• Тӧ Дькари Бьби Досте Йаһоԝа
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 3. Йаһоԝа дьхԝазә әм чь бькьн ԝәки бьбьн достед ԝи?

      Йаһоԝа һʹәму мәрьва һʹьз дькә, ле «Әԝ һәвале сьтԛе дьле рʹаст ә» (Мәтʹәлок 3:32). Йаһоԝа һивийе йә ԝәки достед ԝи чьԛас дькарьн ԝан тьшта бькьн, чь кӧ бәр чʹәʹве ԝи рʹаст ьн, у хԝә жь тьштед хьраб дур бьгьрьн. Һьнә мәрьв дьфькьрьн кӧ ԝе тʹӧ щар нькарьбьн һʹәму алийада ль гора хԝәстьна Йаһоԝа бьжин у тʹӧ хьрабийе нәкьн. Ле Йаһоԝа рʹәʹм ә у Әԝ ԝан һʹәмуйа ԛәбул дькә, йед кӧ һʹәму тьшти дькьн ԝәки дьле Ԝи ша кьн (Зәбур 147:11; Кʹаред Шандийа 10:34, 35).

  • Һʹәму Алийада Рʹаст у Һʹәлал бә
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • Һʹәму Алийада Рʹаст у Һʹәлал бә

      Һʹәму мәрьв дьхԝазьн ԝәки һәвалед ԝан дьлтʹәмьз у һʹәлал бьн. Йаһоԝа жи дьхԝазә ԝәки достед ԝи ӧса бьн. Ле әԝ йәк һеса нинә, чьмки әм дьнйакә ӧсада дьжин, кʹидәре гәләк мәрьв дьлтʹәмьз ниньн. Чахе мәрьв һʹәму алийада һʹәлал ә, әв йәк чь кʹаре тинә?

      1. Мәʹнийа лапә фәрз кӧ гәрәке һʹәлал бьн, чь йә?

      Чахе әм һьндава мәрьвада һʹәлал ьн, әм Йаһоԝарʹа дьдьнә кʹьфше кӧ әм ԝи һʹьз дькьн у ԛәдьре ԝи дьгьрьн. Бьфькьрә дәрһәԛа ве йәке, кӧ Йаһоԝа занә әм чь дьфькьрьн у чь дькьн (Ибрани 4:13). Чахе әм сәр хԝә дьхәбьтьн ԝәки һʹәлал бьн, Әԝ ве йәке дьвинә у дьле ԝи ша дьбә. Хәбәра ԝида те готьне: «Мәрьве ԛәлп, ль бәр чʹәʹве Хӧдан зьвер ә, ле бәле Әԝ һәвале сьтԛе дьле рʹаст ә» (Мәтʹәлок 3:32).

      2. Әм ча дькарьн жийина хԝәйә һәррʹожида рʹаст у һʹәлал бьн?

      Йаһоԝа дьхԝазә ԝәки әм һәвдӧрʹа «рʹастийе бежьн» (Зәкәрйа 8:16, 17). Әв йәк чь те һʹәсабе? Чахе әм тʹәви нәфәр, һәвалкʹар, баԝәрмәндед хԝә у мәрьвед дәԝләте хәбәр дьдьн, әм дәрәԝа накьн у информасийа нәрʹаст надьн. Мәрьвед дьлсах у һʹәлал дьзийе накьн у мәрьва нахапиньн (Бьхунә Мәтʹәлок 24:28 у Әфәси 4:28.) Әԝана ӧса жи һʹәму хәрщед дәԝләте дьдьн (Рʹомайи 13:5-7). Бь ԝи щурʹәйи әԝана «һәр тьшти рʹаст» дькьн (Ибрани 13:18).

      3. Һʹәлали чь кʹаре тинә?

      Һәрге мә нас дькьн ча мәрьве рʹаст у һʹәлал, һьнге мәрьв итʹбарийа хԝә мә тиньн. Бь сайа һʹәлалийе щьватеда жи әме хԝә хԝәйкьри тʹәхмин кьн, чаԝа малбәтеда, йа кӧ бь һʹьзкьрьне тʹьжә йә. У ӧса әме шабуне бьстиньн, чьмки исафа мә ԝе тʹәмьз бә. Һәрге әм һʹәлал у дьлсах бьн, әме һинкьрьнед дәрһәԛа «Хьлазкьре мә Хԝәде, һәр алийава бьхәмьлиньн» (Тито 2:10).

      КʹУР ЛЕКОЛИН КӘ

      Пебьһʹәсә кӧ һʹәлалийа мә ча һьм сәр мә, һьм жи сәр һәләԛәтийа мә тʹәви Йаһоԝа һʹӧкӧм дьбә, у бьвинә тӧ ча дькари щурʹә-щурʹә дәрәщада һʹәлал би.

      4. Һʹәлали дьле Йаһоԝа ша дькә

      Бьхунә Зәбур 44:21 у Малахи 3:16, у паше ван пьрса шеԝьр кә:

      • Чьрʹа тӧ дьфькьри ԝәки нәрʹаст ә дәрәԝийе вәшерьн?

      • Йаһоԝа ча дьньһерʹә сәр ве йәке, чахе тӧ һʹәлалийе дьди кʹьфше һьнге жи, гава тәрʹа чәтьн ә?

      Зарʹ тʹәви баве хԝә хәбәр дьдә, кʹижан кӧ ԛәрәфиска рʹуньштийә у гӧһ дьде. Ава емиш кʹаседа, сәр сьфьре рʹьжийайә.

      Чахе зарʹ һʹәлал хәбәр дьдьн, демәк дәрәԝа накьн, әԝана дьле де-баве хԝә ша дькьн. Ле чахе әм һʹәлал хәбәр дьдьн, әм дьле Йаһоԝа ша дькьн

      5. Тʹьме һʹәлал бә

      Гәләк мәрьв дьфькьрьн, ԝәки щарна найе стандьне кӧ рʹаст у һʹәлал бьн. Пебьһʹәсә, кӧ чьрʹа әм гәрәке тʹьме һʹәлал бьн. Вехә ВИДЕО.

      ВИДЕО: «Чь Дькарә Шабуне Пешда Бинә?; Исафа Тʹәмьз» (2:32)

      Шькьл жь видеойе «Чь Дькарә Шабуне Пешда Бинә?; Исафа Тʹәмьз». Бед бь һʹәлали мәзьне хәбатерʹа дьбежә, кӧ әԝи тьштәки бьһа хьраб кьрийә, әԝи у мәзьне хәбате дәсте хԝә кьрьнә дәсте һәв.

      Бьхунә Ибрани 13:18, у паше шеԝьр кә әм ча дькарьн һʹәлал бьн . . .

      • тʹәви нәфәред хԝә

      • тʹәви һәвалкʹаред хԝә йан мәкʹтәбеда

      • дәрәщед дьнда

      6. Һʹәлали мәрʹа кʹаре тинә

      Дьԛәԝьмә пешийе ӧса бе кʹьфше, кӧ һәрге һʹәлал бьн, проблем ԝе пешда бен. Ле бь рʹасти, йа лапә баш әԝ ә, кӧ тӧ һʹәлал би. Бьхунә Зәбур 34:12-16, у паше әве пьрсе шеԝьр кә:

      • Һʹәлали ча дькарә әʹмьре тә һе баш кә?

      А. Жьн-мер тʹәви һәв ԛаԝәйе вәдьхԝьн у һәврʹа хәбәр дьдьн. Б. Хәбатчи жь мәзьне хәбата хԝә, пʹайа дьстинә. Щ. Мерьк автеда рʹуньштийә у документед хԝә полисрʹа нишан дькә.

      1. А. Чахе жьн-мер һәврʹа һʹәлал ьн, зәԝаща ԝан ԛәԝи дьбә

      2. Б. Чахе хәбатчи бь һʹәлали шьхӧле хԝә дькә, мәзьне хәбате итʹбарийа хԝә ԝи тинә

      3. Щ. Бьнәлийед һʹәлал бәр мәрьвед дәԝләте наве баш ԛазанщ дькьн

      ҺЬНӘ МӘРЬВ ДЬБЕЖЬН: «Һьнә дәрәԝ ӧса бьчʹук ьн, кӧ тьштәки хьраб ве йәкеда тʹӧнә.»

      • Тӧ чьрʹа баԝәр дьки, ԝәки Йаһоԝа һʹәму щурʹә дәрәԝа нәфрʹәт дькә?

      ТʹӘМАМКЬРЬН

      Йаһоԝа дьхԝазә, ԝәки достед ԝи һʹәму готьн у кьред хԝәда һʹәлал бьн.

      Ԝәкʹьландьн

      • Чьда тӧ дькари һʹәлалийе бьди кʹьфше?

      • Чьрʹа нәрʹаст ә бьфькьрьн, кӧ әм дькарьн рʹастийе вәшерьн?

      • Тӧ чьрʹа дьхԝази тʹьме һʹәлал би?

      Нет

      ҺЕ ЗЕДӘ ПЕБЬҺʹӘСӘ

      Де-бав ча дькарьн зарʹед хԝә һин кьн, ԝәки әԝана һʹәлал бьн?

      «Йәки Рʹаст бә» (1:44)

      Әм чь кʹаре дьстиньн чахе созед хԝә тиньн сери?

      «Хԝәйе Созе Хԝә бә у Кʹәрәма Бьстинә» (9:09)

      Пебьһʹәсә кӧ чьрʹа әм гәрәке хәрщед дәԝләте бьдьн, һәрге жи әԝ пʹәрә бона тьштед ӧса тенә хәрщкьрьне, кʹижан кӧ Хԝәде ԛәбул накә.

      «Лазьм ә Хәрще Дәԝләте Бьдьн?» («Бьрща Ԛәрәԝьлийе», 1 Илоне, 2011)

      Чь мәрьвәки һелан кьр, ԝәки әʹмьре хԝә бьгӧһезә у бьбә йәки һʹәлал?

      «Әз Пеһʹәсийам ԝәки Йаһоԝа Мәрʹд ә у Дьбахшинә» («Бьрща Ԛәрәԝьлийе», 1 Гӧлане, 2015)

  • Бь Билани Хԝәрʹа Һәвала Бьжберә
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 2. Гәло бона Йаһоԝа йәкә кӧ әм һәвалед ча хԝәрʹа дьжберьн?

      Йаһоԝа бьжартьна һәвалада фәсал ә. «Әԝ һәвале сьтԛе дьле рʹаст ә» (Мәтʹәлок 3:32). Гәло Йаһоԝа ԝе чь сәр хԝә тʹәхмин кә, һәрге әм һәвалед ӧса хԝәрʹа бьжберьн, йед кӧ ԝи һʹьз накьн? Әԝе гәләк дьлтәнг бә! (Бьхунә Аԛуб 4:4.) Ле һәрге әм тʹәрка һәвалтийа хьраб бьдьн, хԝә незики Йаһоԝа у ԝан мәрийа бьгьрьн, йед кӧ ԝи һʹьз дькьн, һьнге ԝе дьле ԝи ша бә у әԝе мә бькә достед хԝә (Зәбур 15:1-4).