Чʹәʹв Бьдә Һәбаԛуԛ Пʹехәмбәр
1. Жь бо чь щәм мә пьрс пешда тен?
1 Чахе әм рʹасти зӧлмийе тен, әм жи дькарьн ӧса дәстпекьн бьфькьрьн чаԝа кӧ Һәбаԛуԛ пʹехәмбәр, йе кӧ жь Йаһоԝа пьрси: ‹Чьма тӧ дьһели кӧ әз һʹәму тьштед хьраб бьвиньм? У чьма тӧ дьһели кӧ зӧлми һәбә?› (Һәб. 1:3; 2 Тим. 3:1, 13). Һәрге әм бьфькьрьн ль сәр гьли у мәсәла Һәбаԛуԛ пʹехәмбәр, әв йәк дькарә али мә бькә у һелан кә, кӧ һивийа рʹожа диԝана Йаһоԝа бьн (2 Пт. 3:7).
2. Ча әм иро дькарьн нишан кьн кӧ бь баԝәрийе дьжин?
2 Бь Баԝәрийе Бьжин: Дәԝса кӧ Һәбаԛуԛ бәрхԝәкʹәта дәрһәԛа һʹале хԝәйә хьраб, әԝ тʹьме рʹӧһʹанида һʹьшийар у хирәт бу (Һәб. 2:1). Йаһоԝа гӧман да пʹехәмбәре хԝә, кӧ хәбәра Ԝи хут ԝәʹде хԝәда ԝе бе сери у мәрьве рʹаст ԝе «бь баԝәрийа хԝә бьжи» (Һәб. 2:2-4). Әв йәк чь те һʹәсабе сәва Мәсиһийед, кӧ рʹожед кʹӧтасийе дьжин? Фәрз әԝ ә, кӧ нә тʹәне бьзаньби чь чах хьлази ԝе бе, ле итʹбар би ԝәки әв рʹож ԝе әʹсәйи бе. Баԝәри мә һелан дькә һʹьшийар бьминьн, у хьзмәте ль сәр щийе пешьн дайньн (Ибр. 10:38, 39).
3. Чьма әм гәрәке шабуна хԝә дь хьзмәтеда хԝәй кьн?
3 Йаһоԝарʹа Ша бә: Чахе Гоге жь Магоге щьмәʹта Йаһоԝа зәʹфт кә, баԝәрийа мә ԝе бе щерʹьбандьне (Һз. 38:2, 10-12). Шәрʹ-дәԝ дькарьн чәтьнайи пешда биньн, һәла һе ԝи чахи, гава шәрʹ хьлаз дьбә. Мәсәлә, дькарә кемасийа хԝарьне һәбә, һәбун бе ӧндакьрьне, у нормед жийине жи дькарьн бькʹәвьн. Әме ча хԝә кʹьфш кьн, ԝәʹде чәтьнайед ӧса? Һәбаԛуԛ пʹехәмбәр заньбу кӧ чәтьнайи ԝе пешда бен, ләма жи әԝи сәва хԝә сафи кьр хьзмәта хԝәда, шабуне хԝәй кә (Һәб. 3:16-19). «Шабунийа Хӧдан [Йаһоԝа, ДТʹ]» ԝе ӧса жи али мә бькә, кӧ чәтьнайед ахьрийе тәйах кьн (Нм. 8:10; Ибр. 12:2).
4. Ахьрийеда чь шабун һивийа мә йә, у ньһа жи әм чь гәрәке бькьн?
4 Әԝед, кʹижана кӧ Йаһоԝа жь рʹожа диԝана хԝә хьлаз кә, диса алийе Ԝида ԝе бенә һинкьрьне (Һәб. 2:14). Әԝед кӧ бенә сахкьрьне, әԝана жи ԝе дәрһәԛа Йаһоԝа пебьһʹәсьн. Ле ньһа, ԝәрен әм һʹәму мәщалед хԝә бьдьнә хәбате, сәва кӧ дәрһәԛа Йаһоԝа, у кьред ԝийи пʹьрʹ баш мәрийарʹа хәбәр дьн! (Зб. 34:1; 71:17).