Чаԝа Исафа Хԝә Һин кьм?

Тәйе исаф бәрамбәри чь бькьра?

• рʹениш

• нәйник

• һәвал

• һʹакьм

Һәр чар щаб жи рʹаст ьн. Әве готаре бьхунә у пебьһʹәсә кӧ чьма әв йәк ӧса нә.

• Чь йә исаф?

• Чьма гәрәке исафа хԝә һин кьн?

• Тӧ чаԝа дькари исафа хԝә һин ки?

• Һьнә щаһьл чь дьбежьн

Чь йә исаф?

Исаф әв һәст ә, кӧ рʹасти у нәрʹастийе һәв дәрдьхә. Кʹьтеба Пирозда әв бәрамбәри ве ԛануне дьбә, кʹижан кӧ дьлда ньвисар ә (Рʹомайи 2:15). Исафа рʹаст һинкьри, али мерьв дькә, ԝәки рʹаст сәр кьред хԝә кʹижан кӧ әԝи кьрийә йан дьхԝазә бькә, рʹаст бьньһерʹә.

• Исаф мина рʹенише йә. Әԝ ԝе рʹийа рʹаст нишани тә кә у али тә бькә нәкʹәви нава чәтьнайа.

• Исаф мина нәйнике йә. Әԝ дьдә кʹьфше, ԝәки бь рʹасти тӧ мәрьвәки чаԝа ни у хԝә ль кʹижан принсипед нав-намусийе дьгьри.

• Исаф мина һәваләки баш ә. Әԝ ԝе тәрʹа бежә, кӧ чаԝа хԝә бьгьри, ԝәки һʹәму тьшт баш бә. Ле йа фәрз әв ә, кӧ гӧһ бьди исафе.

• Исаф мина һʹакьм ә. Һәрге тьштәки нәрʹаст бьки, исаф ԝе тә сущдар кә.

Фькьра сәрәкә: Исаф һәваләки баш ә, кʹижан кӧ али тә дькә, ԝәки (1) сафикьрьнед рʹаст бьки, ӧса жи (2) нәрʹастийа хԝә фәʹм бьки у хԝә рʹаст ки.

Чьма гәрәке исафа хԝә һин кьн?

Кʹьтеба Пироз дьбежә: «Хԝәйе исафа рʹьһʹәт бьн» (1 Пәтрус 3:16). Һәмьки чәтьн ә әве йәке бькьн һәрге исафа хԝә һин нәкьн.

«Бәре мьн жь де-баве хԝә вәдьшарт кӧ әз кʹӧда дьчум у мьн гәләк щар дәрәԝ дькьрьн. Пешийе исафа мьн әз дьчәрчьрандьм, ле паше әз ида бона ве йәке бәрхԝә нәдькʹәтьм» (Щенифер).

Ле ԝәʹдә шунда Щенифере гӧһ да исафа хԝә. Әԝе де-баве хԝәрʹа рʹасти гьли кьр у ида дәрәԝ нәдькьр.

Бьфькьрә: Гәло чьма Щенифере гәрәке дьһа зу гӧһ бьда исафа хԝә?

«Чахе мәрьв дӧрʹу йә, әв дькʹәвә стресе у гәләк проблем щәм ԝи пешда тен. Һәрге һәма щарәке жи гӧһ нәди исафа хԝә у тьштәки нәрʹаст бьки, әв йәк ԝе ида тәрʹа бьбә хәйсәт» (Метийу).

Исафа һьнә мәрийа ӧса кʹьзьрийә, кӧ әԝана ԛә нә жи гӧһ дьдьнә исафе. Кʹьтеба Пироз дьбежә, ԝәки мәрьвед ӧса «шәрма рʹуйе хԝә ӧнда кьрьнә» (Әфәси 4:19).

Бьфькьрә: Гәло әԝ мәрьвед кӧ исафа ԝан ԝана начәрчьринә, бь рʹасти жийина хԝәда бәхтәԝар ьн? Зу йан дәрәнг әв мәрьв ԝе рʹасти чь чәтьнайа бен?

Фькьра сәрәкә: Сәва кӧ исафа тә рʹаст бьхәбьтә, тӧ гәрәке һин би «ԛәнщи у хьрабийе жь һәв» дәрхи (Ибрани 5:14).

Тӧ чаԝа дькари исафа хԝә һин ки?

Сәва кӧ исафа хԝә һин ки, гәрәке принсипед тә һәбьн у чахе тӧ тьштәки сафи дьки ль сәр һʹиме ԝан принсипа бьки. Һьнә мәрьв дьжин бь принсипен:

• малбәте у културайе

• һәвала

• мәрьвед бь нав у дәнг

Чь жи һәбә принсипед лапи баш Кʹьтеба Пирозда ньвисар ьн. Әв әʹщебмайи нинә, чьмки Кʹьтеба Пироз «жь бина бәр Хԝәде йә», демәк жь Әʹфьрандаре мә йә, кʹижан кӧ рʹьнд занә, чь дькарә мә бәхтәԝар кә (2 Тимотʹейо 3:16).

Кʹа әм чәнд мәсәла шеԝьр кьн.

ПРИНСИП: «Әм ... заньн кӧ исафа мә рʹьһʹәт ә у дьхԝазьн кӧ һәр тьшти рʹаст бькьн» (Ибрани 13:18).

• Әв принсип чаԝа дькарә сәр исафа тә һʹӧкӧм бә, һәрге хԝәстьн щәм тә пешда те, кӧ дәрсед хԝә жь кәсәки һьлди бьньвиси, де-баве хԝәрʹа дәрәԝа бьки, йан жи тьштәки бьдьзи?

• Исафа рʹаст һинкьри ԝе чь кʹаре тәрʹа бинә, һьм ньһа һьм жи ахьрийеда?

ПРИНСИП: «Жь ԛавийе бьрʹәвьн!» (1 Корьнтʹи 6:18).

• Әв принсип чаԝа дькарә сәр исафа тә һʹӧкӧм бә, һәрге тӧ дькʹәви щерʹьбандьне у дьхԝази порнографийайе бьньһерʹи йан жи бенамусийе бьки?

• Исафа рʹаст һинкьри, кʹижан кӧ тә һелан дькә жь ԛавийе бьрʹәви, ԝе чь кʹаре тәрʹа бинә, һьм ньһа һьм жи ахьрийеда?

ПРИНСИП: «Һәврʹа ширьн у дьлшәԝат бьн, ль һәв бьбахшиньн» (Әфәси 4:32).

• Әв принсип чаԝа дькарә сәр исафа тә һʹӧкӧм бә, һәрге шәрʹ-дәʹԝ ортʹа тә у һәвал йан хушк-бьре тәда пешда те?

• Исафа рʹаст һинкьри, кʹижан кӧ тә һелан дькә, кӧ ԛәнщ у мәрʹд би, ԝе чь кʹаре тәрʹа бинә, һьм ньһа һьм жи ахьрийеда?

ПРИНСИП: «Хӧдан ... дьжәнә нәп’ак у йе зӧлме һ’ьз дькә» (Зәбур 11:5).

• Әв принсип чаԝа дькарә сәр исафа тә һʹӧкӧм бә, чахе тӧ синәма, видео листька у бәрнамед телевизийоне дьжбери?

• Исафа рʹаст һинкьри, кʹижан кӧ тә һелан дькә хԝә дур бьгьри жь ԝәʹдәдәрбазкьрьнед зӧлмийева гьредайи, ԝе чь кʹаре тәрʹа бинә, һьм ньһа һьм жи ахьрийеда?

СӘРҺАТИ: «Һәвалед мьн видео листькед сәрт дьлистьн, у әз жи ԝан листькава һатьмә гьредане. Паше, баве мьн изьн нәдьда мьн әз бьлизьм, ле йәкә әз дьчумә щәм һәвалед хԝә у мьн тʹәви ԝан дьзикава дьлист. Малда мьн дәрһәԛа ве йәке тʹӧ кәсирʹа нәдьгот. Баве мьн дьдит, ԝәки тьштәк тʹәви мьн дьԛәԝьмә, ле мьн дьготе кӧ һʹәму тьшт баш ә. Рʹожәке мьн Зәбура 11:5 хԝәнд, у исафа мьн дәстпекьр мьн бьчәрчьринә. Мьн фәʹм кьр, кӧ әз гәрәке тʹәрка ԝан видео листькед сәрт бьдьм, у мьн һәма ӧса жи кьр. Гава һәваләки мьн әв йәк дит, әԝи жи тʹәрка ԝан листька да» (Щереми).

Бьфькьрә: Чь чах исафа Щереми дәстпекьр ԝи бьчәрчьринә у чь чах әԝи дәстпекьр гӧһ бьдә исафе? Жь ве сәрһатийе тӧ чь һин дьби?

Фькьра сәрәкә: Исафа мә әʹйан дькә, ԝәки бь рʹасти әм чь мәри нә у чь бона мә дьһа фәрз ә. Ле исафа тә дәрһәԛа тә чь әʹйан дькә?