10-16 НИСАНЕ Һелан кә Мәсиһийед кö Рʹöһʹанида Сьст ьн

Рʹожа Сешәме 11 Нисане, гәләк Мәсиһийед рʹöһʹанида сьст wе бенә сәр Евара Биранине. Wана дәстпекьр ләщмәйдана хwә бьрʹәвьн, ле wана байе хwә сьст кьр жь бо щурʹә-щурʹә мәʹнийа дәрһәqа кʹижана дь ве брошуреда те готьне «Вәгәрʹә щәм Йаһоwа» (Ибр. 12:1). Мәсиһийед рʹöһʹанида сьст диса жи qимәт ьн сәва Йаһоwа, у Әwи wана бь хуна Кöрʹе хwә кʹьри (Кʹр.Шн. 20:28; 1 Пт. 1:18, 19). Чаwа әм дькарьн али wан бькьн, wәки вәгәрʹьн щәм Йаһоwа?

Рʹуспийед щьвате дьхәбьтьн, кö аликʹарийе бьдьнә йед сьст. У әwана мина шьван ьн, кö бь дьл у щан дьгәрʹә пәзе хwәйе öндакьри (Лq. 15:4-7). Әв йәк һʹьзкьрьна Йаһоwа әʹйан дькә (Йер. 23:3, 4). Нә кö тʹәне рʹуспи, ле һәркʹәс жь мә дькарә Мәсиһйед рʹöһʹанида сьст һелан кә. Чахе әм qәнщи у хәмгинийе һьндава wан мәрьва дьдьнә кʹьфше, әв дьле Йаһоwа ша дькә у Әw wе жь бо wе йәке мә пʹьрʹ кʹәрәм кә (Мтʹл. 19:17; Кʹр.Шн. 20:35). Бьфькьрә һәла тö пьштгьрийа кʹе дькари бьки, у бе әгләкьрьн әве йәке бькә!

БЬНЬҺЕРʹӘ ВИДЕО «ҺЕЛАН КӘ МӘСИҺИЙЕД КÖ РʹÖҺʹАНИДА СЬСТ ЬН», У ПАШЕ WАН ПЬРСА ШЕWЬР КӘ:

• Абби чь кьр чахе әwе рʹасти Шәʹде Йаһоwа һатьбу, кʹижана кö нас нәдькьр?

• Һәрге әм дьхwазьн рʹöһʹанида али кʹәсәки бькьн, чьма әм гәрәке бежьнә рʹуспийа?

• Чаwа Абби хwә һазьр кьр, кö щара дöда һәрʹә щәм Лаура?

• Чаwа Абби сәбьр у һʹьзкьрьне дьда кʹьфше, чахе дьхәбьти кö Лаурайе һелан кә?

• Әм чь дькарьн һин бьн жь мәсәла Иса, йе кö дь Луqа 15:8-10 ньвисар ә?

• Аликʹарийа Лаура у рʹуспийа чь кʹәрәм анин?