«Әԝ Хәбәр Бьра Дьле Ԝәда бьн»

Де-бав мина шьвана нә. Әԝана гәрәке рʹьнд мьԛати зарʹед хԝә бьн, чьмки зарʹ дькарьн һеса бьхәльфьн у әʹщьз бьн (Мәтʹлк. 27:23). Чаԝа де-бав дькарьн әве щабдарийа хԝә бьԛәдиньн? Әԝана гәрәке һәр рʹож тʹәви зарʹа ԝәʹдә дәрбаз кьн у тʹәви ԝан хәбәр дьн, сәва кӧ пебьһʹәсьн һәла чь дьле ԝанда йә (Мәтʹлк. 20:5). Хенщи ԝе йәке, де-бав гәрәке бь һащәтен ԛәԝи, баԝәрийа зарʹед хԝә бьшьдиньн (1 Корн. 3:10-15). Видеойа «Әԝ Хәбәр Бьра Дьле Ԝәда бьн», дина мә дьдә ль сәр ԝе йәке кӧ чьԛас фәрз ә һәргав, ԛӧльхкьрьна тʹәви малбәте дәрбаз кьн. Әве видеойе тʹәви малбәте бьньһерʹә у паше әԝан пьрса шеԝьр кә.

(1) Чьма малбәта Томанс нькарьбу педа дина хԝә бьдә тьштед рʹӧһʹани? (2) Чьма пешийе Бьре Томанс нькарьбу бь сәрфьрази ԛӧльхкьрьна тʹәви малбәте дәрбаз кә? (3) Кʹижан ширәта жь Кʹьтеба Пироз аликʹарийе дьдә кӧ баш зарʹа мәзьн кьн? (Ԛан. Дщр. 6:6, 7) (4) Чь дькарә аликʹарийе бьдә, сәва кӧ малбәтеда һәлаԛатийа һәр кәси тʹәви һәв баш бә? (5) Де-бав сәва зарʹед хԝә жь алийе хԝәда чь гәрәке бькьн? (6) Чь щурʹәйи хушк у бьре Бароԝ баш һʹӧкӧм кьрьн ль сәр малбәта Томанс? (Мәтʹлк. 27:17) (7) Чь гәрәке малхе мале пешда бькә, сәва кӧ ԛӧльхкьрьна тʹәви малбәте керһати бә? (8) Чь кьр Бьре Томанс, сәва кӧ һʹале малбәта хԝә баш кә? (9) Чьма фәрз ә кӧ ԛӧльхкьрьна тʹәви малбәте, һәргав дәрбаз бә? (Әфәс. 6:4) (10) Чь һьнә тьшт һәнә, сәва кӧ ԛӧльхкьрьна тʹәви малбәте керһати бә? (11) Чаԝа Бьре Томанс бь сәбьр али Маркус кьр ԛимәт кә әԝе йәке, кӧ чьԛас фәрз ә бькьн әԝ чь кӧ рʹаст ә? (Йерәм. 17:9) (12) Чаԝа Бьре Томанс жьна хԝәва, тʹәви Рәбәкайе шеԝьр дькьрьн, кӧ али ԝе бькьн сафикьрьна рʹаст бькә, дәрһәԛа һәләԛәтийа ԝе тʹәви Йустин? (Марԛ. 12:30; 2 Тимтʹ. 2:22) (13) Чахе Бьре Томанс тʹәви жьна хԝә сафи кьрьн һьнә гӧһастьна дь жийина хԝәда бькьн, чаԝа әԝана баԝәрийа хԝә данә кʹьфше? (Мәт. 6:33) (14) Чаԝа әв видео дьдә кʹьфше, кӧ сәва малхе мале фәрз ә хәм бькә бона рʹӧһʹанийа малбәта хԝә? (1 Тимтʹ. 5:8) (15) Ле тӧ ча малхе мале, чь дьфькьри?

БОНА МАЛХЕ МАЛЕ: Әв драма модерн һатьбу нишанкьрьне ль сәр щьвата мәзьнә серʹожи дь сала 2011-да. Ԝи чахи тә дина хԝә дайе кӧ чь гәрәке бьки, сәва кӧ ԛӧльхкьрьна хԝәйә тʹәви малбәте һе баш ки? Ле ньһа әв чаԝа нә? Һәрге һьнә гӧһастьна лазьм ә бьки, жь кʹәрәма хԝә бь дӧакьрьне әван гӧһастьна бькә, сәва кӧ малбәта тә, кʹара һәр-һәйи жь ве йәке бьстинә (Әфәс. 5:15-17).