• Ча Сафикьрьнед Рʹаст Бькьн
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 5. Ԛәдьре исафа мәрьвед дьн бьгьрә

      Сафикьрьнед мәрьва жь һәв щӧдә дьбьн. Ләма жи пьрс пешда те: Әм ча дькарьн һьндава исафа мәрьва ԛәдьр бьдьнә кʹьфше? Дӧ дәрәща шеԝьр кә:

      Дәрәща 1: Хушкәк кʹижан кӧ һʹьз дькә хԝә гәләк бьхәмьлинә, дәрбази щьватәкә дьн дьбә, кʹидәре бона гәләк хушка хәмьландьна ӧса әʹщебмайи йә.

      Бьхунә Рʹомайи 15:1 у 1 Корьнтʹи 10:23, 24, у паше ван пьрса шеԝьр кә:

      • Ль гора ԝан рʹеза әв хушк гәрәке чь бькьра? Һәрге исафа кәсәки наһелә ԝан тьшта бькә чь кӧ исафа тә дьһелә, һьнге анәгори ван рʹеза тӧйе чь бьки?

      Дәрәща 2: Бьра занә ԝәки Кʹьтеба Пирозда найе готьне, кӧ ԛә ичʹке вәнәхԝьн. Ле йәкә әԝ сафи дькә, ԝәки ԛә ичʹке вәнәхԝә. Ԝи тʹәглиф дькьн тʹәвайи ԝәʹдә дәрбаз кьн, у әԝ дьвинә кӧ бьра ичʹке вәдьхԝьн.

      Бьхунә Ԝаиз 7:16 у Рʹомайи 14:1, 10, у паше ван пьрса шеԝьр кә:

      • Ль гора ԝан рʹеза әв бьра гәрәке чь бькьра? Һәрге исафа тә наһелә ԝан тьшта бьки чь кӧ исафа мәрьвед дьн дьһелә, һьнге анәгори ван рʹеза тӧйе чь бьки?

      Ча сафикьрьнед рʹаст бькьн?

      Жьньк дӧа дькә.

      1. Жь Йаһоԝа һиви кә, ԝәки али тә бькә сафикьрьна рʹаст бьки (Аԛуб 1:5).

      Әв жьньк бь аликʹарийа Кʹьтеба Пироз у әʹдәбйәтед сәр һʹиме Кʹьтеба Пироз леколина дькә.

      2. Кʹьтеба Пироз у әʹдәбйәта леколин кә, ԝәки ԝан принсипа бьвини, кʹижан кӧ тәрʹа лазьм ьн. Тӧ ӧса жи дькари жь Мәсиһийед щерʹьбанди ширәта һьлди.

      Жьньк дьфькьрә.

      3. Бьфькьрә кӧ сафикьрьна тә ԝе ча һьм сәр исафа тә, һьм жи сәр исафа мәрьвед дьн һʹӧкӧм бә.