунда, Оршәлим дь сала 607-да Б.Д.М. һатә ԝеранкьрьне (Мих. 3:12). Иро жи әм һивийа диԝана Йаһоԝа нә. Ле гәло, дь ве йәкеда әм ча дькарьн чʹәʹв бьдьнә Миха пʹехәмбәр?
2. Чахе әм һивийа рʹожа Йаһоԝа нә, һьнге чаԝа у чьрʹа әм сәбьре дьдьнә кʹьфше?
2 Сәбьр кә: Миха гот, кӧ әԝ ԝе рʹьнд дина хԝә бьдә Йаһоԝа, у бь сәбьр һивийа Хԝәдайе хԝәйи хьлазкʹар бә (Мих. 7:7). Бәле, Миха пʹехәмбәр бәдиһәԝа ԝәʹде хԝә ӧнда нәдькьр. Ле чаԝа пʹехәмбәре Йаһоԝа, Миха бь хирәт шьхӧлед Хԝәдеда мьжул дьбу. Әм жи иро һивийа рʹожа Йаһоԝа нә, ләма жи гәрәке «жийина һʹәлал у хԝәденасийеда бьмәшьн» у бь ве йәке мьжул бьн (2 Пәт. 3:11, 12). Сәбьра Йаһоԝа мәщале дьдә, ԝәки һʹәму жь гӧнәкьрьне вәгәрʹьн (2 Пәт. 3:9). Жь бо ве йәке, әм хԝә ль ширәта Кʹьтеба Пироз дьгьрьн, сәва кӧ сәбьркьрьнеда чʹәʹв бьдьнә пʹехәмбәра (Аԛуб 5:10).
3. Чьрʹа әм гәрәке жь Йаһоԝа рʹӧһʹе пироз бьхԝазьн?
3 Гӧмана Хԝә Бьдә ль сәр Ԛәԝата Йаһоԝа: Рʹаст ә шьхӧле Миха пʹехәмбәр пʹьрʹ фәрз бу, ләма жи әԝи жь Йаһоԝа аликʹари у ԛәԝате дьхԝәст (Мих. 3:8). Жь бо ве йәке, Хәбәра Хԝәде мә һелан дькә, кӧ гӧмана хԝә ль сәр ԛәԝата Йаһоԝа дайньн. Йаһоԝа бь мәрдайи ԛәԝате дьдә йед ԝәстийайи, сәва кӧ әԝана бькарьбьн щабдарийед хԝәйи ԛӧльхийе бьԛәдиньн (Зәб. 84:5, 7; Иша. 40:28-31). Ле гәло, ԝә ԛӧльхкьрьна хԝәда ԛә щарәке әв ԛәԝат тʹәхмин кьрийә? Һун һәр рʹож жь Йаһоԝа аликʹари у рʹӧһʹе ԝийи пироз дьхԝазьн, йан на? (Луԛа 11:13).
4. Жийина Миха пʹехәмбәр, рʹожа иройин чь мәсәләки баш ә сәва мә?
4 Ԛәдандьна ԛьрара Хԝәде, дь жийина Михада лапи фәрз бу. Рʹаст ә дор-бәре ԝи гәләк бенамуси һәбу, ле йәкә әԝи амьни хԝәй дькьр. Амьнийа мә жи һәр рʹож те щерʹьбандьне. Ләма ԝәрен әм жи ԛәԝи кьн хԝәстьна хԝә кӧ «һәр тьм...бь наве Хԝәдайе хԝә [Йаһоԝа, ДТʹ]...бьмәшьн» (Мих. 4:5).