Рʹаст ә Щәжьна Дәрбазбуне тʹәви Евара Биранине рʹастә-рʹаст гьредайи нинә, ле һьнә тьштед жь Щәжьна Дәрбазбуне бона мә фәрз ьн. Мәсәлә, Паwлосе шанди ль сәр Иса гот «бәрхе мәйи Щәжьна Дәрбазбуне» (1 Кр. 5:7). Чахе хуна бәрхьке ль сәр рәхдәрийа ледьхьстьн, әв йәк жийина мәрийа хьлаз дькьр, анәгори ве йәке хуна Иса жийина мә хьлаз дькә (Дркʹ. 12:12, 13). Хенщи wе йәке тʹö һʹәстуйед бәрхьке нәһатьбу шкенандьне wәʹде Щәжьна Дәрбазбуне. У тʹö һʹәстуйед Иса жи нәһатьбун шкенандьне чахе әв стунва мьх кьрьн. Бь рʹасти бежьн wан чаха бь әʹдәти бу кö дәрәщед ви щурʹәйида һʹәстийед мәрьва бьшкеньн (Дркʹ. 12:46; Йн. 19:31-33, 36).