Дизайна Бәлавокед Тʹәзә!
1. Дизайна кʹижан әʹдәбйәте һатә тʹәзәкьрьне?
1 Пенщ бәлавокед тʹәзә, һатьбун дәрхьстьне ль сәр щьвата мәзьнә серʹожи, йа сала 2013 бь наве «Хәбәра Хԝәде Рʹасти йә!». Хенщи ве йәке, бәлавока Мьзгинийа Пʹадшатийе № 38, наве кʹижани кӧ ӧса йә «Гәло, бь Рʹастийе Мьри Дькарьн Диса Бьжин?», кʹәтә нава рʹеза пенщ бәлавокед дьн. Дизайна ван һәр шәш бәлавока тʹәзә йә. Гәло чьрʹа дизайна ԝан һатә гӧһастьне? Чахе әм ван бәлавока мал бь мал бәла кьн, гәло әм ча дькарьн әԝан бәлавока баш бьдьнә хәбате?
2. Нета дизайна бәлавока тʹәзә чь йә?
2 Чьрʹа Лазьм ә Дизайна Тʹәзә? Сәва кӧ пешанина мә баш бә чахе әм мал бь мал даннасин дькьн, һәртʹьм әван чар тьшта лазьм ә һьлдьн һʹәсаб: (1) Пьрс ӧса дайнә, кӧ бькарьби хәбәрдане дәстпеки. (2) Рʹез жь Кʹьтеба Пироз бьхуньн. (3) Әʹдәбйәте хԝәйе малерʹа бьһелә, сәва кӧ әԝ бьхунә. (4) Пьрсәке бьдә, кӧ щарәкә дьн тʹәви ԝи шеԝьр бьки у хәбәр дә дәрһәԛа сәрледана дӧбарә. Бәлавока бь дизайна тʹәзә, али мә дькә кӧ әван 4 тьшта һеса бькарьбьн бьдьнә хәбате.
3. Ча әм дькарьн дь ԛӧльхкьрьнеда йәк жь ван бәлавокед тʹәзә бәла кьн?
3 Ча Әван Бәлавока Бьдьнә Хәбате: (1) Паши ԝе йәке чахе хԝәйе мале сьлав ки, дина ԝи бьдә сәр пьрса кʹижан кӧ ль сәр рʹуйе пешьн ә у бьпьрсә һәла әԝ чь дьшьрмиш дьбә. (2) Бәлавоке вәкә у нишан кә «Кʹьтеба Пироз дьбежә». Һәгәр дәст дьдә, рʹез жь Кʹьтеба Пироз перʹа-перʹа бьхунә. Ӧса жи һәгәр ԝәʹде хԝәйе мале һәйә, тʹәви ԝи дәрһәԛа «Кʹьтеба Пироз ӧса жи соз дьдә» шеԝьр бькә. (3) Бәлавоке ԝирʹа бьһелә, у ԝи һелан кә кӧ чахе ԝирʹа дәст бьдә, бьра бьхунә. (4) Пешийа кӧ тӧ һәрʹи, нишан кә рʹупʹела пашьн кʹидәре кӧ ньвисар ә «Дьшьрмиш Бьн», у хәбәр дә дәрһәԛа сәрледана дӧбаре сәва кӧ шеԝьр кьн щаба кӧ ль сәр һʹиме Кʹьтеба Пироз ә.
4. Ча әм дькарьн ԝәʹде сәрледанә дӧбарә, бәлавока тʹәзә бьдьнә хәбате?
4 Сәрледана дӧбарә жи һеса йә бькьн. Дькари һеса бьди хәбате әван рʹезед жь Кʹьтеба Пироз йед кӧ ль сәр рʹупʹела пашьн ә, сәва кӧ щаба ԝи пьрси бьди дәрһәԛа чь жи, тә пешда хәбәр дабу. Пешийа кӧ һәрʹи, дина ԝи бьдә ль сәр шькьле брошуре «Мьзгинийа Хԝәде сәва Мәрийа». Брошуре вәкә у нишан кә әԝе дәрсе, йа кӧ һе зедә шьровәдькә щаба пьрса ԝи. Паше жи брошуре ԝирʹа бьһелә. Һәгәр әԝ әве йәке ԛәбул дькә, диса тʹәви ԝи дәрһәԛа сәрледана дӧбарә хәбәр дә, кӧ әве брошуре шеԝьр бькьн. Ӧса тә ида һинкьрьна Кʹьтеба Пироз дәстпекьр! Йан жи дәԝса кӧ әве брошуре бьһели, тӧ дькари бәлавока дьн ԝирʹа бьһели у тʹәви ԝи хәбәр дә кӧ паше бей ԝәки шеԝьр бьки.
5. Ԛимәта ван бәлавока дь ԛӧльхкьрьнеда чь йә?
5 Бәлавока, әм ԝәкә 130 сала дь ԛӧльхкьрьнеда дьдьнә хәбате. Хенщи ве йәке дизайн у чапа ԝан тʹьме дьһатә гӧһастьне. У әв бәлавок һʹәщәтед гәләк керһати нә сәва шәʹдәтикьрьне. Ләма жи ԝәрен әм рʹьнд бьдьнә хәбате әван бәлавокед тʹәзә, сәва кӧ бәрдәԝан кьн занәбуна жь Кʹьтеба Пироз дь нав тʹәмамийа дьнйайеда бәла кьн (Мәтʹлк. 15:7а).