«Әз Ԝи Нькарьм Диса Малда Бьгьрьм!»

Дьбәкә тә жи гьлийе ӧса дәрһәԛа кәсәки готийә, йе кӧ һʹәԝаса хԝә һьндава Мьзгинийе дабу кʹьфше. Һәла һе ԝи чахи жи, гава тӧ чәнд щара дьһати щәм ви мәрьви, тә нькарьбу авда әԝ тʹӧхьме рʹастийе, йе кӧ тә дачʹьканд (1 Щор. 3:6). Мәсәлә, чахе ԛӧльхкʹаред щерʹьбанди нькарьн кәсәки малда бьгьрьн, әԝана хԝәйе малерʹа нәʹма дьньвисьн йан жи дәрида әʹдәбйәтәки дьһельн. Чахе ԛӧльхкʹар рʹасти мәрьвед ӧса тен, кʹижана кӧ ԝе нькарьбьн мале бьвиньн, әԝана дькарьн бь тактики һәжмара тʹела ԝан бьхԝазьн. Һәрге әм тенә щәм хԝәйе мале, йан жи бь нәʹма, ә-нәʹма, бь тʹеле ԝирʹа шәʹдәтийе дьдьн, йан жи бәр дәри әʹдәбйатәки дьһельн у тʹеле дьхьн, ԝи чахи әв дькарә бе һʹәсабе сәрледана дӧбарә. Һәрге әм нькарьн малда мәрийа бьгьрьн жи, йәкә әм дькарьн һʹәԝаса ԝан һьндава Мьзгинийе нәдьнә ӧндакьрьне.