МИНА ИСА БЬЖИН
Ньһерʹандьна Йаһоԝа Леколин кә
Әм дьхԝазьн пе һʹәму кьред хԝә дьле Йаһоԝа ша кьн (Мтʹл. 27:11). Сәва ве йәке лазьм ә кӧ әм ль гора ньһерʹандьна Йаһоԝа сафикьрьна бькьн, һәла һе ԝи чахи жи, һәрге дәрһәԛа ве пьрсе рʹастә-рʹаст ԛанун тʹӧнә. Ле чь дькарә али мә бькә?
Тʹьме Кʹьтеба Пироз бьхунә. Һәр щар чахе әм Кʹьтеба Пироз дьхуньн, әм ча бежи ԝәʹде хԝә тʹәви Йаһоԝа дәрбаз дькьн. Әм ньһерʹандьна Йаһоԝа педьһʹәсьн гава леколин дькьн, кӧ Әԝ һьндава щьмәʹта хԝә чаԝа бу у ӧса жи гава дина хԝә дьдьн сәрһатийед ԝан мәрьва, йед кӧ бәр чʹәʹве Ԝи ԛәнщи йан хьраби дькьрьн. Чахе әм гәрәке сафикьрьнәке бькьн, рʹӧһʹе пироз дькарә дәрс у принсипа бькә бира мә, кʹижан кӧ мә Хәбәра Хԝәдеда пешда леколин кьрьбу (Йн. 14:26).
Леколин кә. Чахе тӧ гәрәке сафикьрьнәке бьки, жь хԝә бьпьрсә: «Кʹижан рʹез йан сәрһатикә Кʹьтеба Пироз дькарә али мьн бькә, кӧ пебьһʹәсьм ԝәки Йаһоԝа ча дьньһерʹә сәр ве сафикьрьне?» Бона аликʹарийе Йаһоԝарʹа дӧа кә, у һащәтед бона леколине кӧ сәр зьмане тә һәнә бьдә хәбате, ԝәки бькарьби бьвини у бьди хәбате ԝан принсипед Кʹьтеба Пироз, йед кӧ дәрәща тәва гьредайи нә (Зб. 25:4).
БЬНЬҺЕРʹЬН ВИДЕО ӘМ ГӘРӘКЕ БЬ СӘБЬР БЬРʹӘВЬН— ХԜАРЬНА КӦ БОНА СЬҺʹӘТ-ԚӘԜАТЕ БАШ Ә БЬХԜЬН, У ПАШЕ ЩАБА ԜАН ПЬРСА БЬДЬН:
Хушкәкә щаһьл жь видеойе рʹасти чь чәтьнайа һат?
Тӧ ча дькари һащәтед бона леколине бьди хәбате, ԝәки бькарьби дәрәщед ӧсада сафикьрьнед рʹаст бьки?
Әм чь кʹаре дьстиньн, чахе ԝәʹдә бона леколина шәхси дьвиньн? (Ибр. 5:13, 14)