Мәһа Тʹәбахе, ԝе Мәһа Тʹәрихийе бә сәва Ԛӧльхкьрьне!
Бәлавока Тʹәзә, ԝе ль Тʹәмамийа Дьнйайе бе Бәлакьрьне
1. Дь кʹижан компанийа мәхсусда әме кʹар бькьн?
1 Сәдсалийа буйина Пʹадшатийа Хԝәде незик дьбә. Бь рʹастийе жи әв ԝәʹдәки ԝе чьԛас баш бә, кӧ бь сайа компанийа мәхсус әм Йаһоԝа һʹӧрмәт кьн! Нава мәһа Тʹәбахе, әме дь компанийеда кʹар бькьн сәва кӧ бәлавока тʹәзә бәла кьн. Наве ве бәлавоке ӧса нә: «Жь Кʹидәре Әм Дькарьн Бьвиньн Щабед Пьрсед Гьринг?», у әв бәлавок ԝе ль тʹәмамийа дьнйайе бе бәлакьрьне. Әв бәлавок хԝәндәкʹара һелан дькә, ԝәки әԝана щабед пьрсед гьринг дь Кʹьтеба Пирозда бьгәрʹьн. Хенщи ве йәке әв бәлавок шьровәдькә кӧ чаԝа дь ве йәкеда jԝ.org дькарә али ԝан бькә.
2. Чь әм дькарьн бькьн, сәва кӧ дь мәһа Тʹәбахеда бь дәнге бьльнд пәсьн бьдьнә Йаһоԝа?
2 Дәнге Бьльнд йа Пәсьндайине: Сәва кӧ бькарьбьн һе зедә дь ԛӧльхкьрьнеда бькьн, тьштәк һатийә кьрьне бона һʹәмуйед кӧ һатьнә ньхӧмандьнә. Демәк ԝәки дь нава мәһа Тʹәбәхеда ча пешәнгед кʹӧмәкдар ԛӧльх кьн у бькарьбьн 30 сьһʹәта тʹәсмил кьн. Дь мәһа Тʹәбахеда, пенщ рʹожед Ини, Шәʹми у Ләʹде һәнә. Ләма жи гәләк ԛӧльхкʹар йед кӧ нава һʹәфтийе дьхәбьтьн, ԝе бькарьбьн чаԝа пешәнгед кʹӧмәкдар ԛӧльх кьн. Хенщи ԝе йәке дь ве мәһеда, щаһьл жи жь һинбуна дь мәкʹтәбеда һеса дьбьн у дькарьн әв ԝәʹдә бьдьнә хәбате, ԝәки ча пешәнгед кʹӧмәкдар ԛӧльх кьн. Һәрге тӧ һинкьрьна Кʹьтеба Пироз тʹәви мәрики йан зарʹе дәрбаз дьки, йед кӧ дьхԝазьн бьбьнә ԛӧльхкʹар у лайиԛи ве йәке нә, һьнге бе әгләкьрьн тʹәви координаторе кʹома рʹуспийа дәрһәԛа ве йәке хәбәр дә. Бь рʹастийе жи әв һеланкьрьна чьԛас мәзьн бә сәва ԝан мәрийа, кӧ тʹәви мә дь ве мәһа мәхсус у тʹәрихийеда бь хирәт ԛӧльх кьн! Һьнә пешәнгед һәртʹьм, паши ԝе йәке чаԝа норма сьһʹәта ԛӧльхкьрьна хԝә ида тʹәсмил кьрьнә, рʹожед һесабуне дь мәһа Тʹәбахеда һьлдьдьн. Әԝана дькарьн шьхӧлед хԝә бьньһерʹьн у ӧса сафи кьн, кӧ бькарьбьн дь ве мәһеда бь тʹәмами дь ве компанийеда кʹар бькьн. Малбәт жи дькарьн дьшьрмиш бьн у шеԝьра һәв бькьн, кӧ чаԝа дькарьн дь ве мәһеда һе зедә ԛӧльх кьн, у бь дәнге бьльнд пәсьн бьдьнә Йаһоԝа дь ве мәһа Тʹәбахеда (Әзр. 3:11; Мәтʹлк. 15:22).
3. Гӧмана мә һьндава ве компанийеда чьда нә?
3 Рʹаст ә пешда мә ида дь компанийед ви щурʹәйида кʹар кьрийә, ле әм гӧман ьн кӧ әв компанийа ԝе йа тʹәрихийе бә. Ләма жи әм дькарьн дьшьрмиш бьн кӧ сьһʹәтед хԝәйә ԛӧльхкьрьне һе зедә кьн, у чаԝа пешәнгед кʹӧмәкдар мәһа Тʹәбахеда ԛӧльх кьн. Бьра Йаһоԝа хьлазийа ве сала хьзмәтийейә 2014, ԛәԝата щьмәʹта хԝә нав тʹәмамийа дьнйайеда бьмбарәк у кʹәрәм кә, чьмки әԝана шәʹдәтийа пʹьрʹ мәзьн дь мәһа Тʹәбахеда ԝе бьдьн! (Мәт. 24:14).