Һин бә Ԝәки Дь Хьзмәтеда Һе Щерʹьбанди би; Сәрԝахт бә

ӘВ ЙӘК ЧЬМА ФӘРЗ Ә: Йед бь рʹӧһʹ кʹьфшкьри у пәзед дьн, һәр мәрьвәки тʹәглиф дькьн, ԝәки «ава жийине . . . беһәԛ бьстинә» (Әʹнт. 22:17). Әв ава симболик те һʹәсабе һʹәму тьштед кӧ Йаһоԝа дьдә, сәва мәрийа жь гӧнә у мьрьне аза кә. Сәва кӧ әм али ԝан мәрьва бькьн, кʹижан кӧ ԛәԝи әʹдәт у һинкьрьнед религийава гьредайи нә, әм гәрәке «Мьзгинийа . . . һ′әта-һ′әтайе» ӧса ԝанарʹа бежьн, кӧ дьле ԝан бьгьрә (Әʹнт. 14:6).

ЧАԜА БЬКЬН:

• Бьжберә тʹема у рʹезәкә ӧса, кӧ дьле мәрьвед мьһала тә бьгьрә. Тӧ дькари щурʹе бәлакьрьна мьзгинийе йа ӧса бьжбери, чь кӧ ԝе керһати бә. Кʹижан тʹема у рʹез дьһа керһати нә? Дьԛәԝьмә дәнг-бәʹсед ӧса тӧ дькари бьди хәбате, сәва чь жи мәрьв хәмгин дьбьн. Гәло кʹижан тʹема ԝе һʹәԝас бьн бона мер йан жьна?

• Хәбәрдана хԝә бь славе дәстпекә у ль гора әʹдәте мьһала хԝә бькә (2 Кр. 6:3, 4).

• Рʹьнд бьзаньбә ԝан әʹдәбйәт у видеойа, кʹижана дьди хәбате ԝәʹде хьзмәтийе, сәва мәрийа һин ки

• Әʹламәтийа кӧ мәрьварʹа дьбежи, хԝәрʹа бьдә кʹьшандьне сәр ԝи зьмани, сәр кʹижани кӧ мьһала тәда мәрьв хәбәр дьдьн

• Тʹема хԝә ль гора һʹәԝщед хԝәйе мале һазьр кә (1 Кр. 9:19-23). Мәсәлә, те чь бежи һәрге пебьһʹәси, кӧ хԝәйе мале ԝан пашԝәхтийа мәрьве хԝәйи незик ӧнда кьрийә?

БЬНЬҺЕРʹӘ ВИДЕО У ПАШЕ ЩАБА ԜАН ПЬРСА БЬДӘ:

• Хьзмәткʹар бь кʹижан тʹемайе хәбәрдане дәстпедькә, сәва кӧ тʹәви хԝәйе мале шеԝьр кә?

• Жийина хԝәйе маледа чь ԛәԝьмийә?

• Ве дәрәщеда ԝе кʹижан рʹез дьһа керһати бә у чьма?

• Тӧ ча дькари пешанина хԝә ӧса бьгӧһези, кӧ мәрьвед мьһала тәрʹа һʹәԝас бә?