Дь Хьзмәтеда Һе Щерʹьбанди Бә Али Шагьрта Дькьн сәва кӧ Хԝә Тʹәсмил кьн у Бенә Ньхӧмандьне

ЧЬМА ӘԜ ЙӘК ФӘРЗ Ә: Сәва кӧ ԛәбулкьрьна Йаһоԝа бьстиньн, шагьрт гәрәке жийина хԝә тʹәсмили Ԝи бькьн у бенә ньхӧмандьне (1 Пт. 3:21). Әԝед кӧ ль гора тʹәсмилкьрьна хԝә дьжин, рʹӧһʹанида хԝәйкьри нә (Зб. 91:1, 2). Мәсиһи хԝә тʹәсмили Йаһоԝа дькьн, нә кӧ тʹәсмили мәрьвәки, хәбатәки йан тʹәшкиләтәки. Ләма жи, шагьрт гәрәке һʹьзкьрьн у шькьрдарийа хԝә һьндава Йаһоԝа мәзьн кьн (Рʹм. 14:7, 8).

ЧА ӘВЕ ЙӘКЕ БЬКЬН:

• Ԝәʹде һинкьрьне шеԝьр кә ԝәки әʹламәтийа дайи, мәрʹа чь әʹйан дькә дәрһәԛа Йаһоԝа. Шагьрт һелан кә һәр рʹож Кʹьтеба Пироз бьхунә у «һәр гав» Йаһоԝарʹа дӧа бькә (1 Тʹс. 5:17; Аԛб. 4:8).

• Шагьрте хԝә һелан кә, кӧ нетед рʹӧһʹанийә ӧса дайнә пешийа хԝә, ча хԝәтʹәсмилкьрьн у ньхӧмандьн. Ӧса жи али ԝи бькә нетед бьчʹук дайнә пешийа хԝә, мәсәлә щаба хԝә бьдә сәр щьвата, йан шәʹдәтийе бьдә мәрьвед хԝәрʹа у һәвал-хәбаткʹара. Бир нәкә кӧ Йаһоԝа зоре накә сәр мәрийа, сәва кӧ әԝана ԝирʹа хьзмәт кьн. Хԝәтʹәсмилкьрьн, сафикьрьна шәхси йә (Ԛн.Дщ. 30:19, 20).

• Шагьрте хԝә һелан кә, жийина хԝәда гӧһастьнед лазьм бькә сәва кӧ Йаһоԝа хԝәш бе у лайиԛи ньхӧмандьне бә (Мтʹл. 27:11). Дьбәкә шагьртрʹа тʹьме аликʹари лазьм бә, сәва кӧ бькарьбә хәйсәт-ньһерʹандьна хԝәйә бәре бьгӧһезә у бьбә мәрьве ну (Әф. 4:22-24). Дина ԝи бьдә ль сәр рʹеза готаред «Бьрща Ԛәрәԝьлийе» бь наве «Кьтеба Пироз Жийина Мәрьва Дьгӧһезә».

• Шагьртрʹа гьли кә дәрһәԛа шабуне, кӧ тә жь хьзмәткьрьна Йаһоԝарʹа станд (Иш. 48:17, 18).