Кʹьламед Пʹадшатийе, Мә Qәwи Дькьн

Паwлос у Силас дь кәледа бь кʹьлама әшqи Хwәде дьстьран (Кʹр.Шн. 16:25). Wәʹде мәда жи баwәрмәндед мә кʹьламед Пʹадшатийе дьстьран, чахе әwана дь Алманйайә натсистада дь гьртигәһеда рʹуньштьбун, у öса жи чахе wана wәк дил шандьн Сибирйайе. Әw мәсәлә дьдьнә кʹьфше, wәки qәwата кʹьлама һәйә wәʹде щерʹьбандьна мә qәwи кә у мерхас кә.

Зутьрәке сәр гәләк зьмана wе бьстиньн кʹьтеба кʹьлама йа тʹәзә бь наве «Бь Дьл у Щан Бона Йаһоwа Бьстьрен». Чахе әм әве кʹьтебе бьстиньн, әм дькарьн кʹьлама бира хwәда хwәй кьн у wәʹде qöльхкьрьна тʹәви малбәте бьстьрен кö һин бьн (Әф. 5:19). Һинге рʹöһʹе пироз wе али мә бькә кö wәʹде щерʹьбандьна әван кʹьлама бькьнә бира хwә. Кʹьламед Пʹадшатийе дькарьн али мә бькьн дина хwә бьдьнә созе Хwәде у һьм жи әwана дькарьн мә qәwи кьн wәʹде чәтьнайа. У чахе әм хwә баш тʹәхмин дькьн һинге гьлийед кʹьламе дькарьн али мә бькьн wәки «бь дьл у щан» бьстьрен (1 Др. 15:16; Зб. 33:1-3). Wәрен әм һʹәму тьшти бькьн, сәва кö кʹьламед Пʹадшатийе тʹьме бьдьнә хәбате!

БЬНЬҺЕРʹӘ ВИДЕО «КʹЬЛАМЕД ПʹАДШАТИЙЕ, МӘ QӘWИ ДЬКЬН». ПАШЕ ЩАБА WАН ПЬРСА БЬДӘ:

• Кʹижан дәрәщада Бьре Фрост кʹьлам ньвиси?

• Чаwа кʹьлам qәwи кьр бьре мә, чахе әw дь гьртигәһеда Алманйайә натсистада рʹуньштьбу?

• Иро чь дәрәщада кʹьламед Пʹадшатийе дькарьн мә qәwи кьн?

• Кʹижан кʹьламед Пʹадшатийе тö дьхwази бь әʹзбәри һин би?