Рʹожед Ахьрийеда Ԛәԝи Бьсәкьньн

ӘВ ЙӘК ЧЬМА ФӘРЗ Ә: Зутьрәке ԛәԝьмандьнед ӧса ԝе бьԛәԝьмьн, кӧ мәрʹа лазьм бә мерхас бьн у һе зедә итʹбарийа хԝә Йаһоԝа биньн. Тәнгасийа мәзьн ԝе жь кʹӧтакьрьна религийа ԛәлп дәстпебә (Мт. 24:21; Әʹнт. 17:16, 17). Ԝи ԝәʹде чәтьнда әме диԝана Хԝәде әʹлам кьн (Әʹнт. 16:21). Паше Гог жь Магоге ԝе һʹьщуми сәр мә бькә (Һз. 38:10-12, 14-16). Һьнге Йаһоԝа, «Хԝәдейе Һʹәму Зорайийе» ԝе шәрʹ дәстпекә, ԝәки щьмәʹта хԝә хьлаз кә (Әʹнт. 16:14, 16). Сәва кӧ бь мерхаси рʹасти ԛәԝьмандьнед ахьрийе бен, әм гәрәке ида ньһада щерʹьбандьнада амьнийе хԝәй кьн.

ЧАԜА БЬКЬН:

• Бь мерхаси хԝә ль нормед Йаһоԝайи нав-намусийе бьгьрә (Иш. 5:20).

• Бәрдәԝам кә тʹәви хушк-бьра Хԝәде бьһʹәбинә (Ибр. 10:24, 25).

• Бь һазьрбуне гӧһ бьдә рʹебәрийа тʹәшкиләта Йаһоԝа (Ибр. 13:17).

• Бьфькьрә, ԝәки ԝәʹде бәре чаԝа Йаһоԝа щьмәʹта хԝә хьлаз дькьр (2 Пт. 2:9).

• Йаһоԝарʹа дӧа бькә у итʹбарийа хԝә ԝи бинә (Зб. 112:7, 8).

БЬНЬҺЕРʹЬН ВИДЕО «СӘВА ԚӘԜЬМАНДЬНЕД АХЬРИЙЕ МЕРХАСИ ЛАЗЬМ Ә; ПʹАРӘК», У ПАШЕ ЩАБА ԜАН ПЬРСА БЬДЬН:

• 

  Чаԝа гӧһдарийа хьзмәткʹара һатә щерʹьбандьне, чахе щьватеда гӧһастьн кьрьн?

• 

  Чаԝа мерхаси у гӧһдари һәвва гьредайи нә?

• 

  Чьма ԝәʹде Һармәгәдоне мерхаси ԝе лазьм бә?

• 

  Кʹижан сәрһатийа жь Кʹьтеба Пироз баԝәрийа мә ԛәԝи дькә ԝе йәкеда, кӧ ԛәԝата Йаһоԝа дьгьһиже мә хьлаз кә? (2 Др. 20:1-24)