Зандара Сьһʹәта Нишанкьрьна Кʹӧтасийа Дьнйайе Пеш Хьстьнә—Кʹьтеба Пироз Дәрһәԛа Ве Йәке Чь Дьбежә?

Сала 2023, 24 Чьләйе, зандара Сьһʹәта Нишанкьрьна Кʹӧтасийа Дьнйайеa дьһа незики ниве шәве кьрьнә, чь кӧ бь симболик те һʹәсабе, ԝәки кʹӧтасийа дьнйайе незик ә.

• «Сьһʹәта Нишанкьрьна Кʹӧтасийа Дьнйайе бь симболик те һʹәсабе хофа ве йәке, кӧ инсанәт хԝәха хԝә кʹӧта дькә. Зандара жь бо шәрʹе Украинайеда, жь тьрса шәрʹе атоми у хьрабкьрьна климате, рʹожа Сешәме тиред ве сьһʹәте дьһа незики ниве шәве кьрьн».—AFP International Text Wire.

• «Рʹожа Сешәме зандара әʹлам кьрьн, ԝәки Сьһʹәта Нишанкьрьна Кʹӧтасийа Дьнйайе, 90 сәнийа незики ниве шәве буйә. Әв йәк нишан дькә, ԝәки кʹӧтасийа ве дьнйайе гәләк незик буйә».—ABC News.

• «Кʹома зандаред һʹәмдьнйайе әʹлам кьрьнә, ԝәки инсанәт гьһиштийә ве дәрәще, кӧ хԝәха хԝә кʹӧта дькә».—The Guardian.

Гәло бь рʹасти инсанәт у планета мә ԝе зутьрәке бенә кʹӧтакьрьне? Гәло әм гәрәке бона ахьрийе бьтьрсьн? Кʹьтеба Пироз дәрһәԛа ве йәке чь дьбежә?

Чь ахьри һивийа мә йә

Ль гора Кʹьтеба Пироз әʹрд ԝе һʹәта-һʹәтайе бьминә, мәрьв жи «һәр-һәйе ԝе сәр бьжин» (Ԝаиз 1:4; Зәбур 37:29). Ләма жи мәрьв ԝе нькарьбьн әʹрде кʹӧта кьн у планета мә ԝе тʹӧ щар бе жийин нәминә.

Һәмьки Кʹьтеба Пироз бәʹса кʹӧтасийа ве дьнйайе дькә. Мәсәлә, әв дьбежә «дьнйайе . . . дәрбаз бә» (1 Йуһʹәнна 2:17).

• Сәва кӧ һе зедә пебьһʹәсьн, ԝәки ль гора Кʹьтеба Пироз чь те һʹәсабе хьлазийа ве дьнйайе, бьхуньн готар «Гәло Дьне Незики Хьлазийе Дьбә? Чь йә Апокалипсис?»

• Сәва кӧ пебьһʹәсьн Кʹьтеба Пироз чь дьбежә дәрһәԛа ԛәԝьмандьнед иройин, бьхуньн готар «Чь Чах Ԝе Кʹӧтасийа Дьнйайе Бе?»

Дьлтәнг нәбьн

Кʹьтеба Пироз дькарә али ԝә бькә, ԝәки ньһерʹандьна позитив хԝәй кьн у дьлтәнг нәбьн. Ле чаԝа?

• Кʹьтеба Пироз ширәтед керһати дьдә (2 Тимотʹейо 3:16, 17). Мәсәлә, әве готаре бьхуньн «Чь Бькьн сәва кӧ Хәмгин Нәбьн» ԝәки бьвиньн чаԝа Кʹьтеба Пироз дькарә али ԝә бькә, кӧ чәтьнайада дьлтәнг нәбьн у шабуна хԝә ӧнда нәкьн.

• Кʹьтеба Пироз һевийа ахьрийа баш дьдә мә (Рʹомайи 15:4). Әв зәлал шьровәдькә дәрһәԛа рʹожед мә у ахьрийе, чь кӧ али мә дькә, ԝәки жь бо ԛәԝьмандьнед ве дьнйайе дьлтәнг нәбьн.

Сәва кӧ һе зедә информасийа жь Кʹьтеба Пироз пебьһʹәсьн, әм бь дьл у щан ԝә тʹәглифи сәр курса Һинбуна Кʹьтеба Пирозә бе пʹәрә дькьн.