Тӧ Итʹбарийа Хԝә Дькари Кʹе Бини?—Кʹьтеба Пироз Чь Дьбежә?

Мәрьв дьлсар дьбьн у пʹошман дьбьн, чахе дьвиньн кӧ әв мәрьв итʹбарийа хԝә кʹижана әԝана тиньн, хԝә рʹаст надьнә кʹьфше. Гәләк мәрьв итʹбарийа хԝә ӧнда кьрьнә, чьмки . . .

• сәрԝеред политики дәԝса кӧ бона һʹәԝщед мәрьва хәм бькьн, кʹара хԝә дьгәрʹьн.

• нучәйада информасийа нәрʹаст әʹлам дькьн.

• зандар тʹӧ тьшти накьн бона кʹара мәрьва.

• сәрԝеред религи дьһа пьштгьрийа политикайе дькьн, нә кӧ Хԝәде дьһʹәбиньн.

Әв йәк нормал ә ԝәки мәрьв ве йәкеда фәсал ьн, кӧ итʹбарийа хԝә кʹе биньн. Кʹьтеба Пироз ширәтәкә ӧса дьдә:

• «Гӧмана хԝә нәдьнә ль сәр мира, ль сәр бәнде кӧ нькарә хьлаз кә» (Зәбур 146:3).

Кәсе кӧ тӧ дькари итʹбарийа хԝә ԝи бини

 Хԝәде Иса кʹьфш кьр, кӧ әԝ сәрԝертийе бькә, у Кʹьтеба Пирозда те готьне ԝәки «хьлазийа Пʹадшатийа ԝи ԝе тʹӧнә бә» (Луԛа 1:32, 33). Иса нә кӧ тʹәне мәрьвәки баш бу, йе кӧ гәләк ԛьрʹнә пешда дьжит, ле әԝ ньһа Пʹадше Пʹадшатийа Хԝәде йә, сәрԝертийа кʹижани сәр әʹзмана йә (Мәтта 6:10). У ләма жи әм дькарьн итʹбарийа хԝә ԝи биньн.

• Сәва кӧ пебьһʹәсьн чьма һун дькарьн итʹбарийа хԝә Иса биньн, бьхуньн готара бь наве «Кʹи йә Пʹадше Пʹадшатийа Хԝәде?» у «Пʹадшатийа Хԝәде ԝе Чь Бькә?»