Дайина Журнала, Керһати йә сәва кӧ Һинкьрьна Кʹьтеба Пироз Дәстпекьн
1. Чьрʹа организасиона Йаһоԝа тʹьме даннасинкʹара һелан дькә, кӧ мәрийарʹа журнала бьһельн?
1 Гәләк мәри нахԝазьн Кʹьтеба Пироз һин бьн, ле ԝана хԝәш те журналед мә бьхуньн. Ләма жи организасиона Йаһоԝа, тʹьме даннасинкʹара һелан дькә, кӧ мәрийарʹа журнала бьһельн. Чахе мәри һәр тʹьм журналед мә дьхуньн, һьнге хԝәстьна ԝан һьндава Хәбәра Хԝәде һе мәзьн дьбә (1 Пәт. 2:2). Ԝәʹдә шунда әԝ чь кӧ әԝана дьхуньн, дькарә ль сәр ԝан һʹӧкӧм кә у һелан кә, ԝәки һинкьрьна Кʹьтеба Пироз дәстпекьн.
2. Ча әм дькарьн дәстпекьн хәбәрдане тʹәви ԝан мәрийа, кижанарʹа кӧ журнала дьһельн?
2 Тʹохьме Рʹастийе Авдә: Сәва кӧ тʹәне мәрийарʹа журнала бьһели у перʹа-перʹа һәрʹи, бьхәбьтә кӧ тʹәви ԝан хәбәрдане дәстпеки у һәләԛәтийа хԝә жи тʹәви ԝан чеки. Әв йәк ԝе али тә бькә кӧ пебьһʹәси һәла әв мәри йәки ча нә, чь хԝәстьнед ԝи һәнә, у әԝ чь баԝәр дькә. У әв йәк тәрʹа дәст дьдә кӧ мәрийарʹа зьман бьбини (Мәтʹлк. 16:23). Сәва һәр сәрледанәке хԝә һазьр кә. Һәгәр дәст дьдә, кьн дина хԝә бьдә фькьрәки йан жи рʹезәки жь журнала, у бь ԝе йәке тӧйе тʹохьме рʹастийе дьле ԝида авди (1 Корн. 3:6). Хԝәрʹа бьньвисә, ԝәки кʹижан рʹоже тӧ һати щәм ԝи, кʹижан әʹдәбйәт ԝирʹа һишт, дәрһәԛа чь тә тʹәви ԝи хәбәр да у кʹижан рʹез шьроԝәкьр.
3. Гәло чьԛас зу әм гәрәке сәрледане бькьн ԝан мәрийарʹа, кʹижанарʹа кӧ журнала дьһельн?
3 Чьԛас Зу Гәрәке Сәрледане Бькьн? Тӧ гәрәке мәһе щарәке журналед тʹәзә мәрийарʹа бини. Ле чь жи һәбә, әв йәк ча дәрәщед тәва гьредайи йә, ӧса жи ве йәкева һәла хԝәстьна мәрийа һәйә һе зедә пебьһʹәсьн йан на. Тӧ дькари хԝәха сафи ки, һәла чьԛас зу бей щәм мәрийа. Мәсәлә, чахе һʹәфтек йан жи дӧ һʹәфте дәрбаз бу, паше ԝе йәке чахе тә журнал һиштьн, дькари диса бей у ӧса бежи: «Әз һатьм щәм ԝә, ԝәки кьн дина ԝә бьдьмә ль сәр фькьрәки жь ве журнале, кʹижан кӧ мьн ԝәрʹа һиштьбу». Әв йәк дькарә ԝи һелан кә, кӧ бьхԝазә готаре бьхунә. Һәгәр әԝ ида журнал хԝәндийә, һьнге тӧ дькари жь ԝи пьрс ки, һәла чь әԝ дьшьрмиш дьбә дәрһәԛа ве готаре у кьн шеԝьр бькә. Йан жи һәгәр мәри хԝәш те әʹдәбйәте мә бьхунә, тӧ дькари щарәкә дьн жи бей щәм ԝи у ԝирʹа нишан ки буклет, брошур, йан жи кʹьтеб, йед кӧ дь ве мәһеда тенә бәлакьрьне.
4. Щарна әм чь дькарьн бькьн, сәва кӧ хԝәйе мале бьхԝазә һинкьрьна Кʹьтеба Пироз дәстпекә?
4 Һивийе нибә кӧ хԝәйе мале, хԝәха жь тә бьхԝазә кӧ тʹәви ԝи һинкьрьне дәрбаз ки. Тӧ гәрәке хԝәха гава пешьн бавежи. Һәгәр әԝи бәре нәдьхԝәст кӧ тʹәви ԝи һинкьрьне дәрбаз ки, һьнге дькари щарна дина ԝи бьди ль сәр готаре жь «Бьрща Ԛәрәԝьлийе», бь наве ӧса «Ответы на библейские вопросы» (ru), у һәгәр әԝ бьхԝазә дькари тʹәви ԝи шеԝьр бьки. Дьбәкә тӧйе бькарьби тʹәви ԝи дәстпеки һинкьрьна Кʹьтеба Пирозә бәр дери. Ле чь жи һәбә, һәгәр әԝ нә жи бьхԝазә һинкьрьна Кʹьтеба Пироз дәстпекә, тӧ дькари бәрдәԝан ки журнала ԝирʹа бини у һʹәԝаса ԝи бь ве йәке мәзьн ки.