Тӧ Дькари Ԝәʹде Хԝә у Ԛәԝата Хԝә Ԛӧрбан Бьки?

Иро әм дьвиньн, ԝәки тʹәшкиләта Йаһоԝайә сәр әʹрде ль гора пʹехәмбәртийа Ишайа дьһа мәзьн дьбә у пешда дьчә (Иш. 54:2). Жь бо ԝе йәке лазьм ә дьһа зедә Одед Щьвата, Одед Щьватед Мәзьн у авайед Бәйтʹәле ава кьн. Паши авакьрьне жи лазьм ә, ԝәки әв авайи рʹьнд бенә хԝәйкьрьне у тʹәзәкьрьне. Әԝ шьхӧлед авакьрьне чь мәщала мәрʹа вәдькьн, ԝәки ԝәʹдә у ԛәԝата хԝә бона Йаһоԝа ԛӧрбан кьн?

• Чахе кʹома мә Ода Щьвате тʹәмьз дькә, әм дькарьн аликʹарийе бьдьн

• Әм дькарьн һиви кьн, ԝәки мә һин кьн кӧ чаԝа мьԛати Ода Щьвате бьн

• Әм дькарьн бланка бона Идара Шьхӧле Авакьрьне (DC-50) тʹьжә кьн, ԝәки щар-щара мьһала хԝәда шьхӧле авакьрьнеда у хԝәйикьрьнеда аликʹарийе бьдьн

• Әм дькарьн бланке тʹьжә кьн, кӧ ԝәʹдәлу Бәйтʹәледа хьзмәт кьн (А-19), демәк һʹәфтеки йан һе зедә аликʹарийе бьдьнә Бәйтʹәле

БЬНЬҺЕРʹЬН ВИДЕО «ПРОЕКТА АВАКЬРЬНА ТʹӘЗӘ, ҺАТӘ ҺАЗЬРКЬРЬНЕ; ПʹАРӘК», У ПАШЕ ЩАБА ԜАН ПЬРСА БЬДЬН:

• Жь сала 2014 ча һʹәԝщәтийа видеойа зедә бу?

• Сәва кӧ һе зедә видеойа һазьр кьн, кʹижан проект гәрәке бе сазкьрьне, у чь чах дьхԝазьн әве проекте дәстпекьн у хьлаз кьн?

• Чаԝа хушк-бьра дькарьн бь рʹәзәдьли ве проектеда аликʹарийе бьдьн?

• Һәрге әм дьхԝазьн Рʹамапойеда сәр авакьрьне кʹар бькьн, чьма гәрәке бланка (DC-50) тʹьжә кьн у мьһала хԝәда аликʹарийе бьдьн Идара Шьхӧле Авакьрьнеда?

• Жь кʹӧ те кʹьфше, ԝәки Йаһоԝа рʹебәрийа ве проекте дькә?

• Әм чь щурʹәйи дькарьн пьштгьрийа ве проекте бькьн, һәрге ве авакьрьнеда нькарьн аликʹарийе бьдьн жь бо дәрәщед хԝәйә шәхси, йан жи кӧ әм ль сәр територийа Бәйтʹәла Ԝәлатед Йәкбуйи нажин?