Һин бә ԝәки дь Ԛӧльхкьрьнеда Һе Щерʹьбанди би; Дәстпекә Хәбәрдане, сәва кӧ Шәʹдәтийа Нәформал Бьди
Әв йәк Чьрʹа Фәрз ә: Чахе әм мал бь мал даннасин дькьн, әм дьвиньн кӧ гәләк мәри малда ниньн. Ләма жи әм дькарьн тʹәви ԝан хәбәр дьн чахе әм тьранспортеда ньн, йан жи чахе нәхԝәшханеда һивийа сьрийа хԝә нә. Ӧса жи әм дькарьн тʹәви ԝан хәбәр дьн, чахе хәбатеда йан жи мәкʹтәбеда ԝәʹде һесабуна мә те. Хенщи ве йәке, дәрәщед дьн жи һәнә. Ԛьрара Йаһоԝа әԝ ә, ԝәки мәщала һʹәму мәрийа һәбә, кӧ бькарьбьн мьзгинийа Пʹадшатийе бьбьһен (1 Тимтʹ. 2:3, 4). Сәва кӧ шәʹдәтийе бьдьн, әм гәрәке жь алийе хԝәда бьхәбьтьн кӧ хәбәрдане дәстпекьн.
Чаԝа Бькьн:
• Бьжберә тʹәви кʹе хәбәр ди. Гәло те кʹьфше ԝәки мәри һәвалһʹьз ә, у әԝ һазьр ә хәбәр дә? Дәрәщә дәст дьдә, кӧ бькарьби һеса мәрийарʹа хәбәр ди? Мәсәлә һьнә ԛӧльхкʹар пешийе бь һәвалһʹьзийе мәри дьньһерʹьн, у чахе мәри жи бь һәвалһʹьзийе дина хԝә дьдә ԝан, һьнге ԛӧльхкʹар дәстпедькьн хәбәрдане.
• Кьн дьле хԝәда дӧа бькә, сәва кӧ бь меркʹими хәбәр ди (Нәһәм. 2:4; Кʹар. Шанд. 4:29).
• Дәстпекә жь сьлавкьрьне. Чахе Иса рʹасти кʹӧлфәтәкә Самәри һат, әԝи перʹа-перʹа дәстпенәкьр дәрһәԛа Пʹадшатийе ԝерʹа хәбәр дә (Йн. 4:7). Щарна дькарьн бь пʹайидайине хәбәрдане дәстпекьн у ӧса бежьн: «Зарʹед ԝә чьԛаси баш ьн!» Йан жи дькари бь пьрс хәбәрдане дәстпеки у бежи: «Ԝә дӧ еваре әв дәнг у бәс бьһист?»
• Чахе тә хәбәрдан ида дәстпекьрийә, һьнге мәщале бьвинә кӧ дәрһәԛа мьзгинийа хере бежи. Ле фәрз ә ԝәки ләз нәкʹәви. Ӧса бькә кӧ хәбәрдан һеса дәрбаз бә. Ԝәʹде хәбәрдане тӧ дькари тьштәки һәԝас бежи, жь бо чь жи мәри һелан бә пьрса бьдә тә. Мәсәлә һәрге хәбәрдан дәрһәԛа малбәте дьчә, тӧ дькари ӧса бежи: «Мьн һьнә ширәтед керһати дит, дәрһәԛа ԝе йәке кӧ чаԝа зарʹа мәзьн кьн». Һәрге тӧ хәбәр дьди дәрһәԛа информасйонәки жь дәнг у бәса, дькари ӧса бежи: «Ван пашԝәхтийа мьн дәрһәԛа мьзгинике хԝәнд, йе кӧ әви һʹале һан дькарә рʹаст кә». Дьлтәнг нәбә һәрге хәбәрдана тә һе пешийа ԝе йәке хьлаз дьбә, һʹәта кӧ тәйе шәʹдәти бьда.
• Бәлавока йан әʹдәбйәтед дьн тʹьме тʹәви хԝә һьлдә, сәва кӧ бькарьби кәсәкирʹа бьһели, йе кӧ һʹәԝаса хԝә һьндава мьзгинийе дьдә кʹьфше.
Әве Йәке Ве Мәһеда Бьдә Хәбате:
• Жь алийе хԝәда бьхәбьтә кӧ һәр һʹәфтийе бькарьби хәбәрдане дәстпеки бь ви нети, кӧ шәʹдәтийа нәформал бьди.