Фәсал бә кӧ Әʹламәтийа Ԛәлп Бәла Нәки

Иро информасийа дькарә бь сайа форматед нәшьркьри, радио, телевизийоне у интернете, гәләк зу нава милйона мәрьва бәла бә. Әԝед кӧ «Хԝәдайе рʹастийе» дьһʹәбиньн, нахԝазьн бе һʹәмде хԝә информасийа нәрʹаст бәла кьн (Зб. 31:5, ДО; Дркʹ. 23:1). Әԝ дәрәԝед кӧ бәла дьбьн, дькарьн зийане бьдьн. Чахе әм дьхԝазьн тедәрхьн, һәла фьлан информасийа рʹаст ә йан на, ԝе баш бә пьрсе бьдьнә хԝә:

• «Канийа ве информасийайе бь итʹбар ә?» Әԝе кӧ тьштәки гьли дькә, дьԛәԝьмә һʹәму тьшти һур бь һур ньзанә. Чахе информасийа жь мәрьвәки дәрбази мәрьве дьн дьбә, әв те гӧһастьне, ләма жи дәрәщед ӧсада фәсал бьн. Әԝед кӧ щабдарийед ԝан щьватеда һәнә, тенә һʹәсабе канийа бь итʹбар, ләма жи әԝана гәрәке гәләк фәсал бьн у тʹьме һәр канийа информасийәке, кʹижане кӧ ԝе әʹлам кьн, леколин кьн

• «Әв информасийа ԝе наве кәсәки хьраб нәкә?» Һәрге әв әʹламәти наве кәсәки хьраб дькә, ԝе баш бә әве информасийайе нәԝәкʹьлиньн (Мтʹл. 18:8; Флп. 4:8).

• «Әв информасийа рʹаст ә?» Гәләк фәсал бьн, чахе дьбьһен сәрһатийед кӧ дина мә гәләк дькʹьшиньн бәрбь хԝә у мә әʹщебмайи дькьн

БЬНЬҺЕРʹЬН ВИДЕО «ГӘВӘСТИ ЧАԜА БЬДЬНӘ СӘКЬНАНДЬНЕ?» У ПАШЕ ЩАБА ԜАН ПЬРСА БЬДЬН:

• 

  Ль гора Мәтʹәлок 12:18, чаԝа гьли дькарьн зийане бьдьн?

• 

  Филипи 2:4 чаԝа дькарә али мә бькә, ԝәки әм фәсал бьн чахе дьхԝазьн тьштәки дәрһәԛа кәсәки бежьн?

• 

  Әм чь гәрәке бькьн, гава кәсәк дәстпедькә гәвәстийе бькә йан жи ԛәрфа кәсәки бькә?

• 

  Пешийа кӧ тьштәки дәрһәԛа кәсәки бежьн, ԝе баш бә кʹижан пьрса бьдьнә хԝә?