МИНА ИСА БЬЖИН
Дӧа кьн сәва Йед кӧ Пәйкʹәтьна Тәйах Дькьн
Кʹьтеба Пирозда пешда һатьбу готьне, wәки Шәйтʹан wе пәй мә кʹәвә сәва кӧ хьзмәтийа мә бьдә сәкьнандьне (Йн. 15:20; Әʹнт. 12:17). Әм чаwа дькарьн али хушк-бьред хwәйә Мәсиһи бькьн, йед кӧ wәлатед дьнда пәйкʹәтьна тәйах дькьн? Әм дькарьн сәва wан дӧа бькьн. «Дӧайе йе рʹаст гәләки qәwат ә у һʹӧкӧм дькә» (Аqб. 5:16).
Дәрһәqа чь әм дькарьн дӧа бькьн? Әм дькарьн дӧа кьн, кӧ Йаһоwа мерхасийе бьдә хушк-бьред мә у wәки али wан бькә нәтьрсьн (Иш. 41:10-13). Әм ӧса жи дькарьн дӧа кьн, сәва кӧ сәрwеред дәwләте рәʹм бьн һьндава хьзмәткьрьна мә, «wәки әм жийинәкә әʹдьл у сәqьрʹи дәрбаз кьн» (1 Тим. 2:1, 2).
Чахе Паwлос у Пәтрус рʹасти пәйкʹәтьна һатьн, Мәсиһйед qьрна йәке дӧайед хwәда наве wан һьлдьдан (Кʹр.Шн. 12:5; Рʹм. 15:30, 31). Һәрге әм ньзаньн навед һʹәму хушк-бьред хwә кӧ тенә зерандьне, wи чахи әм дӧайед хwәда дькарьн кʹьфш кьн щьвата wан, wәлате wан йан жи региона wан.