Сала 2023-да Чь Мәʹнийед бона Һевийе Һәнә—Кʹьтеба Пироз Дәрһәԛа Ве Йәке Чь Дьбежә?

Әм һивийе нә кӧ сала 2023-да ԝе тьштед баш бьԛәԝьмьн. Чьма әм дькарьн ве йәкеда баԝәр бьн?

Кʹьтеба Пироз һевийе дьдә

Кʹьтеба Пирозда те готьне кӧ проблемед мә ԝәʹдәлу нә у зутьрәке ԝе кʹӧта бьн. Бь рʹасти, Кʹьтеба Пироз «бона һинбуна мә һатә ньвисаре, ԝәки әм бь . . . ԝан готьнед ньвисарада кӧ бине дьдьнә бәр мә, хԝәйигӧман бьн» (Рʹомайи 15:4).

• Сәва кӧ һе зедә пебьһʹәсьн Кʹьтеба Пироз чь соз дьдә, бьхуньн готар «Һевийа Баш бона Рʹожа Сьбе».

Һевийа кӧ ида ньһа дькарә али тә бькә

Һевийа жь Кʹьтеба Пироз мина «ләнгәре» йә (Ибрани 6:19, ИМ). Һеви дькарә али мә бькә ԛәԝи бьминьн. Әԝ дькарә али мә бькә ԝәʹде проблема тәйах кьн, ньһерʹандьна позитив хԝәй кьн у шабуна һәрһәйи бьстиньн. Мәсәлә:

• Пебьһʹәсә кӧ чаԝа һевийа жь Кʹьтеба Пироз али мерәки кьр, йе кӧ һʹьз дькьр ичке вәхԝә. Бьньһерʹә видео Әз жь Жийина Хԝә Вәстийам.

• Пебьһʹәсә кӧ чаԝа һевийа жь Кʹьтеба Пироз дькарә али мә бькә, гава әм мәрьвед хԝәйә һʹьзкьри ӧнда дькьн. Бьньһерʹә видео Бәрдьли бона Кәсед кӧ Шине Дькьн.

Һевийа хԝә ԛәԝи кә

Гәләк мәрьв тʹьме һивийа тьштед баш ьн, ле әԝана нькарьн сәд сәләфи баԝәр бьн, кӧ әв йәк ԝе әʹсәйи бенә сери. Ле созед жь Кʹьтеба Пироз тʹьме тенә сери. Гәло чьма? Чьмки созед жь Кʹьтеба Пироз жь Йаһоԝа Хԝәдеa нә, йе кӧ «хԝәйе готьна хԝә» йә (Тито 1:2). Тʹәне ԛәԝата Йаһоԝа һәйә һʹәму созед хԝә бинә сери; чьмки тʹәне әԝ дькарә «дахԝаза хԝә» бинә сери (Зәбур 135:5, 6, ИМ).

Әм бь дьл у щан дьхԝазьн, ԝәки тӧ кʹаре бьстини жь һевийа Кʹьтеба Пироз. Тӧ дькари баԝәрийа хԝә һьндава һевийе бь ве йәке ԛәԝи ки, кӧ «Ньвисаред Пироз» леколин бьки (Кʹаред Шандийа 17:11). Әԝе йәке тӧ дькари бь сайа курса һинбуна Кʹьтеба Пирозә бепʹәрә бьки. Сала 2023-да һевийа тә дәрһәԛа ахьрийе бьра ԛәԝи бә!