Щурʹәк жь Пешанине
Бәлакьрьна Кʹьтеба «Сәрһатийед Кʹьтеба Пироз» дь Мәһа Илонеда
“Сәрһатийед Кʹьтеба Пироз”
Пешийе чаԝа кӧ бь әʹдәт лазьм ә, мәри сьлав кә. Паше дькари бежи: «Һәр кәс жь мә бьһистийә дәрһәԛа Бьраһим пʹехәмбәр. Әԝи гәләк Хԝәде баԝәр дькьр. Әм дьхԝәзьн ԝәрʹа гьли кьн ԛәԝьмандьнәке йе кӧ әʹмьре Бьраһим пʹехәмбәрда ԛәԝьми». Хԝәйе малерʹа гьли кә сәрһати ԝәки чаԝа Бьраһим хӧламәки хԝә шанд, сәва кӧ әԝ Исһаԛрʹа жьне бьхԝазә. Әв сәрһати те гьликьрьне дь сәрһатийа 16-да жь кʹьтеба «Сәрһатийед Кʹьтеба Пироз». Һәрге дәрәщә дәст дьдә, бьхунә Дәстпебун 24:12. (Һәрге тӧ дьвини кӧ мәри Кʹьтеба Пироз ԛәбул накә, ԝе баш бә ԝәки ԝәʹде сәрледана хԝәйә пешьн Кʹьтеба Пироз вәнәки у нәжи дина хԝә бьди сәр.) Дькари ӧса бежи: «Ԝә дина хԝә дайе, ԝәки хӧламе Бьраһим Хԝәдерʹа дӧа кьр у Хԝәде жи али ԝи кьр? Әв йәк мә һин дькә, ԝәки әм гәрәке итʹбарийа хԝә Хԝәде биньн». Паше дькари зедә ки: «Щәм Исһаԛ дӧ кӧрʹед щеԝи һәбун. Щарәкә дьн әз дьхԝазьм ԝәрʹа гьли кьм, ԝәки чаԝа Хԝәде йәк жь ԝан кӧрʹа кʹәрәм кьрийә у мьләтәки мәзьн жь ԝи пешда ани». Әве кʹьтебе хԝәйе малерʹа бьһелә. Сәр сәрледана дӧбарә тӧ дькари тʹәви ви мәрьви дәрһәԛа сәрһатийа 12 шеԝьр бьки.
Щурʹе дӧда: Пешийе чаԝа кӧ бь әʹдәт лазьм ә, мәри сьлав кә. Паше дькари бежи: «Һәр кәс жь мә бьһистийә дәрһәԛа Бьраһим пʹехәмбәр. Нәбики Бьраһим һәбу. Наве ԝи Аԛуб бу. Әм дьхԝазьн ԝәрʹа гьли кьн ԛәԝьмандьнәке, йе кӧ әʹмьре Аԛуб пʹехәмбәрда ԛәԝьми». Хԝәйе малерʹа гьли кә сәрһати ԝәки чаԝа Аԛуб гази кӧрʹед хԝә кьрийә у ԝанарʹа ширәт дан. Паше ве йәке дькари пьрс ки: «Ча һун дьшьрмиш дьбьн, Аԛуб бавәки баш бу?» Һивийе бә, бьра мәри щаба хԝә бьдә. Паше ве йәке ча мәри щаба хԝә ԝе бьдә, дькари зедә ки: «Дина хԝә бьдьн ԝәки чаԝа Аԛуб хәм дькьр дәрһәԛа һалхԝәшийа зарʹед хԝә һәла һе ԝи щахи жи, гава бәр мьрьне бу. Әв йәк мә һин дькә ԝәки әм жи гәрәке зарʹед хԝә һин кьн у чахе лазьм ә ԝана ширәт кьн. Щарәкә дьн әз дьхԝазьм ԝәрʹа гьли кьм дәрһәԛа кәсәки, кʹижан кӧ бь рʹастийе жи Бавәки лапи баш ә». Чахе тӧ диса бейи щәм ви мәрьви, дькари шеԝьр бьки дәрһәԛа сәрһатийа 115-116 жь кʹьтеба «Сәрһатийед Кʹьтеба Пироз», у гьли ки дәрһәԛа Хԝәде у созед ԝи.