Шәʹдед Йаһоԝа у Һолокост—Кʹьтеба Пироз Дәрһәԛа Ве Йәке Чь Дьбежә?

Сала 2023, 27 Чьләйе гәләк мәрьв ԝе Рʹожа Биранина Һолокоста Һʹәмдьнйайе дәрбаз кьн. Тьштед бехԝәдети у зӧлм, йед кӧ 75 сал зедәтьр пешда ԛәԝьмибун, дьбәкә пьрсәкә ӧса щәм ԝә пешда тинә, кӧ чьма Хԝәде һишт Һолокост бьԛәԝьмә.

• Сәва һе зедә пебьһʹәсьн, кӧ Кʹьтеба Пироз чь дьбежә, бьхуньн готар «Чьрʹа Һолокост Ԛәԝьми? Чьрʹа Хԝәде Әв Йәк Нәда Сәкьнандьне?»

Мьләте Щьһу гәләк чәрчьри жь бо Һолокосте. Бь милйона дьһатьнә ԛьрʹкьрьне. Мәрьвед дьн жи ԝәʹде Һолокосте дьһатьнә зерандьне у ԛьрʹкьрьне. Нава ԝан мәрьвада Шәʹдед Йаһоԝа бун, йед кӧ жь бо баԝәрийа хԝәйә сәр һʹиме Кʹьтеба Пироз, дьһатьнә зерандьне.

• Сәва һе зедә пебьһʹәсьн, бьхуньн готар «Ԝәʹде Һолокосте Чь Һатә Сәре Шәʹдед Йаһоԝа?»

Һеви у Ахьрийа Баш

Гәләк мәрьв дьтьрсьн, кӧ Һолокост дькарә диса бьԛәԝьмә. Ле чьԛас баш ә, кӧ Кʹьтеба Пироз соз дьдә ахьрийа ӧса, кӧ тьштед ԝи щурʹәйи ԝе ида тʹӧнә бьн.

• «Әз рʹьнд заньм әԝ, чь кӧ мьн сәва ԝә ԛьрар кьрийә› Йаһоԝа дьбежә. ‹Мьн әʹдьлайи сәва ԝә ԛьрар кьрийә, нә кӧ хәзәба, сәва кӧ һевийе у ахьрийа баш бьдьмә ԝә›» (Йерәмийа 29:11, ДТʹ).a

Әв соз ԝе һьнге бе сери, чахе Йаһоԝа Хԝәде ԝе бьдә һьлдане зӧлмийе у зийана кӧ мәрьва стандийә. Әԝ ԝе зутьрәке:

• Ԛьрʹа ԝан бинә, йед кӧ зӧлмийе дькьн у зийане дьдьнә мәрьва (Мәтʹәлок 2:22).

• Ԛәнщ кә ԝана, йед кӧ гәләк чәрчьри нә (Әʹйанти 21:4).

• Мәрьва вәгәрʹинә жийине у әԝана ԝе сәр әʹрде бьжин (Йуһʹәнна 5:28, 29).

Һун дькарьн итʹбарийа хԝә созед Кʹьтеба Пироз биньн, йед кӧ гӧмане у бәрдьлийе дьдьнә мә. Сәва пебьһʹәсьн кӧ чьрʹа әм дькарьн баԝәрийа хԝә ван соза биньн, әм ԝә тʹәглиф дькьн сәр курса һинкьрьна Кʹьтеба Пирозә бепʹәрә.