Һин бә ԝәки дь Ԛӧльхкьрьнеда Һе Щерʹьбанди би; Ча Щаба Хԝәйе Мале Бьдьн, йе кӧ Һерс ә
Әв йәк Чьрʹа Фәрз ә: Гәләк мәрьв, рʹасти кʹижана кӧ әм иро тен, мәʹрифәт ьн. Хенщи ԝе йәке Иса пʹехәмбәрти кьр, ԝәки һьнә мәрьв жи ԝе мә нәʹфрәт кьн (Йуһʹн. 17:14). Һәрге әм рʹасти хԝәйе мале һатьн, йе кӧ һерс ә, әв йәк гәрәке мә әʹщебмайи нәкә. Чахе тьштед ви щурʹәйи дьԛәԝьмьн, әм дьхԝазьн ӧса щаба хԝәйе мале бьдьн, ԝәки ԝи хԝаш бе (Рʹом. 12:17-21; 1 Пәт. 3:15). Һәрге әм ӧса бькьн, әԝе али мә бькә ԝәки нәкʹәвьнә дәрәщед чәтьн. Бь ԝе йәке әме шәʹдәтийе бьдьнә хԝәйе мале у мәрьвед дор-бәр, ԝәки әԝана щара майин һазьр бьн гӧһ бьдьнә Шәʹдед Йаһоԝа (2 Корн. 6:3).
Чаԝа Бькьн:
• Хԝә бь һәвалһʹьзи у нәрм бьдә кʹьфше. Әԝе али тә бькә, ԝәки дәрәще фәʹм бьки. Һʹәсаб нәкә, кӧ реаксийа хԝайе мале, шәхси тә дькʹәвә (Ԝаиз 7:9). Дьбәкә әԝ һерс ә жь бо проблемед хԝә, йан жи дьбәкә тӧ нә ԝәʹдәки баш һати. Ӧса жи дьԛәԝьмә әԝ хәльфи йә, ләма жь бо гьлийе тә һерс дькʹәвә (2 Корн. 4:4).
• Бь нәрми у мьлукти щаба хԝә бьдә (Мәтʹлк. 15:1). Дьбәкә тә ԝи жь хәԝе рʹакьр, йан жь шьхӧл ԛәтанд? Рʹаст ә әм сәва шьхӧле даннасинкьрьна хԝә, бахшандьне нахԝазьн, ле әм дькарьн бь мьлукти бахшандьне бьхԝазьн, ԝәки әм нә ԝәʹдәки баш һатьн. Дьбәкә әԝ һерс ә жь бо гьли-готьнед нәрʹаст, йед кӧ дәрһәԛа мә бәла дькьн? Һәрге ӧса нә, тӧ дькари бежи: «Әз фәʹм дькьм чьрʹа әв йәк ԝә әʹщьз дькә. Әз дькарьм ԝәрʹа шьровәкьм?» Дьбәкә мәрьв һинкьрьнәкә мә ԛәбул накә, мәсәлә дәрһәԛа дәрхьстьна жь щьвате йан хуне? Тӧ дькари бежи: «Әз фәʹм дькьм. Йед дьнена жи, әв йәк хԝәш нәдьһат. Әз дькарьм жь Кʹьтеба Пироз һʹиме ве һинкьрне ԝәрʹа нишан кьм?»
• Һәрге мәрьв гәләк һерс ә, ԝе баш бә ԝәки ԝи бьһельн һәрʹьн у щаба ԝи нәдьн. Һәрге әԝ дьбежә ԝәки Шәʹдед Йаһоԝа бьра ида нәйинә щәм ԝи, тӧ дькари ле гӧман ки кӧ хԝәстьна ԝи, ԝе һьлдьн һʹәсаб.
Әве Йәке Ве Мәһеда Бьдә Хәбате:
• Ԝәʹде ԛӧльхкьрьна хԝәйә тʹәви малбәте, хԝә сәва ԝе йәке һазьр кә.
• Паше, чахе тӧ жь хԝәйе мале дәрдькʹәви дьчи, дькари тʹәви һәвал-хьзмәткʹаре хԝә шеԝьр бьки, ԝәки чаԝа тә дькарьбу щаба хԝә һе баш бьда.