«Әwед кö Хwәде Кьрьнә Йәк . . .»

Ль гора Qануна Муса, әw мере кö дьхwәст жь жьна хwә бьqәтийа гәрәке ль гора qануне, кʹахаза жьнбәрдане һазьр кьра. Аликида әв йәк аликʹарийе дьда, wәки мер ләз нәкʹәвә жь жьна хwә бьqәтә. Бь рʹасти һена Исада сәрwеред религийайе öса дькьрьн, кö һәвqәтандьн һеса бә. Мер дькарьбу сәва һәр мәʹни, жь жьна хwә бьqәтийа (кʹахаза жьнбәрʹдане» әʹламәти бона һинбуне ль сәр һʹиме Мq. 10:4, nwtsty; «жьна хwә бәрʹдә,» «һьндава wеда зьнекʹарийе дькә» әʹламәти бона һинбуне ль сәр һʹиме Мq. 10:11). Иса дина хwә да сәр wе йәке, кö зәwащ али Йаһоwада саз кьрийә (Мq. 10:2-12). Мер у жьн дьбунә бәдәнәк у әw һәлаqәти гәрәке дьреж буйа. Ль гора Ньвисаред Пироз, кʹьтеба Мәттада тʹәне мәʹник әʹйан дьбә, гава мер у жьн дькарьн һәв бьqәтьн. Әв һәйә «qави» йан бенамуси (Мт. 19:9).

Иро гәләк мәрьв ль сәр зәwаще нә ча Иса дьньһʹерьн, ле ча Ферьси. Чахе дьнйайеда щәм мәрийа проблем пешда тен, әwана дәрбера жь һәв дьqәтьн. Ле щотед зәwьщи кö Мәсиһи нә, qимәт дькьн созе зәwаща хwә, у һʹәму тьшти дькьн кö бь аликʹарийа принсипед Кʹьтәба Пироз, нава чәтьнайада зәwаща хwә хwәй кьн. Бьньһерʹә видео «Һʹьзкьрьн у Qәдьргьртьн, Йәктийа Малбәте Хwәй Дькә», у паше щаба wан пьрса бьдә:

• 

  Чаwа тö дькари кʹьтеба Мәтʹәлок 15:1, зәwащеда бьди хәбате у чьма әв йәк фәрз ә?

• Чаwа тö дькари бь аликʹарийа кʹьтеба Мәтʹәлок 19:11, жь проблема, хwә дур бьгьри?

• Һәрге һʹале зәwаща тә нәбаш ә у дәwса кö бежи «Дьбәкә wе баш бә әм жь һәв бьqәтьн?» кʹижан пьрс тö гәрәке шеwьр ки?

• Чаwа бь аликʹарийа Мәтта 7:12, тö дькари бьби мерәки баш йан жьнәкә баш?