3. а) Чь те һʹәсабе беԛьсурти? б) Мәсәле биньн, кӧ әʹйан дькә чь те һʹәсабе беԛьсурти.

³ Чь щурʹәйи хьзмәткʹаред Хԝәде беԛьсуртийе дьдьнә кʹьфше? Әԝана бь тʹәмамийа дьле хԝә Йаһоԝа һʹьз дькьн у жерʹа амьн дьминьн, у тʹьме пе кьред хԝә дьле ԝи ша дькьн. Дина хԝә бьдьне, хәбәра беԛьсур чь те һʹәсабе. Кʹьтеба Пирозда хәбәра кӧ һатийә ԝәлгәрʹандьне «беԛьсур», те һʹәсабе «тʹам» йан жи «бекемаси». Бәʹса хәбәре, чахе Исраелийа Йаһоԝарʹа һʹәйԝан ԛӧрбан дькьрьн, Ԛануне жь ԝан дәʹԝа дькьр, ԝәки һʹәйԝан бекемаси бьнb (Ԛан. Кʹаһ. 22:21, 22). Щьмәʹта Хԝәдерʹа изьн тʹӧнә бу, ԝәки һʹәйԝанед ӧса ԛӧрбан кьрана, кʹижан мәсәлә, беньг, бегӧһ, бечʹәʹв буна, йан нәхԝәш буна. Бона Йаһоԝа гәләк фәрз бу, ԝәки әԝ һʹәйԝан тʹам у сах-сьламәт буна (Малх. 1:6-9). Әм дькарьн Йаһоԝа фәʹм кьн, кӧ чьрʹа бона ԝи әԝ йәк фәрз бу. Чахе әм дьхԝазьн тьштәки бькʹьрʹьн, мәсәлә емиш, кʹьтеб, йан жи һащәтәке, әм нахԝазьн кемасийа ԝи тьшти һәбә, йан ԛӧл йан жи хьраббуйи бә. Әм дьхԝазьн әԝ тьшт тʹам у рʹьнд бә. Йаһоԝа жи дьхԝазә, ԝәки һʹьзкьрьн у амьнийа мә һьндава ԝида, тʹам у бекемаси бә.