Рʹастийе Һин кә

Дәстпебуйи жь мәһа Илоне, дь «Бәрнама Щьвинеда йа Бьжин у Хьзмәт кьн», ԝе пешанина тʹәзә бе зедә кьрьне бь наве «Рʹастийе Һин кә». Нета мә ԝе әԝ бә, ԝәки һинкьрьнәкә Кʹьтеба Пироз мәрийарʹа әʹйан кьн у сәва ве йәке бьдьнә хәбате пьрс у рʹез.

Һәрге әм дьвиньн кӧ кәсәк һʹәԝаса хԝә дьдә кʹьфше, әм дькарьн ԝирʹа әʹдәбйәтәке бьһельн, йан видеойа jw.org нишан кьн. Әм гәрәке нава чәнд рʹожада сәрледана дӧбарә бькьн, ԝәки тʹәви ԝи мәрьви шеԝьркьрьна хԝә бәрдәԝам кьн. Пешанинед тʹәзә ԝе ль сәр һʹиме фькьред сәрәкә бьн, йед кӧ әм дькарьн бьвиньн ль хьлазийа сәрийада жь пʹьртука «Кʹьтеба Пироз Чь Дькарә Мә Һин кә?». Ль ԝьр әм дькарьн пьрс у рʹезед зедә бьвиньн, йед кӧ дькарьн али мә бькьн сәрледана дӧбарә бькьн йан жи һинкьрьна Кʹьтеба Пироз дәрбаз кьн, у сәва ве йәке тʹәне Кʹьтеба Пироз бьдьнә хәбате.

Тʹәне рʹек һәйә, йа кӧ дьбә бәрбь жийине (Мт. 7:13, 14). Әм хәбәр дьдьн тʹәви щурʹә-щурʹә мәрийа, йед кӧ жь щурʹә-щурʹә религийайе нә, ләма жи әм гәрәке дина ԝан бьдьнә рʹастийед Кʹьтеба Пироз, йед кӧ хут ԝана дькʹәвә (1 Тим. 2:4). Чахе әм рʹьнд заньн щурʹә-щурʹә тʹемед Кʹьтеба Пироз у һе щерʹьбанди дьбьн, сәва кӧ «хәбәра рʹастийе рʹаст» шьро вәкьн, һьнге шабуна мә һе зедә дьбә у әм рʹьнд рʹастийе дәрбази мәрийа дькьн (2 Тим. 2:15).