Ԛӧтʹийа Мәйә Һащәта сәва Һинкьрьне
1. Чьда Мәсиһи мина һоста нә?
1 Һоста щурʹә-щурʹә һащәта дьдә хәбате. Һьнә һащәт лазьм тен щар-щара, һьнәк лазьм тен сәва кӧ шьхӧлед мәхсусда әв бьдьнә хәбате, ле һәнә һащәтед ӧса жи, кʹижан кӧ тʹьме тенә хәбьтандьне. Щәм һостайе щерʹьбанди, тʹьме һащәтед сәрәкә һәнә дь ԛӧтʹийа ԝида, у әԝана гәләк лазьм ьн хәбатеда. Кʹьтеба Пироз һʹәму Мәсиһийа һелан дькә, сәва кӧ дь ԛӧльхкьрьнеда хԝә бьдьнә хәбате у бьбьнә «пʹаләки ӧса кӧ шәрм» нәкьн (2 Тимтʹ. 2:15). Ле ԛӧтʹийа мәйә һащәтада, кʹижан һащәт һе гәләк фәрз ә? Һащәта сәрәкә, әв Хәбәра Хԝәде йә, йа кӧ әм дьдьнә хәбате, сәва кӧ мәрийа «бькьн шагьрт» (Мәт. 28:19, 20). Хенщи ԝе йәке әм гәрәке бьхәбьтьн, сәва кӧ һе щерʹьбанди бьн у «хәбәра рʹастийе рʹаст» шьровәкьн. Ле диса һащәтед дьн дь ԛӧтʹийа мәда һәнә, кʹижан кӧ әм гәләк щар дьдьнә хәбате, у гәрәке рʹьнд ԝана леколин бькьн, сәва кӧ рʹастийе мәрийа һин кьн (Мәтʹлк. 22:29).
2. Һащәтед мәйә сәрәкә сәва һинкьрьне, кʹижан ьн?
2 Һащәтед Мәйә Сәрәкә, сәва Ԛӧльхкьрьне: Хенщи Кʹьтеба Пироз, әм диса кʹижан һащәтед дьн гәрәке бьдьнә хәбате? Һащәта сәрәкә, йа кӧ щәм мә сәва һинкьрьна рʹастийа Кʹьтеба Пироз һәйә, әв һәйә кʹьтеба «Чь Һин Дькә Кʹьтеба Пироз?» Паши хьлазкьрьна һинкьрьне бь ве кʹьтебе, әм дьдьнә хәбате кʹьтеба «Хԝә Нава Һʹәзкьрьна Хԝәдеда Хԝәй кә». Әв йәк али мәрьва дькә кӧ принсипед Кʹьтеба Пироз, жийина хԝәйә һәррʹожида бьдьнә хәбате. Хенщи ԝе йәке әм гәрәке бьбьнә щерʹьбанди кӧ әван дӧ әʹдәбйәта һе рʹьнд бьдьнә хәбате. Һьнә жь ван брошура жи гәрәке нава ԛӧтʹийа мәйә һинкьрьнеда бьн. «Мьзгинийа Хԝәде сәва Мәрийа», йәк жь һащәта сәрәкә йә, бь чь жи әм дькарьн һинкьрьна Кʹьтеба Пироз дәстпекьн. Һәрге мьһала мәда һәнә мәрьвед ӧса, йед кӧ хԝәндьне ньзаньн, йан жи ль сәр зьмане ӧса хәбәр дьдьн, сәр кʹижани кӧ тʹәне чәнд әʹдәбйәт һәнә йан жи ԛә тʹӧнә, һьнге әм дькарьн ӧса жи бьдьнә хәбате брошура «Гӧһ Бьдә Хԝәде» йан «Гӧһ Бьдә Хԝәде у Бьжи Һʹәта-Һʹәтайе». Диса һащәтәкә сәрәкә щәм мә һәйә, бь аликʹарийа кʹижани кӧ әм дькарьн али мәрийа бькьн бьбьнә әндәмед организасйона мә. Әв һәйә брошура «Кʹи Иро Ԛьрара Йаһоԝа Дьԛәдинә?» Ӧса жи щәм мә видео һәнә, бь сайа чь жи әм дькарьн мәрийа бькьнә шагьрт. Әв видеойа «Чьрʹа Һин бьн Кʹьтеба Пироз?», «Чь Дьԛәԝьмә Ода Щьватеда?», «Гәло Наве Хԝәде Һәйә?». Әва әԝ һащәт ьн, йед кӧ әм гәрәке рʹьнд һин бьн, сәва кӧ баш бьдьнә хәбате.
3. Готаред жь «Ԛӧльхкьрьна Мәйә Пʹадшатийе» кӧ ԝе һәбьн, чьда али мә бькьн?
3 Готаред жь «Ԛӧльхкьрьна Мәйә Пʹадшатийе», йед кӧ ԝе һәбьн, али мә бькьн бьбьнә һе щерʹьбанди, сәва кӧ рʹьнд бьдьнә хәбате әʹдәбйәтед сәрәкә, йед кӧ ԛӧтʹийа мәда ньн сәва һинкьрьне. Һәрге әм жь алийе хԝәда һʹәму тьшти дькьн, сәва кӧ бь һостати әван һащәта бьдьнә хәбате, һьнге әме тʹьме бькарьбьн дина хԝә бьдьнә әве рʹебәрийе, «һаш жь хԝә у һинкьрьна хԝә һәбә». Һәр гав нава ԝанда бьминә, чьмки бь ве йәке те хԝә хьлаз ки у ԝан жи, кʹижанед гӧһдарийа тә дькьн (1 Тимтʹ. 4:16).