Видео йа Тʹәзә сәва кӧ Һинкьрьна Кʹьтеба Пироз Дәстпекьн
Видео йа кьн бь наве «Чьрʹа Һин бьн Кʹьтеба Пироз?» һатә кʹьфшкьрьне, ԝәки гәләк мәрьв бькʹәвьнә жԝ.орг. Әв видео ӧса жи сәва ԝе йәке һатийә кʹьфшкьрьне, кӧ һʹәԝаса мәрийа мәзьн кә ԝәки әԝана һинкьрьна Кʹьтеба Пироз йа кӧ бе пʹәрә йә, ԛәбул кьн. Сәва кӧ һинкьрьне дәстпекьн, дькари ль сәр рʹупʹела сәри бьвини «Дьхԝази һин би Кʹьтеба Пироз?» у сәр бьтькинә. Йан жи дькари скан бьки ԚR (Код, бь аликʹарийа кʹижани кӧ зу дькʹәви сәр малпәра мә), демәк кода һәр бәлавокед тʹәзә, йед кӧ ль сәр рʹупʹела пашьн ьн. Ль вьр һәнә һьнә рʹебәри кӧ ча әм дькарьн баш әв видео бьдьнә хәбате.
Чахе сәрледана дӧбарә бьки, хԝәйе малерʹа ӧса бежә: «Әз дькарьм ԝәрʹа видеойәки кьн нишан кьм, кʹижан кӧ шьровәдькә кӧ ча тӧ дькари бьстини щаба пьрсед хԝәйә Кʹьтеба Пироз?» Һәгәр әԝ ԛайил ә, нишани ԝи кә видео, дь тʹела хԝәйә мобиледа йан жи компӧтәра ԝида.
Һәгәр әм бәлавокәки тʹәзә дь ԛӧльхкьрьнеда йан жи дь ԛӧльхкьрьна нәформалда дьдьнә хәбате, һьнге дина мәрийа бьдә ль сәр ԚР код у мәрийа һелан кә, ԝәки әԝана әԝ бь тʹела хԝәйә мобиле скан кьн. Рʹаст ә дь гәләк зьманада ԚР код перʹа-перʹа тә дькарә дәрбази ль сәр малпәра мә бькә, ле тӧ ӧса жи дькари әв видео дь мобила хԝәда жи вехи.
Бежә һәвал-хәбаткʹаре хԝә, йан тʹәви кʹи кӧ дь мәкʹтәбеда һин дьби у мәрьвед хԝәйә незикра у насед дьнрʹа дәрһәԛа ве видеойе, у ԝанарʹа нишан кә әв видео. Йан жи бь ә-намәйе линка ве видеойе ԝанарʹа бьшинә. У ԝана тʹәглиф кә кӧ хԝәха бьньһерʹьн.
Чахе әм әԝан тьштед жоре готи бьдьнә хәбате, әме бькарьбьн гәләк һинкьрьнед Кʹьтеба Пироз дәстпекьн, у аликʹарийа рʹӧһʹани бьдьнә ԝан мәрийа йед кӧ дьхԝазьн «жийина һʹәта-һʹәтайе» бьстиньн (Кʹар. Шанд. 13:48).