ДЬ ХЬЗМӘТЕДА ҺЕ ЩЕРʹЬБАНДИ БӘ

ЧЬМА ӘW ЙӘК ФӘРЗ Ә:

Әм дьхwазьн авдьн тʹохьмед рʹастийе, йе кӧ мә дачкандийә (1 Кр. 3:6). Чахе әм рʹасти кʹәсәки тен, йе кӧ һʹәwаса хwә һьндава рʹастийеда дьдә кʹьфше, wе баш бә кӧ әм сәва сәрледане пьрса вәкьри бьһельн, кӧ бькарьбьн тʹәви wи шеwьр кьн. Әв йәк wе һʹәwаса мәрьв мәзьн кә у һазьрбуна мә жи сәва сәрледане һеса кә. Паше чахе әме сәрледане бькьн, әм дькарьн бежнә мәрьв кӧ әм һатьн сәва кӧ бьдьн щаба wе пьрсе, йа кӧ мә пешда вәкьр.

ЧА ӘВЕ ЙӘКЕ БЬКЬН:

• Чахе тӧ сәва хьзмәта мал бь мал пешанине һазьр дьки, пьрсәке жи һазьр кә йа кӧ те сәр сәрледана дӧбаре шеwьр ки. Әве пьрсе тӧ дькари һьлди жь wе әʹдәбйәте, йа кӧ тӧ дьхwази хwәйе малерʹа бьһели у кʹидәре кӧ щаба wе пьрсе те дайине. Йан жи тӧ дькари һьлди пьрсе жь әʹдәбйәтәкә мәйә сәва һинбуне, йа кӧ тӧ дьхwази хwәйе малерʹа wәʹде сәрледане нишан ки, у кʹидәре кӧ щаба wе пьрсе те дайине.

• Чахе тӧ хәбәрдана хwә хьлаз дьки тʹәви кәсәки кӧ һʹәwаса хwә һьндава рʹастийеда дьдә кьфше, дькари wирʹа бежи кӧ дьхwази диса щарәке тʹәви wи хәбәр ди. У паше жи дайнә әв пьрса кӧ тә пешда һазьр кьрийә. Һәрге дәст дьдә дькари жь хwәйе мале һьнә информасийа һьлди, кӧ чаwа те бькарьби тʹәви wи текли би.

• Һәрге тә хwәйе малерʹа гот кӧ чь чах те бей, һьнге хwәйе созе хwә бә (Мт. 5:37).