МИНА ИСА БЬЖИН

Хwә ль Нормед Йаһоwайи Нав-Намусийе Бьгьрә

Йаһоwа Хwәде сәва мәрийа нормед нав-намусийе кʹьфш кьр. Мәсәлә ль гора qьрара Хwәде, зәwащ әв һәйә һәләqәтийа һәр-һәйи ортʹа мер у жьнда (Мт. 19:4-6, 9). Йаһоwа щәза дькә һʹәму щурʹә бенамусийе (1 Кр. 6:9, 10). Әw һәла һе принсипа дьдә мә дәрһәqа кʹьнщхwәкьрьне у хwәчекьрьне, бь чь жи щьмәʹта wи щöдә дьбә (Qн.Дщ. 22:5; 1 Тим. 2:9, 10).

Рʹожа иройин, гәләк мәрьв нормед Йаһоwа инкʹар дькьн (Рʹм. 1:18-32). Әwана дьһельн кö ньһерʹандьна мәрийа йа бәлабуйи ль сәр кʹьнщхwәкьрьн, хwәчекьрьн у рʹабун-рʹуньштандьна wан һʹöкöм кә. Гәләк мәрьв хwәха тьштед һʹәрамийе дькьн у сущдар дькьн wан, йед кö бь нормед дьн дьжин (1 Пт. 4:3, 4).

Әм Шәʹдед Йаһоwа нә, ләма жи әм гәрәке бь мерхаси хwә ль нормед Йаһоwайи нав-намусийе бьгьрьн (Рʹм. 12:9). Чь щурʹәйи? Әм гәрәке бь мерхаси мәрийарʹа бьдьнә кʹьфше, кö әм хwә ль wан тьшта дьгьрьн, чь кö бәр чʹәʹве Хwәде рʹаст ә. У әм хwәха жи гәрәке ньһерʹандьна рʹаст жийина хwәда хwәй кьн. Соз мәсәлә, чахе әм дьжберьн кö кʹижан кʹьнща ль хwә кьн у чаwа хwә бьхәмьлиньн, әм дькарьн жь хwә пьрс кьн: «Бьжартьна мьн нормед Йаһоwа дьдә кʹьфше, йан йа ве дьнйайе? Кʹьнщхwәкьрьн у хwәчекьрьна мьн дьдә кʹьфше, кö әз бь рʹасти жи Мәсиһи мә йе кö хwә ль нормед Йаһоwа дьгьрә?» Ле чахе әм синәм йан бәрнамәке телевизийоне дьжберьн, әм дькарьн пьрсед öса бьдьнә хwә: «Гәло Йаһоwа әв йәк wе qәбул кә?» Әв синәм йан бәрнамә, нормед нав-намусийейә кʹе пешда дьбә? Бьжартьна мьн кö чаwа wәʹдә дәрбаз кьм, дькарә ньһерʹандьна мьн һьндава нормед нав-намусийе сьст кә? (Зб. 101:3). Йан әв йәк дькарә бьбә кәвьре лькʹöмандьне сәва нәфәред мала мьн у мәрьвед дьн?» (1 Кр. 10:31-33).

Гәло чьма öса фәрз ә, кö әм хwә ль нормед Йаһоwайи нав-намусийе бьгьрьн? Иса Мәсиһ wе зутьрәке һʹәму мәрьвед зöлм кʹöта кә (Һз. 9:4-7). Тʹәне әwед кö qьрара Хwәде дьqәдиньн, wе хьлаз бьн (1 Йн. 2:15-17). Wәрен әм qәwи хwә ль нормед Йаһоwа бьгьрьн, чьмки мәрьвед кö рʹабун-рʹуньштандьна мәйә баш тʹәмашә дькьн, wе бькарьбьн Хwәде һöрмәт кьн (1 Пт. 2:11, 12).

Кʹöлфәт кʹьнща хwәрʹа дьжберә — Бьжартьна мьнә кʹьнщхwәкьрьне у хwәчекьрьне ча дькарә әʹйан кә, wәки бь кʹижан нормед нав-намусийе әз дьжим?

БЬНЬҺЕРʹӘ ВИДЕО «БЬБӘ ДОСТЕ ЙАҺОWА; МЕРӘК У ЖЬНӘК», У ПАШЕ WАН ПЬРСА ШЕWЬР КӘ:

Чьма аqьлайи йә бь нормед Йаһоwа бьжин?
Чьма де-бав жь бьчʹуктайе гәрәке зарʹед хwә һин кьн дәрһәqа нормед Йаһоwайи нав-намусийе?
Чаwа щаһьл у йед әʹмьрда мәзьн, дькарьн али мәрийа бькьн жь qәнщийа Хwәде кʹаре бьстиньн?