Шәʹдед Йаһоԝа Чаԝа Һинбуна Рʹӧһʹани Дьстиньн?

Шәʹдед Йаһоԝа тʹьме һинбуна рʹӧһʹани дьстиньн. Әԝана ӧса жи шьхӧле бәлакьрьна мьзгинийеда кʹар дькьн, чьмки Иса тʹәми да шагьртед хԝә, ԝәки һәрʹьн хьзмәт кьн у мәрьва дәрһәԛа Пʹадшатийа Хԝәде һин кьн (Мәтта 24:14; 28:19, 20). Әв һинбун әм сәр щьватед мәйә һәр һʹәфтийе у сәр щьватед мәзьнә һәрсали дьстиньн. Шәʹдед Йаһоԝа щәм кʹижана щабдари щьватеда йан жи тʹәшкиләтеда һәнә, әԝана һинбуна башԛә дьстиньн бь сайа мәкʹтәбед сәр һʹиме Кʹьтеба Пироз.

Ве готареда

Чь щурʹә һинбун Шәʹдед Йаһоԝа дьстиньн?

Щьват. Щийе һʹәбандьна мә сәр кʹижане әм дьбежьн Ода Щьвате, һәр һʹәфти дӧ щьватед мә дәрбаз дьбьн. Щьватәк ортʹа һʹәфтийе дәрбаз дьбә; щьвата дьн жи Шәми йан Ләʹде. Һәр кәс дькарә бе сәр ԝан щьвата у ԝедәре пʹәрә найе тʹопкьрьне.

Щьвина Мина Иса Мәсиһ Бьжин у Хьзмәт кьн. Әм сәр ве щьвине һин дьбьн ча рʹьнд бьхуньн, ча хәбәрдане тʹәви мәрьва дәстпекьн, ча пе готара дәрен, чь щурʹәйи хьзмәт кьн у һин кьн. Әм һинбуне бь сайа готара, шеԝьркьрьна, тʹәмаша у видеойа дьстиньн. Әв һинбун али мә дькә бь һостәти мьзгинийа хере бәла кьн у һинбунед Кʹьтеба Пироз дәрбаз кьн. Һәр кәс кʹе те сәр ве щьвине, жь һинбуне кʹаре дьстинә. Хенщи ве йәке, щьватед мә баԝәри у һʹәзкьрьна мә һьндава Хԝәде ԛәԝи дькьн у ӧса жи һʹәзкьрьна мә һьндава хушк-бьред щьватеда.
Щьвата кӧ Шәми йан Ләʹде дәрбаз дьбә. Әв щьват жь дӧ пʹара йә. Пʹара пешийе дәстпедьбә пе готара сәр һʹиме Кʹьтеба Пироз, йа кӧ бона һʹәмуйа йә. Ле пʹара дӧда бь сайа журнала Бьрща Ԛәрәԝьлийеa йа бона һинбуне, пе пьрс у щаба те шеԝьркьрьне. Ве журналеда щурʹә-щурʹә тʹемед сәр һʹиме Кʹьтеба Пироз тенә шьровәкьрьне, йед кӧ хьзмәтийеда у әʹмьре мәйә һәррʹожида али мә дькьн.

Щьватед мәзьнә йәкрʹожи у серʹожи. Һәр сал се щьватед мәзьн дәрбаз дьбьн, сәр кʹижана хьзмәткʹаред жь щурʹә-щурʹә щьвата тен. Әв щьватед мәзьн тенә сазкьрьне сәр һʹиме тʹемәкә жь Кʹьтеба Пироз. Бәрнама щьвата мәзьнда һәнә готар, тʹәмашә, ԛьсәкьрьн у видео. Чаԝа сәр щьвата, сәр щьватед мәзьн жи фәʹмкьрьна мә һьндава Кʹьтеба Пироз зедә дьбә у әв йәк мә һелан дькә, хьзмәтийеда һе щерʹьбанди бьн. Чаԝа мә пешда гот, һәр кәс дькарә бе у ԝедәре пʹәрә найе тʹоп кьрьне.

Мәкʹтәбед сәр һʹиме Кʹьтеба Пироз бона Шәʹдед Йаһоԝа

Сәва кӧ һе зедә занәбуне бьстиньн, һьнә Шәʹдед Йаһоԝа тʹәглифи щурʹә-щурʹә мәкʹтәба дькьн. Әԝ чь мәкʹтәб ьн? Нета ԝан мәкʹтәба чь йә у әв мәкʹтәб чьԛас ԝәхт дькʹьшиньн? У кʹе дькарә ԝан мәкʹтәбада һин бә?

Мәкʹтәба бона Пешәнга

Нет: Әв мәкʹтәб али хьзмәткʹаред һәртʹьм, демәк пешәнгаb дькә, кӧ шьхӧлед хьзмәтийе у һинкьрьнеда дьһа щерʹьбанди бьн. Бәрнама ве мәкʹтәбеда һәнә шеԝьркьрьн, тʹәмашә, готар у дәрс.
Ԝәʹдә: Шәш рʹож.
Шагьрт: Шәʹдед Йаһоԝа, йед кӧ саләк ча пешәнгед һәртʹьм хьзмәт кьрьнә тенә тʹәглифкьрьне сәр ве мәкʹтәбе. Ӧса жи пешәнгед һәртʹьм, йед кӧ пенщ сал пешда әԝе мәкʹтәбе дәрбаз бунә, дькарьн диса дәрбаз бьн.

Мәкʹтәба бона Мьзгинванед Пʹадшатийе

Нет: Әв мәкʹтәб али пешәнгед щерʹьбанди дькә һинкьрьна кʹур бьстиньн. Шагьрт фәрәсәтед хԝәйә һинкьрьне дьһа баш дькьн у һин дьбьн тʹемед Кʹьтеба Пироз кʹур лекʹолин кьн. Паши мәкʹтәбе хьзмәткʹара дьшиньн ԝан щийа кʹидәре хьзмәткʹар кем ьн.
Ԝәʹдә: Дӧ мәһ.
Шагьрт: Әв пешәнгед дәрәща кʹижана дәст дьдә у әԝана һазьр ьн һәрʹьн ԝан щийа кʹидәре ԝе ԝана бьшиньн, дькарьн бланка ве мәкʹтәбе тʹьжә кьн.

Мәкʹтәба бона Рʹуспийед Щьвате

Нет: Әв мәкʹтәб али рʹуспийаc дькә щабдарийед хԝә щьватеда биньн сери, мәсәлә кәсед дьн һин кьн у сәрледанед шьвантийе бькьн. Ӧса жи әԝана һин дьбьн һʹәзкьрьна хԝә һьндава Хԝәде у хушк-бьра ԛәԝи кьн (1 Пәтрус 5:2, 3).
Ԝәʹдә: Пенщ рʹож.
Шагьрт: Бьред кӧ тʹәзә һатьнә кʹьфшкьрьне ча рʹуспи у ӧса жи рʹуспийед щерʹьбанди йед кӧ пенщ сал пешда әв мәкʹтәб дәрбаз бунә, дькарьн диса һин бьн.

Мәкʹтәба бона Бәрпьрсийаред Мьһале у Жьнед Ԝан

Нет: Әв мәкʹтәб али бәрпьрсийаред мьһале дькәd, ԝәки щабдарийед хԝә дьһа рʹьнд биньн сери (1 Тимотʹейо 5:17). Хенщи ве йәке, сәр ве мәкʹтәбе бәрпьрсийаред мьһале у жьнед ԝан занәбуна хԝә һьндава Кʹьтеба Пироз дьһа кʹур дькьн.
Ԝәʹдә: Мәһәк.
Шагьрт: Саләк паши кʹьфшкьрьнед хԝә, бәрпьрсийаред мьһале у жьнед ԝан тенә тʹәглифкьрьне. Әԝана әве мәкʹтәбе паши пенщ сала дькарьн диса дәрбаз бьн.

Мәкʹтәба Хьзмәтийе

Нет: Әв мәкʹтәб али рʹуспийа у аликʹарчийед щьватеe дькә, ԝәки ль гора дәрәщә у һʹәԝщед хушк-бьра әԝана щабдарийед хԝә биньн сери (2 Тимотʹейо 3:1). Әв мәкʹтәб чәнд сала щарәке дәрбаз дьбә.
Ԝәʹдә: Гәләк щар тʹәне рʹожәк дькʹьшинә.
Шагьрт: Бәрпьрсийаред мьһале, рʹуспи у аликʹарчийед щьвате.

Мәкʹтәба бона Хьзмәтийа Бәйтʹәледа

Нет: Әв мәкʹтәб али Бәйтʹәлванаf дькә шьхӧлед хԝә рʹьнд биньн сери у һʹәзкьрьна хԝә һьндава Хԝәде у һәвдӧ ԛәԝи кьн.
Ԝәʹдә: Пенщ рʹож у нив.
Шагьрт: Бәйтʹәлванед тʹәзә дькарьн һин бьн у йед кӧ ида гәләк ԝәхт хьзмәт дькьн, ле пенщ сал пешда әв мәкʹтәб дәрбаз бунә.

Мәкʹтәба Гиләд

Нет: Әв мәкʹтәб али шагьрта дькә, рʹазибуна хԝә һьндава Хәбәра Хԝәде бьдьнә кʹьфше у чь кӧ һин дьбьн әʹмьре хԝәда бьдьнә хәбате (1 Тʹесалоники 2:13). Хьзмәткʹаред щерʹьбанди, йед кӧ мәкʹтәба Гиләде дәрбаз бунә, аликʹарикә мәзьн дьдьне тʹәшкиләта Йаһоԝа. Ԝан хьзмәткʹара Бәйтʹәлада кʹьфш дькьн, йан жи ча пешәнгед мәхсус кʹьфш дькьн ԝәлатед ԝанда йан жи ԝәлатед дьнда.
Ԝәʹдә: Пенщ мәһ.
Шагьрт: Әве мәкʹтәбе дәрбаз дьбьн әԝ хьзмәткʹар, кʹижана Комитейа Филиале бьжартийә кӧ бланке тʹьжә кьн. Әв мәкʹтәб Патерсоне, Нийу Йоркеда дәрбаз дьбә.

Мәкʹтәба сәва Әндәмед Комитейа Филиала у Жьнед Ԝан

Нет: Әв мәкʹтәб али бьред жь Комитейа Филиалеg дькә, ԝәки әԝана бона хәбата Бәйтʹәледа хәм бькьн у бона шьхӧле бәлакьрьна мьзгинийе ԝәлате хԝәда йан жи ԝан ԝәлатада бона кʹижане әԝана щабдар ьн.
Ԝәʹдә: Дӧ мәһ.
Шагьрт: Әве мәкʹтәбе әԝ бьред жь Комитейа Филиале дәрбаз дьбьн, кʹижана жь Офиса Сәрәкә йа Шәʹдед Йаһоԝа тʹәглифкьрьн стандьнә. Әв мәкʹтәб Патерсоне, Нийу Йоркеда дәрбаз дьбә.

Дәрсдар пе готаре дәрте сәр Мәкʹтәба бона Әндәмед Комитейа Филиала у Жьнед Ԝан.

Һинбуна кӧ Шәʹдед Йаһоԝа дьстиньн сәр һʹиме чь йә?

Һʹәму бәрнамед мәкʹтәбед Шәʹдед Йаһоԝа сәр һʹиме Кʹьтеба Пироз ьн. Әм баԝәр ьн, ԝәки Кʹьтеба Пироз жь бина бәр Хԝәде йә у теда рʹебәрийа лапә баш ә, бона һәр дәрәщед жийина Мәсиһийа (2 Тимотʹейо 3:16, 17).

Гәло Шәʹдед Йаһоԝа пʹәрә бона һинбуне дьдьн?

На. Һинбун бепʹәрә йә. Һʹәму шьхӧле мә бь сайа пьштгьрийа ԛӧрбанед рʹәзәдьли те кьрьне (2 Корьнтʹи 9:7).

a Кʹьтеба Пироз у һащәтед бона һинбуна Кʹьтеба Пироз ӧса жи видео, дькарьн бьвиньн сәр малпәра jw.org.

b Пешәнг әв һәйә мер йан кʹӧлфәта ньхӧманди, йе кӧ мәсәләкә баш ә у һәр мәһ хьзмәтийеда сьһʹәтед кʹьфшкьри хәрщ дькә.

c Рʹуспи Мәсиһийед гьһишти нә, йед кӧ бь сайа Кʹьтеба Пироз һин дькьн у шьвантийе щьмәʹта Хԝәде дькьн бь ве йәке, кӧ али ԝан дькьн у һелан дькьн. Бона шьхӧле хԝә әԝана пʹәра настиньн.

d Бәрпьрсийаре мьһале әв һәйә хьзмәткʹаре кӧ мьһала хԝәда һәр һʹәфти тʹәсәлийа щурʹә-щурʹә щьвата дькә. Әԝ бь сайа готаред сәр һʹиме Кʹьтеба Пироз у кʹаркьрьна хьзмәтийеда, хушк-бьра һелан дькә.

e Аликʹарчийед щьвате, щурʹә-щурʹә пьрсада аликʹарийе дьдьнә хушк-бьра. Бь ве йәке рʹуспийарʹа һе зедә ԝәʹдә дьминә, ԝәки һин кьн у сәрледанед шьвантийе бькьн.

f Бәйтʹәл әв наве филиалед Шәʹдед Йаһоԝа йә. Хьзмәткʹаред һәртʹьм, йед кӧ филиалада хьзмәт дькьн, пьштгьрийа шьхӧлед Шәʹдед Йаһоԝа дькьн.

g Комитейа Филиаледа се йан һе зедә бьред щерʹьбанди хьзмәт дькьн.

Шәʹдед Йаһоԝа жь һинбуне чь кʹаре дьстиньн?

«Мьнрʹа чәтьн ә тʹәви мәрьве нәнас дәрһәԛа Кʹьтеба Пироз хәбәр дьм, чьмки әз шәрмокә мә. Ԝәʹде Щьвина Мина Иса Бьжин у Хьзмәт кьн, әз һин бум мерхас бьм у фәрәсәтед хԝә һинкьрьнеда дьһа баш кьм. Ньһа мьнрʹа дьһа һеса йә тʹәви хушк-бьра у һәвалхәбаткʹаред хԝә хәбәр дьм»—Наташа, Дәԝләтед Йәкбуйи.
«Мәкʹтәба бона Мьзгинванед Пʹадшатийе али мьн кьр нав хԝәда һʹӧнӧред ӧса пешда биньм, ча һʹәзкьрьн, сәбьр у ԛәнщи. Паши хьлазкьрьна мәкʹтәбе, мьн тедәрхьст ԝәки әз бумә Мәсиһики баш. Ве мәкʹтәбеда әз һин бум чь щурʹәйи лекʹолина тʹемед Кʹьтеба Пироз бькьм у чь щурʹәйи рʹезед жь Кʹьтеба Пироз шьровәкьм, ԝәки әԝ бьгьһижә дьлед мәрьва»—Стивен, Нижәрйа.
«Мәкʹтәба бона Рʹуспийед Щьвате али мьн кьр, кӧ әз нав хԝәда мьлуктийе пешда биньм, йа кӧ ве кʹьфшкьрьна мьнда али мьн бькә. Сәр мьн һʹӧкӧм кьр әв йәк кӧ готарада дьһатә готьне, ԝәки фәрз ә чʹәʹв бьдьнә мәсәла Иса»—Лука, Италйа.
«Бь сайа Мәкʹтәба бона Мьзгинванед Пʹадшатийе әз һин бум тʹәви мәрьва һʹәйф бьм у тʹәви ԝан бь нәрми хәбәр дьм. Ӧса жи әз һин бум нә кӧ жь бо борщдарийе али мәрьва бькьм, ле бь һʹәзкьрьне»—Самуел, Кәйанийа Йәкбуйи.
«Мәкʹтәба Гиләде али мә кьр, бь сайа Хәбәра Хԝәде хԝә бьщерʹьбиньн (Аԛуб 1:22-25). Мә карьбу тедәрхьн һәла чь гӧһастьна әм гәрәке нав хәйсәтед хԝәда у хьзмәтийа Йаһоԝада бькьн. Мә ӧса жи фәʹм кьр, кӧ чьԛас фәрз ә һе зедә бона кәсед дьн бьфькьрьн, не кӧ бона хԝә. Хәбәрдан у кьред мәда гәрәке һʹәзкьрьн бе кʹьфше»—Елнатан у Принсес, Филипин.