Кʹьтеба Пирозда те готьне ԝәки әʹмьре мәрьва кьн ә у бь тәнгасийа тʹьжә йә (Ибо 14:1). Ле гәло Хԝәде жийинәкә ӧса бона мә дьхԝәст? Һәрге на, ле ԛьрара Ԝи бона мә чь йә? Гәло ԛьрара Хԝәде ԝе бе сери? Ԝәрә әм щабед ван пьрса жь Кʹьтеба Пироз пебьһʹәсьн, кʹижан кӧ ԝе дьлбинийе бьдьнә мә.

1. Йаһоԝа бона мә жийинәкә чь щурʹәйи дьхԝазә?

Йаһоԝа жийинәкә лапә баш бона мә дьхԝазә. Чахе Йаһоԝа мәрьвед пешьн, демәк Адәм у Һеԝа әʹфьрандьн, әԝи бахче Еденеда әԝана щиԝар кьрьн. Паше «Хԝәде ԝанрʹа гот: ‹Шин бьн у ль һәв зедә бьн, әʹрде тʹьжи кьн у хԝәйитийе ле бькьн›» (Дәстпебун 1:28). Йаһоԝа дьхԝәст ԝәки зарʹед ԝан һәбьн, тʹәмамийа әʹрде бькьнә щьнәт у пәй һʹәйԝана бьньһерʹьн. Нета ԝи бона мәрьва әв бу, ԝәки сьһʹәт ԛәԝата ԝан беԛьсур бә у әԝана һʹәта-һʹәтайе бьжин.

Рʹаст ә иро әʹмьре мә ӧса нинә,a ле нета Хԝәде нәһатийә гӧһастьне (Ишайа 46:10, 11). Йаһоԝа диса жи дьхԝазә ԝәки мәрьвед гӧһдар һʹәта-һʹәтайе бь әʹмьрәки бәхтәԝар бьжин (Бьхунә Әʹйанти 21:3, 4.)

2. Әм ча дькарьн ньһа жи ләзәте жь әʹмьре хԝә бьвиньн?

Йаһоԝа әм ӧса әʹфьрандьнә кӧ һʹәԝщәтийа мәйә рʹӧһʹани һәбә, демәк хԝәстьна мә һәбә ԝәки дәрһәԛа ԝи бьзаньбьн у ԝирʹа хьзмәт кьн (Бьхунә Мәтта 5:3-6.) Хԝәде дьхԝазә ԝәки тӧ бьби досте ԝийи незик, «һʹәму рʹийед ԝида һәрʹи, ԝи һʹьз бьки» у «бь тʹәмамийа дьле хԝә» ԝирʹа хьзмәт ки (Ԛануна Дӧщари 10:12; Зәбур 25:14). Һәрге әм ӧса бькьн, чьԛас чәтьнайед мә һәбьн жи, йәкә әме диса жи бәхтәԝар бьн. Чахе әм Йаһоԝарʹа хьзмәт дькьн, әм шабуне дьстиньн у нета әʹмьре мә һәйә.

3. Йаһоԝа дьхԝазә ԝәки әʹмьре мәрьва гәләк баш бә

Вехә ВИДЕО, у паше әве пьрсе шеԝьр кә:

ВИДЕО: «Чьрʹа Хԝәде Әʹрд Әʹфьрандийә?»; Пʹарәк (1:41)

• Чьрʹа Хԝәде әʹрд әʹфьранд?

Бьхунә Ԝаиз 3:11, у паше әве пьрсе шеԝьр кә:

• Әв йәк чь тә һин дькә дәрһәԛа Йаһоԝа?

4. Нета Йаһоԝа нәһатийә гӧһастьне

Бьхунә Зәбур 37:11, 29 у Ишайа 55:11, у паше әве пьрсе шеԝьр кә:

• Әм жь кʹӧ заньн ԝәки нета Йаһоԝа һьндава мәда нәһатийә гӧһастьне?

5. Хьзмәткьрьна Йаһоԝарʹа, шабуне тинә у нета әʹмьр дьдә мә

ВИДЕО: «Мьн Фәʹм кьр кӧ Нета Әʹмьр Чьда нә» (5:03)

• Терумийе чь кʹар станд гава дәрһәԛа нета жийине пеһʹәсийа?

Бьхунә Ԝаиз 12:13, у паше әве пьрсе шеԝьр кә:

• Ча әм дькарьн рʹазибуна хԝә бьдьнә кʹьфше сәва ԝе йәке, кӧ Йаһоԝа һаԛас тьшт бона мә дькә?

ТʹӘМАМКЬРЬН

Йаһоԝа дьхԝазә ԝәки әм сәр әʹрде, щьнәтеда, жийина һʹәта-һʹәтайерʹа ша бьн. Ле һәрге әм бь тʹәмамийа дьле хԝә ԝирʹа хьзмәт кьн, әме ида ньһада ләзәте жь әʹмьр бьвиньн.

Ԝәкʹьландьн

• Сәре серида ԛьрара Йаһоԝа һьндава Адәм у Һеԝайе чь бу?

• Әм жь кʹӧ заньн ԝәки ԛьрара Йаһоԝа һьндава инсанәте нәһатийә гӧһастьне?

• Чь ԝе али тә бькә ԝәки нета әʹмьре тә һәбә?

ҺЕ ЗЕДӘ ПЕБЬҺʹӘСӘ

Пебьһʹәсә кӧ чьрʹа әм дькарьн баԝәр бьн, ԝәки бахче Едене бь рʹасти һәбуйә.

«Гәло бь Рʹасти Бахче Едене Һәбу?» («Бьрща Ԛәрәԝьлийе», 1 Чьләйе, 2011)

Пебьһʹәсә кӧ чьрʹа әм дькарьн баԝәр бьн, ԝәки әʹрд ԝе һʹәта-һʹәтайе һәбә.

«Гәло Әʹрд ԝе Бе Ԝеранкьрьне?» (Готара жь малпәре)

Пебьһʹәсә кӧ ча әм дькарьн пе аликʹарийа Кʹьтеба Пироз нета әʹмьр бьвиньн.

«Гәло Нета Жийине Чь йә?» (Готара жь малпәре)

Пебьһʹәсә кӧ ча мерәк дьфькьри, ԝәки әԝ һʹәму алийада бәхтәԝар ә, ле бь рʹасти ӧса нибу.

«Ньһа Нета Жийина Мьн Һәйә» (3:55)

2. Кʹе ԝе тʹәви Иса сәрԝертийе бькә?

Иса тʹәне сәрԝертийе накә. Ԝе мәрьвед жь «һәр бәрәке, жь һәр зьмани, жь һәр щьмәʹте у жь һәр мьләти . . . ль сәр дьнйайе пʹадшатийе бькьн» (Әʹйанти 5:9, 10). Йед кӧ тʹәви Иса сәрԝертийе бькьн, ԝе чьԛас бьн? Чахе Иса сәр әʹрде бу, һьнгеда бь милйона мәрьв бунә пәйчуйед ԝи. Ле тʹәне 144 000 мәрьв ԝе сәр әʹзмана тʹәви Иса сәрԝертийе бькьн (Бьхунә Әʹйанти 14:1-4.) Ле һʹәму Мәсиһийед сәр әʹрде, ԝе бьн ве Пʹадшатийеда бьн (Зәбур 37:29).

Пʹадшатийа Хԝәде ньһа сәрԝертийе дькә. Ԝе зутьрәке сәр әʹрде гӧһастьнед мәзьн бькә. Ԝәрен әм шеԝьр кьн һьнә жь ԝан тьштед баш, чь кӧ Пʹадшатийа Хԝәде ԝе бона кʹара мә бинә сери.

1. Пʹадшатийа Хԝәде ԝе ча диса әʹдьлайе у рʹастийе бинә сәр әʹрде?

Иса ча Пʹадше Пʹадшатийа Хԝәде ԝе шәрʹе Һармәгәдонеда мәрьвед зӧлм у сәрԝертийа ԝан кʹӧта кә (Әʹйанти 16:14, 16). Һьнге әԝ пʹехәмбәртийа Кʹьтеба Пироз ԝе бь тʹәмами бе сери: «Бәле һьнәки шунда нәпʹаке бәтавәбә, те ль щийе ԝи бьгәрʹи у ԝи нәбини» (Зәбур 37:10). Иса ԝе бь сайа Пʹадшатийе әʹдьлайе бинә сәр әʹрде. Ԝәʹде сәрԝертийа ԝи, тʹӧ кәс ԝе жь бо нәрʹастийе нәчәрчьрә (Бьхунә Ишайа 11:4.)

2. Чахе нета Хԝәде дәрһәԛа әʹрде бе сәри, әʹмьр ԝе чаԝа бә?

Бьн рʹебәрийа Пʹадшатийа Хԝәде «рʹасте ль әʹрде ԝар бьн у һәр-һәйе ԝе сәр бьжин» (Зәбур 37:29). Бьдә бәр чʹәʹве хԝә, тӧ дьнйакә ӧсада ни, кʹидәре тʹәне мәрьвед рʹаст дьжин, у әԝана нә кӧ тʹәне Йаһоԝа һʹьз дькьн, ле ӧса жи һәвдӧ! Тʹӧ кәс ԝе нәхԝәш нәкʹәвә у һʹәму мәрьв ԝе һʹәта-һʹәтайе бьжин.

3. Пʹадшатийа Хԝәде ԝе чь бинә сери, гава мәрьвед зӧлм бенә кʹӧтакьрьне?

Чахе мәрьвед зӧлм бенә кʹӧтакьрьне, һьнге Иса ча Пʹадша ԝе 1 000 сали сәрԝертийе бькә. Нава ԝи ԝәʹдәйида Иса у 144 000 йед кӧ тʹәви ԝи сәрԝертийе бькьн, ԝе али мәрьва бькьн кӧ жь гӧнә аза бьн у бьбьнә беԛьсур. Хьлазийа 1 000 сали әʹрд ԝе бь тʹәмами бьбә щьнәт у мәрьв бәхтәԝар бьн, чьмки ԝе тʹәмийед Йаһоԝа биньн сери. Ԝи чахи Иса ԝе сәрԝертийе диса бьдә дәсте Баве хԝә Йаһоԝа. Һьнге наве Йаһоԝа ԝе бь тʹәмами «пироз бә» (Мәтта 6:9, 10). Ԝе бе избаткьрьне кӧ Йаһоԝа йә Сәрԝере лапи баш. Йаһоԝа ԝе Мире-щьна, щьнед ԝи у һʹәмуйед кӧ мьԛабьли сәрԝертийа Ԝи рʹабьн, кʹӧта кә (Әʹйанти 20:7-10). Әԝ әʹмьре хԝәш у беԛьсур ԝе һʹәта-һʹәтайе бәрдәԝам бә.

КʹУР ЛЕКОЛИН КӘ

4. Пʹадшатийа Хԝәде ԝе сәрԝертийед мәрьва бьдә һьлдане

«Сәрԝертийа зьламәки, ль сәр йәки дьн, бь хәсара [зийана] ԝи йә» (Ԝаиз 8:9). Бь сайа Пʹадшатийа хԝә, Йаһоԝа ԝе нәрʹастийе бьдә һьлдане.

Бьхунә Данийел 2:44 у 2 Тʹесалоники 1:6-8, у паше ван пьрса шеԝьр кә:

• Йаһоԝа у Кӧрʹе ԝи Иса ԝе чь биньн сәре сәрԝертийед мәрьва у йед кӧ пьштгьрийа ԝан сәрԝертийа дькьн?

• Әԝ йәк чь кӧ тӧ дәрһәԛа Йаһоԝа у Иса пеһʹәсийайи, ча тә дьдә баԝәркьрьне, ԝәки әԝана ԝе һʹәму тьшти бь һәԛи бькьн?

5. Иса Пʹадше һәри баш ә

Иса, Пʹадше Пʹадшатийа Хԝәде, ԝе бона кʹара мәрьва гәләк тьшт бькә. Вехә ВИДЕО у дина хԝә бьде, Иса ча да кʹьфше, ԝәки һьм хԝәстьна ԝи һәйә у һьм жи ԛәԝата ԝи жь Хԝәде һәйә, кӧ али мәрьва бькә.

ВИДЕО: «Иса да Кʹьфше кӧ Пʹадшатийа Хԝәде Ԝе Чь Бькә» (1:13)

Чахе Иса сәр әʹрде бу әԝи пе кьред хԝә да кʹьфше, кӧ Пʹадшатийа Хԝәде ԝе чь бькә. Тӧ жь ԝан кʹәрәмәтед кӧ вьра ньвисар ьн, дьһа зәʹф һивийа кʹижане йи кӧ бе сери? Бьхунә ван рʹезед кӧ жере ньвисар ьн, кʹижан кӧ ван кʹәрәмәтава гьредайи нә.

6. Пʹадшатийа Хԝәде ԝе ахьрикә пʹьрʹ баш у һʹәԝас бинә

ВИДЕО: «Ахьрикә Пʹьрʹ Баш у Һʹәԝас» (4:38)

Бьхунә Зәбур 145:16, у әве пьрсе шеԝьр кә:

• Тӧ ча хԝә тʹәхмин дьки кӧ зани, ԝәки Йаһоԝа ԝе «һʹәму бинбәри гора дьле ԝан» рʹази кә?

ТʹӘМАМКЬРЬН

Пʹадшатийа Хԝәде ԝе нета Ԝи бинә сери. Әԝ ԝе тʹәмамийа әʹрде бькә щьнәт, у сәр әʹрде ԝе тʹәне мәрьвед ԛәнщ бьжин у һʹәта-һʹәтайе Йаһоԝарʹа хьзмәт кьн.

Ԝәкʹьландьн

• Пʹадшатийа Хԝәде ԝе ча наве Йаһоԝа пироз кә?

• Чьрʹа әм дькарьн баԝәр бьн, ԝәки Пʹадшатийа Хԝәде ԝе созед кӧ Кʹьтеба Пирозда ньвисар ьн, бинә сери?

• Тӧ жь созед Хԝәде дьһа зәʹф һивийа кʹижане йи?

ҺЕ ЗЕДӘ ПЕБЬҺʹӘСӘ

Пебьһʹәсә чь те һʹәсабе Һармәгәдон.

«Һармәгәдон Чь йә?» (Готара жь малпәре)

Пебьһʹәсә кӧ чь ԝе бьԛәԝьмә ԝәʹде «тәнгасийа мәзьн», бәʹса кʹижани Иса кьрьбу (Мәтта 24:21)

«Тәнгасийа Мәзьн Чь йә?» (Готара жь малпәре)

Бьньһерʹә кӧ малбәт ча әʹмьре щьнәтеда дьдә бәр чʹәʹве хԝә.

«Бьдә Бәр Чʹәʹве хԝә, ԝәки Тӧ Дьнйа Тʹәзәда ни» (1:50)

Готареда, наве кʹижане йә «Гәләк Пьрсед Мьн Һәбун», пебьһʹәсә кӧ ча мерькәки кӧ мьԛабьли политикайе бу, щабед ԝан пьрса дит, жь бо кʹижана дьлтәнг дьбу.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Чьләйе, 2012)