Щурʹәк жь Пешанине
«Жь Кʹидәре Әм Дькарьн Бьвиньн Щабед Пьрсед Гьринг?»
Бәлавоке, хԝәйе малерʹа бьдә ԝәки әԝ бькарьбә наве ԝе жи бьвинә, у бежә: «Рʹож хера ԝә. Әм дь кампанийа һʹәмдьнйайеда кʹар дькьн, сәва бәлакьрьна әве әʹламәтийа фәрз. Әва бәлавока сәва ԝә йә».
Һәрге мале кәсәк тʹӧнә, һьнге дькари әве бәлавоке щийе ӧса дайни, кӧ нә бәрбь чʹәʹв бә сәва һʹәму мәрийа, у һәрге нә һʹәԝщә йә лазьм нинә әԝе ԛәт ки.
Һәрге хԝәйе малерʹа әв йәк һʹәԝас ә, йан жи әԝ дьхԝазә дәрһәԛа ве йәке хәбәр дә, тӧ дькари жь ԝи пьрс ки, һәла чь әԝ дьшьрмиш дьбә дәрһәԛа пьрса кӧ ль сәр рʹупʹела пешьн ә. Бәлавоке вәкә, у хԝәйе малерʹа нишан кә, кӧ чь те готьне дь кʹьтеба Зәбур 119:144, 160-да. Шьровәкә, ԝәки дь ве бәлавокеда һәйә әʹламәти дәрһәԛа Малпәре, йа кӧ дькарә али ԝи бькә кӧ бькарьбә дь Кʹьтеба Пирозда щабед рʹаст бьвинә. Тӧ дькари ԝирʹа вехи у нишан ки видео бь наве «Чьрʹа Һин бьн Кʹьтеба Пироз?» Һʹәта кӧ тӧ һәрʹи, дина хԝәйе мале бьдә сәр се пьрса, йед кӧ дь ве бәлавокеда ль сәр рʹупʹела пашьн ьн. У пьрс кә һәла дәрһәԛа кʹижан жь ван пьрса әԝ дьхԝазә һе зедә пебьһʹәсә. Дәрһәԛа сәрледана дӧбарә хәбәр дә, ԝәки тӧ бейи у тʹәви ԝи шеԝьр бьки һәла ча Кʹьтеба Пироз щаба ве пьрсе дьдә. [Щабед ван пьрса тӧ дькари ль сәр jԝ.org бьвини. Бьньһерʹә ҺИНКЬРЬНЕД КʹЬТЕБА ПИРОЗ > ЩАБЕД СӘР ПЬРСЕД ДӘРҺӘԚА КʹЬТЕБА ПИРОЗ]
Һәрге һун ӧса жи бәла дькьн тʹәглифкьрьна ль сәр щьвата мәзьн, һьнге чахе хԝәйе малерʹа бәлавоке дьди, дькари әви тʹәглифкьрьне жи бьди у бежи: «Хенщи ԝе йәке, әм дьхԝазьн ԝә тʹәглиф кьн сәр ԛәԝьмандьнәке кӧ незик дьбә. Һатьна ԝә бе пʹәрә йә».
Һәрге кәсәк дьбежә: «Әз нахԝазьм дине кал-баве хԝә инкʹар кьм».
Һун дькарьн ӧса бежьн: «Әз жи ԛәдьре кал-бава дьгьрьм. У әм һʹәмушк жи заньн ԝәки әԝана гәләк ԛәдьре пʹехәмбәра дьгьртьн, мәсәлә Бьраһим, Ибо у Даԝьд пʹехәмбәр. Әз дьхԝазьм ԝәрʹа нишан кьм ԝәки йәк жь ван пʹехәмбәра, демәк Ибо чь готьбу. [Тӧ дькари бьхуни йан жи бь әзбәри бьԝәкʹьлини Ибо 14:1]. Ча һун дьшьрмиш дьбьн, әʹмьре мә тʹьме ԝе ӧса бә?» [Паше әве бәлавоке бьдә хәбате: «Жь Кʹидәре Әм Дькарьн Бьвиньн Щабед Пьрсед Гьринг?»]
Һәрге кәсәк дьбежә: «Һʹәбандьна мьн щурʹәки майин ә».
Һун дькарьн ӧса бежьн: «Әз шам ә кӧ рʹасти мәрьвәки ӧса һатьм, йе кӧ Хԝәде баԝәр дькә». Щәм мьн бәлавокәк һәйә ль сәр зьмане мә, кʹидәре кӧ щабед ԝан пьрса тенә дайине, дәрһәԛа чь жи мәрьвед кӧ Хԝәде баԝәр дькьн дьшьрмиш дьбьн». [Паше әве бәлавоке бьдә хәбате: «Жь Кʹидәре Әм Дькарьн Бьвиньн Щабед Пьрсед Гьринг?»]