Чаԝа Бьдьнә Хәбате Видеойед бона Һинбуна Кʹьтеба Пироз

Бал мә чар видеойед бона һинбуна Кʹьтеба Пироз һәнә, йед кӧ әм хьзмәтийеда дьдьнә хәбате. Ле нета ван һәр чар видеойа чь йә?

• 

  Чьрʹа Һин бьн Кʹьтеба Пироз?—Бь Тʹәмами, әԝ видео бона ве йәке һатийә дәрхьстьне, сәва кӧ һʹәԝаса мәрьва һьндава Кʹьтеба Пироз пешда бинә, фьрԛи тʹӧнә әԝана жь кʹижан религийайе нә. Әԝ мәрьва һелан дькә, ԝәки щабед логики бьвиньн сәр пьрсед фәрз жь Кʹьтеба Пироз. Видеойеда те шьровәкьрьне кӧ ча һинбуна Кʹьтеба Пироз бьхԝазьн.

• 

  Чьрʹа Һин бьн Кʹьтеба Пироз? (пʹарәк), мина ве видеойе йә кӧ бь тʹәмами йә, ле жь ве кьнтьр ә. Әв видео дькарә дьһа керһати бә бона ԝан мәрьва, йед кӧ тʹьме ләз ьн у ԝәʹде ԝан тʹӧнә.

• 

  Ча Дәрбаз Дьбә Һинбуна Кʹьтеба Пироз?, әв видео һатийә дәрхьстьне, ԝәки һʹәԝаса мәрьва һьндава һинбуна Кʹьтеба Пироз пешда бинә, у щаба пьрсед бәлабуйи бьдә, мәсәлә ча һинбуна Кʹьтеба Пироз бьхԝазьн.

• 

  Жь Һинбуна Хԝәйә Кʹьтеба Пироз Шабуне Бьстинә, әв видео һатийә дәрхьстьне, ԝәки хԝәндәкʹаред Кʹьтеба Пирозрʹа бе нишанкьрьне. Рʹаст ә әв видео сәр рʹупʹела 2 йа кʹьтеба Ша бә Жийинерʹа Һʹәта-Һʹәтайе! те дайине, ле һун ӧса жи дькарьн әве видеойе нишан кьн, гава брошура Ша бә Жийинерʹа Һʹәта-Һʹәтайе!, тʹәви мәрьва шеԝьр дькьн. Ве видеойеда дәрһәԛа ве кʹьтебе те готьне, кӧ теда чь һәйә у хԝәндәкʹаррʹа нишан дькә кӧ шеԝьркьрьн ча дәрбаз дьбә.

Рʹаст ә нетед ван һәр чар видеойа щӧдә нә, ле чахе мәщал һәйә, фьрԛи тʹӧнә кʹижан жь ԝан видеойа мәрьварʹа нишан кьн йан жи бьшиньн. Ԝе баш бә ԝәки һʹәму мьзгинван рʹьнд һаш жь ԝан видеойа һәбьн у бьзаньбьн кӧ хьзмәтийеда ча бьдьнә хәбате.