Ԝәʹде Евара Биранине, Тӧ Һазьр и Чʹәʹв Бьди Хирәта Йаһоԝа у Иса?
1. Шәʹдед Йаһоԝа ԝәʹде Евара Биранине дь ԛӧльхкьрьнеда чь һазьр ьн бькьн?
1 Йаһоԝа бь хирәт ԛьрара хԝә дьԛәдинә. Ишайа пʹехәмбәр дина мә дьдә ль сәр кʹәрәмед Пʹадшатийа Хԝәде. Паше жи дь Ишайа 9:7-да, әԝ дьбежә: «Бь хирәта Хӧдане артешан [әскәра], вейа чебькә». Анәгори ве йәке, ԝәʹде ԛӧльхкьрьна хԝә ль сәр әʹрде, Иса жи хирәта хԝәйә мәзьн һьндава һʹәбандьна рʹаст, да кʹьфше (Йуһʹн. 2:13-17; 4:34). Һәр сал ԝәʹде Евара Биранине, бь милйона ԛӧльхкʹар ль тʹәмамийа дьнйайеда һазьр ьн дь ԛӧльхкьрьнеда һе зедә кʹар бькьн, сәва кӧ чʹәʹв бьдьнә хирәта Йаһоԝа у Иса. Ле тӧйе бькʹәви нав рʹеза ԝан мәрийа?
2. Хирәта мә чь мә һелан дькә бькьн, дәстпебуйи жь 7 Адаре?
2 Кампанийа Ԝәʹде Евара Биранине: Исал кампанийа Евара Биранине, ԝе дәстпебә рʹожа Шәмийе, 7 Адаре. Ида ньһада дьшьрмиш бьн, ԝәки чаԝа һуне бькарьбьн бь хирәт дь ԛӧльхкьрьнеда кʹар бькьн. Хирәта мәзьн ԝе дь щьватада бе кʹьфше, чьмки хушк-бьра ԝе бь хирәт ԛӧльх кьн, сәва кӧ мьһала хԝәда гәләка тʹәглиф кьн. Ԛәԝате бьдә хәбате, сәва кӧ тʹәглиф ки әԝед тʹәви кʹижана кӧ һинкьрьна Кʹьтеба Пироз дәрбаз дьки, кʹижанарʹа кӧ сәрледане дьки, һәвал-хәбаткʹаред хԝә, бьра-пьзмама у һәвала. Сәва кӧ ԝана тʹәглиф ки, дькари тʹәглифкьрьна бьди хәбате йан jw.org.
3. Ча әм дькарьн ԝәʹде мәһа Адаре у Нисане, дь ԛӧльхкьрьнеда һе зедә бькьн?
3 Пешәнгед Кʹомәкдар: Хирәта мә ӧса жи мә һелан дькә, ԝәки ль даннасинкьрьнеда һе зедә бькьн. Бе шьк, ԝе гәләка дь мәһа Адәре у Нисанеда ча пешәнгед кʹомәкдар ԛӧльх кьн. У ван мәһа мәщала мә ԝе һәбә, сәва кӧ 30 сьһʹәта ԛӧльх кьн. Ԝәʹде ԛӧльхкьрьна хԝәйә тʹәви малбәте, йан һинбуна хԝәйә шәхси, бь дӧа-дрозга дьшьрмиш бә ԝәки чаԝа тӧ дькари әве йәке бьки (Мәтʹлк. 15:22). Хирәта ԝә дь ве кампанийеда, йед дьнена жи дькарә һелан кә, ԝәки әԝана жи ԛӧльхкьрьнеда хирәт бьн. Чахе тӧ тьштәки щәм хԝә дьгӧһези, сәва кӧ һе зедә ԛӧльх ки, бь ве йәке тӧ чʹәʹв дьди хирәта Иса (Марԛ. 6:31-34).
4. Әме чь хәлата бьстиньн, һәрге чʹәʹв дьдьнә хирәта Йаһоԝа у Иса?
4 Һәрге әм ԝәʹде Евара Биранине һазьр ьн чʹәʹв бьдьнә хирәта Йаһоԝа у Иса, әв йәк хәлата мәзьн ԝе мәрʹа бинә. Гәләкарʹа дь мьһала мәда ԝе бе шәʹдәтикьрьне. У әме шабунәкә мәзьн бьстиньн жь ԛӧльхкьрьне Йаһоԝарʹа у жь дайине мәрийарʹа (Кʹар. Шанд. 20:35). У һе фәрз әԝ ә, ԝәки әме дьле Хԝәдайе хԝә у Кӧрʹе ԝи, ша кьн.