Бәле, һинбуна Кʹьтеба Пироз кʹаре тинә, ле щарна дькарә нәһеса бә һинбуне бәрдәԝам кьн. Щарна дьбәкә тӧ дӧдьли дьби кӧ тӧйе бькарьби һинбуне бәрдәԝам ки йан на. Чьрʹа һежа йә ԛәԝате бьди хәбате, ԝәки бәрдәԝам ки? Чь дькарә али тә бькә кӧ ԝәʹде чәтьнайа жи тәйах ки?

1. Чьрʹа һинбуна Кʹьтеба Пироз ԛимәт ә?

«Хәбәра Хԝәде сах у зор ә» (Ибрани 4:12). Хәбәра Хԝәде ԛимәт ә, чьмки әԝ әʹйан дькә фькьр у һәстед Хԝәде һьндава тәда. Әԝ һьм жи али тә дькә, ԝәки нә тʹәне занәбуне ԛазанщ ки, ле ӧса жи биланийе у һевийе. Ле йа лапә фәрз әԝ ә, кӧ Кʹьтеба Пироз али тә дькә бьби досте Йаһоԝа. Гава тӧ Кʹьтеба Пироз һин дьби, ӧса тӧ дьһели, ԝәки әԝ сәр әʹмьре тә һʹӧкӧм бә у жийина тә дьһа баш кә.

2. Чьрʹа фәрз ә фәʹм бькьн, ԝәки рʹастийа Кʹьтеба Пироз чьԛас ԛимәт ә?

Рʹастийа Кʹьтеба Пироз мина хьзне йә. Ләма жи Кʹьтеба Пироз ӧса һелан дькә растийе «бькʹьрʹә» у тʹӧ щар «нәфьрошә» (Мәтәлок 23:23). Чахе әм рʹастийа Кʹьтеба Пироз фәʹм дькьн, әм һʹәму тьшти дькьн, ԝәки һинбуне бәрдәԝам кьн, һәла һе һьнге жи, гава дькʹәвьнә нава чәтьнайа (Бьхунә Мәтʹәлок 2:4, 5.)

3. Йаһоԝа ча дькарә али тә бькә, ԝәки һинбуне бәрдәԝам ки?

Йаһоԝа чаԝа Хԝәдейи Һьмзор у Досте тә, дьхԝазә али тә бькә, ԝәки тӧ дәрһәԛа ԝи пебьһʹәси. Әԝ бона ԝе йәке дькарә хԝәстьн у ԛәԝате бьдә тә (Бьхунә Филипи 2:13.) Һәрге тәрʹа дьһа зедә һеланкьрьн лазьм ә, сәва кӧ һин би у чь кӧ педьһʹәси әʹмьре хԝәда бьди хәбате, Хԝәде дькарә али тә бькә. Һәрге тәрʹа дьһа зедә ԛәԝат жи лазьм ә сәва кӧ бәр чәтьнайа у пәйкʹәтьна тәйах ки, әԝ диса жи дькарә али тә бькә. Һәр гав Йаһоԝарʹа дӧа бькә кӧ әԝ али тә бькә, ԝәки һинбуна Кʹьтеба Пироз бәрдәԝам ки (1 Тʹесалоники 5:17).

КʹУР ЛЕКОЛИН КӘ

4. Бьра һинбуна Кʹьтеба Пироз бона тә сәр щийе пешьн бә

Щарна әм ӧса баргьран дьбьн, ԝәки дькарә мәрʹа ӧса бе кʹьфше кӧ ԝәʹде мә бона һинбуна Кʹьтеба Пироз тʹӧнә. Бона ԝе йәке чь дькарә али тә бькә? Бьхунә Филипи 1:10, у паше ван пьрса шеԝьр кә:

• Ча тӧ дьфькьри, әʹмьре мәда кʹижан һьнә тьшт «һәрә ԛәнщ» ьн?

• Тӧ ча дькари һинбуна Кʹьтеба Пироз дайни сәр щийе пешьн?

1. А. Һәрге тӧ пешийе ԛуме бьки дәрдане, паше кәвьра бькейи, кәвьр ԝе щи нәбьн

2. Б. Һәрге тӧ пешийе кәвьра бьки дәрдане, паше ԛуме бькейи, ԝе епʹещә ԛум теда щи бә. Хут ӧса, һәрге тӧ тьштед «һәрә ԛәнщ» дайни щийе пешийе, тӧйе бькарьби ԝан тьштед фәрз бини сери у ԝәʹде тә ԝе бона тьштед дьн жи бьминә

Һинбуна Кʹьтеба Пироз һʹәԝще мәйи рʹӧһʹани рʹази дькә, демәк һʹәԝщәтийа ве йәке, кӧ дәрһәԛа Хԝәде бьзаньбьн у ԝирʹа хьзмәт кьн. Бьхунә Мәтта 5:3, у паше әве пьрсе шеԝьр кә:

• Әм чь кʹаре дьстиньн гава һинбуна Кʹьтеба Пироз датиньн сәр щийе пешьн?

5. Бәр пәйкʹәтьне тәйах кә

ВИДЕО: «Һатә Кʹәрәмкьрьне Чьмки Ԛәԝи Сәкьни» (5:22)

• Ве видеойеда һәвалед Франческо у малбәта ԝи ча хԝә данә кʹьфше гава әԝи ԝанрʹа гот, кӧ әԝ чь һин дьбә?

• Әԝи чь кʹәрәм станд сәва ԝе йәке, кӧ һинбун нәда сәкьнандьне?

Бьхунә 2 Тимотʹейо 2:24, 25, у паше ван пьрса шеԝьр кә:

• Малбәт у һәвалед тә ча дьньһерʹьн сәр ԝе йәке, чь кӧ тӧ һин дьби?

• Ль гора ԝан рʹеза тӧ ча гәрәке хԝә бьди кʹьфше, гава кәсәк нәрʹази йә, кӧ тӧ Кʹьтеба Пироз һин дьби? Чьрʹа?

6. Баԝәр бә кӧ Йаһоԝа ԝе али тә бькә

ВИДЕО: «Йаһоԝа Али Мә Дькә кӧ Гӧһастьна Бькьн» (3:56)

• Ве видеойеда, Щим кʹижан гӧһастьн кьрьн, сәва кӧ дьле Йаһоԝа ша кә?

• Мәсәла Щимда чь тә хԝәш те?

Бьхунә Ибрани 11:6, у паше ван пьрса шеԝьр кә:

• Йаһоԝа ԝе чь бькә бона ԝан, «кʹижан кӧ ль ԝи дьгәрʹьн», демәк йед кӧ алийе хԝәда һʹәму тьшти дькьн ԝәки дьле ԝи ша кьн?

• Әԝ йәк кӧ Йаһоԝа ча дьньһерʹә сәр ԝан мәрийа, кʹижан кӧ һʹәму тьшти дькьн, ԝәки Кʹьтеба Пироз һин бьн, чь дәрһәԛа ԝи тәрʹа әʹйан дькә?

ТʹӘМАМКЬРЬН

Рʹаст ә щара һеса нинә Кʹьтеба Пироз һин би, ле әԝ һинбун дькарә али тә бькә, ԝәки жийинерʹа һʹәта-һʹәтайе ша би. Бәрдәԝам кә итʹбарийа хԝә Йаһоԝа бинә у әԝ ԝе тә хәлат кә.

Ԝәкʹьландьн

• Чьрʹа рʹастийа Кʹьтеба Пироз бона тә ԛимәт ә?

• Тӧ ча дькари баԝәр би кӧ чь «һәрә ԛәнщ ә»?

• Чьрʹа гәрәке Йаһоԝарʹа дӧа ки, ԝәки али тә бькә кӧ һинбуна Кʹьтеба Пироз бәрдәԝам ки?

ҺЕ ЗЕДӘ ПЕБЬҺʹӘСӘ

Чар метода шеԝьр кьн, кʹижана али гәләк мәрьва кьрьн кӧ ԝәʹде хԝә бь билани хәрщ кьн.

«Чаԝа Ԝәʹде Хԝә бь Билани Хәрщ кьн?» («Һʹьшйар Бьн!» Сьбат, 2014)

Дина хԝә бьде, кӧ Йаһоԝа ча али жьнькәке кьр, мере кʹижане фәʹм нәдькьр, кӧ әԝ чьрʹа Йаһоԝарʹа хьзмәт дькә.

«Тʹәви Йаһоԝа Әме Бькарьбьн Баре Хԝә Бькʹьшиньн» (5:05)

Дина хԝә бьде кӧ мерькәки чь кʹар станд жь бо ԝе йәке, кӧ жьна ԝи ԛәԝи сәкьни бу.

«Мьн Рʹастийа Кʹьтеба Пироз Кʹур Леколин кьр» (6:30)

Щарна Шәʹдед Йаһоԝа нәһәԛ дькьн ԝе йәкеда, кӧ йан чь әԝана малбәта һьлдьшиньн. Ле әԝ йәк рʹаст ә?

«Гәло бь Рʹасти Шәʹдед Йаһоԝа, Малбәта Һьлдьшиньн?» (Готара жь малпәре)

Әм гьшк жи тʹьме сафикьрьна дькьн. Гәләк сафикьрьнед мә зәʹф һʹӧкӧм дьбьн һьм сәр мә, һьм жи сәр достийа мә тʹәви Йаһоԝа. Мәсәлә, әм сафи дькьн кӧ кʹидәре бьжин, ча әʹбура хԝә бькьн у бьзәԝьщьн йан на. Һәрге әм сафикьрьнед рʹаст бькьн, әме бәхтәԝар бьн у дьле Йаһоԝа ша кьн.

1. Кʹьтеба Пироз ча дькарә али тә бькә, ԝәки сафикьрьнед рʹаст бьки?

Пешийа кӧ тьштәки сафи ки, Йаһоԝарʹа дӧа кә, ԝәки али тә бькә у Кʹьтеба Пироз леколин кә, сәва бьзаньби ньһерʹандьна Йаһоԝа сәр ве дәрәще чь щурʹәйи йә (Бьхунә Мәтʹәлок 2:3-6.) Кʹьтеба Пирозда бона һьнә дәрәща рʹебәрийа рʹастә-рʹаст һәйә. Дәрәщед ӧсада сафикьрьна лапә баш ԝе әԝ бә, кӧ ԝан рʹебәрийа ԛәбул ки.

Ле тӧ чь гәрәке бьки, чахе Кʹьтеба Пирозда дәрһәԛа дәрәща тә, рʹебәрийа рʹастә-рʹаст тʹӧнә? Баԝәр бә кӧ Йаһоԝа ԝе дәрәщед ӧсада жи тә ве рʹерʹа бьвә, кʹижанерʹа тӧ гәрәке һәрʹи (Ишайа 48:17). Ле чь щурʹәйи? Тӧ дькари Кʹьтеба Пирозда ԝан принсипа бьвини, кʹижан кӧ ԝе али тә бькьн. Принсипед Кʹьтеба Пироз рʹастийед сәрәкә нә, кʹижан кӧ фькьр у һәстед Хԝәде әʹйан дькьн. Гәләк щар әм ньһерʹандьна Хԝәде һьндава һьнә дәрәща педьһʹәсьн, чахе Кʹьтеба Пироз дьхуньн. Занәбуна ԝе йәке кӧ Йаһоԝа ча дьньһерʹә сәр һьнә тьшта, али мә дькә сафикьрьнед рʹаст бькьн.

2. Пешийа кӧ сафикьрьна бьки, тӧ чь гәрәке һьлди һʹәсаб?

Кʹьтеба Пирозда те готьне: «Йе аԛьл дина хԝә дьдә гавед хԝә» (Мәтʹәлок 14:15). Демәк пешийа кӧ әм тьштәки сафи кьн, гәрәке ԝәʹдә бьвиньн, ԝәки дәрһәԛа ве йәке бьфькьрьн, у паше пьрсед ӧса бьдьнә хԝә: «Кʹижан принсипед Кʹьтеба Пироз әз гәрәке бьдьмә хәбате? Кʹижан сафикьрьн ԝе рʹьһʹәтийа дьл бьдә мьн? Сафикьрьна мьн ԝе ча сәр мәрьва һʹӧкӧм бә? У пьрса лапә фәрз әԝ ә, кӧ сафикьрьна мьн ԝе Хԝәде хԝәш бе йан на?» (Ԛануна Дӧщари 32:29).

Изьна Йаһоԝа һәйә сафи кә кӧ чь рʹаст ә у чь на. Чахе әм ԛанун у принсипед Йаһоԝа заньн у дьдьнә хәбате, ӧса әм исафа хԝә рʹаст һин дькьн. Исаф мәрʹа әʹйан дькә чь рʹаст ә у чь на (Рʹомайи 2:14, 15). Исафа һинкьри ԝе али мә бькә сафикьрьнед рʹаст бькьн.

КʹУР ЛЕКОЛИН КӘ

3. Бьра Кʹьтеба Пироз рʹебәрийе тә бькә

ВИДЕО: «Бьра Принсипед Кʹьтеба Пироз Рʹебәрийе Тә Бькьн» (5:54)

• Азайа бьжартьне чь йә?

• Йаһоԝа чьрʹа азайа бьжартьне дайә мә?

• Йаһоԝа чь дайә мә, ԝәки әм сафикьрьнед лапә баш бькьн?

Бьхунә Әфәси 5:15, 16 у принсипәкә Кʹьтеба Пироз бьвинә, кʹижан кӧ дәрһәԛа ве йәке йә, кӧ ԝәʹдә рʹаст хәрщ кьн. Паше бьфькьрә кӧ тӧ ча дькари ԝәʹде хԝә рʹаст хәрщ ки, ԝәки . . .

• тʹьме Кʹьтеба Пироз бьхуни

• жьн, мер, кӧрʹ, йан ԛизәкә баш би

• һәрʹи щьвате.

4. Исафа хԝә һин кә ԝәки сафикьрьнед рʹаст бьки

ВИДЕО: «Исафа хԝә Тʹәмьз Хԝәй кьн» (5:13)

• Ве видеойеда хушке чь кьр, ԝәки исафа хԝә һин кә, сәва сафикьрьна рʹаст бькә у дьле Йаһоԝа ша кә?

Щарна дьбәкә дьһа һеса бә, ԝәки кәсәки дьн дәԝса мә сафикьрьна бькә. Ле чьрʹа әв йәк ԝе нәрʹаст бә? Бьхунә Ибрани 5:14, у паше ван пьрса шеԝьр кә:

• Һәр кәс жь мә чь гәрәке хԝәха бькарьбә бькә?

• Чь дькарә али тә бькә, ԝәки исафа хԝә һин ки у сафикьрьнед рʹаст бьки?

5. Ԛәдьре исафа мәрьвед дьн бьгьрә

Сафикьрьнед мәрьва жь һәв щӧдә дьбьн. Ләма жи пьрс пешда те: Әм ча дькарьн һьндава исафа мәрьва ԛәдьр бьдьнә кʹьфше? Дӧ дәрәща шеԝьр кә:

Дәрәща 1: Хушкәк кʹижан кӧ һʹьз дькә хԝә гәләк бьхәмьлинә, дәрбази щьватәкә дьн дьбә, кʹидәре бона гәләк хушка хәмьландьна ӧса әʹщебмайи йә.

Бьхунә Рʹомайи 15:1 у 1 Корьнтʹи 10:23, 24, у паше ван пьрса шеԝьр кә:

• Ль гора ԝан рʹеза әв хушк гәрәке чь бькьра? Һәрге исафа кәсәки наһелә ԝан тьшта бькә чь кӧ исафа тә дьһелә, һьнге анәгори ван рʹеза тӧйе чь бьки?

Дәрәща 2: Бьра занә ԝәки Кʹьтеба Пирозда найе готьне, кӧ ԛә ичʹке вәнәхԝьн. Ле йәкә әԝ сафи дькә, ԝәки ԛә ичʹке вәнәхԝә. Ԝи тʹәглиф дькьн тʹәвайи ԝәʹдә дәрбаз кьн, у әԝ дьвинә кӧ бьра ичʹке вәдьхԝьн.

Бьхунә Ԝаиз 7:16 у Рʹомайи 14:1, 10, у паше ван пьрса шеԝьр кә:

• Ль гора ԝан рʹеза әв бьра гәрәке чь бькьра? Һәрге исафа тә наһелә ԝан тьшта бьки чь кӧ исафа мәрьвед дьн дьһелә, һьнге анәгори ван рʹеза тӧйе чь бьки?

Ча сафикьрьнед рʹаст бькьн?

1. Жь Йаһоԝа һиви кә, ԝәки али тә бькә сафикьрьна рʹаст бьки (Аԛуб 1:5).

2. Кʹьтеба Пироз у әʹдәбйәта леколин кә, ԝәки ԝан принсипа бьвини, кʹижан кӧ тәрʹа лазьм ьн. Тӧ ӧса жи дькари жь Мәсиһийед щерʹьбанди ширәта һьлди.

3. Бьфькьрә кӧ сафикьрьна тә ԝе ча һьм сәр исафа тә, һьм жи сәр исафа мәрьвед дьн һʹӧкӧм бә.

ТʹӘМАМКЬРЬН

Сәва кӧ сафикьрьна рʹаст бькьн, әм гәрәке ньһерʹандьна Йаһоԝа пебьһʹәсьн у ӧса жи бьфькьрьн, кӧ ча әв сафикьрьна мә ԝе сәр мәрьва һʹӧкӧм бә.

Ԝәкʹьландьн

• Тӧ ча дькари сафикьрьнед ӧса бьки, кʹижан кӧ ԝе дьле Йаһоԝа ша кьн?

• Тӧ ча дькари исафа хԝә һин ки?

• Тӧ ча дькари һьндава исафа мәрьва ԛәдьр бьди кʹьфше?

ҺЕ ЗЕДӘ ПЕБЬҺʹӘСӘ

Тӧ ча дькари сафикьрьнед ӧса бьки, кӧ достийа тә тʹәви Йаһоԝа ԛәԝи бә?

«Пе Сафикьрьнед Хԝә Хԝәде Рʹумәт кә» («Бьрща Ԛәрәԝьлийе», 15 Нисане, 2011)

Һе зедә пебьһʹәсә кӧ Йаһоԝа ча ширәта дьдә мә.

«Йаһоԝа Рʹебәрийе Щьмәʹта Хԝә Дькә» (9:50)

Пебьһʹәсә кӧ чь али мәрьвәки кьр, ԝәки пьрсәкә чәтьн сафи кә.

«Йаһоԝа Һʹәму Тьштед Һәри Ԛәнщ Мәрʹа Соз Дьдә» (5:46)

Пебьһʹәсә тӧ ча дькари дьле Йаһоԝа һьнге жи ша ки, чахе Кʹьтеба Пирозда бона дәрәща тә рʹебәрийа рʹастә-рʹаст тʹӧнә.

«Тӧ Һʹәму Дәрәщада Һʹәԝще Рʹебәрийа Кʹьтеба Пироз и?» («Бьрща Ԛәрәԝьлийе», 1 Кануна Пешьн, 2003)