5. Йаһоԝа жь достед хԝә һивийа чь йә?

Тʹәбийәти йә кӧ әм һивийе нә, ԝәки һәвалед мә һьнә тьшт бькьн.

• Тӧ дьхԝази кӧ һәвалед тә бона тә кʹижан һьнә тьшта бькьн?

Бьхунә 1 Йуһʹәнна 5:3, у паше әве пьрсе шеԝьр кә:

• Йаһоԝа жь достед хԝә һивийа чь йә?

Сәва кӧ гӧрʹа Йаһоԝа бькьн, дьбәкә мәрʹа лазьм бә хԝә у рʹабун-рʹуньштьна хԝә бьгӧһезьн. Бьхунә Ишайа 48:17, 18, у паше әве пьрсе шеԝьр кә:

• Чьрʹа Йаһоԝа дьхԝазә кӧ достед ԝи гӧһастьна бькьн?

Тӧ тʹәхмин дьки ԝәки ньһа һʹьзкьрьна тә һьндава Йаһоԝа һе зедә буйә, нә кӧ чахе тә тʹәзә һинбуна Кʹьтеба Пироз дәстпекьр? Тӧ дьхԝази һәләԛәтийа хԝә тʹәви ԝи һе ԛәԝи ки? Һәрге әре, бир нәкә, ԝәки һʹьзкьрьна тә һьндава Йаһоԝа чьԛас мәзьн дьбә, һаԛас һе зедә әԝ тә һʹьз дькә у бона тә хәм дькә. Ле тӧ ча дькари бьди кʹьфше, ԝәки ԝи һʹьз дьки?

1. Әм ча Йаһоԝарʹа дьдьнә кʹьфше ԝәки ԝи һʹьз дькьн?

Әм чахе гӧрʹа Йаһоԝа дькьн, ӧса әм дьдьнә кʹьфше кӧ ԝи һʹьз дькьн (Бьхунә 1 Йуһʹәнна 5:3.) Әԝ зоре тʹӧ кәси накә ԝәки гӧрʹа ԝи бькьн. Ле дәԝсе әԝ мәщале дьдә мә һʹәмуйа, кӧ хԝәха сафи кьн, гӧрʹа ԝи бькьн йан на. Чьрʹа? Йаһоԝа дьхԝазә ԝәки әм «бь дьл у щан гӧрʹа» ԝи бькьн (Рʹомайи 6:17). Демәк әԝ дьхԝазә ԝәки тӧ гӧрʹа ԝи бьки нә кӧ жь борщдарийе, ле жь һʹьзкьрьне. Ве кʹьтебеда пʹаред 3 у 4 ԝе али тә бькьн, ԝәки һʹьзкьрьна хԝә Йаһоԝарʹа ӧса бьди кʹьфше, кӧ ԝан тьшта бьки, чь кӧ ԝи хԝәш те, у нәфрʹәт ки ԝан тьшта, чь кӧ әԝ нәфрʹәт дькә.

2. Чьрʹа дькарә чәтьн бә һʹьзкьрьна хԝә һьндава Йаһоԝа бьдьнә кʹьфше?

«Тәнгасийед йе рʹаст гәләк ьн» (Зәбур 34:19). Һʹәму мәрьв дьчәрчьрьн, чьмки гӧнәкʹар ьн. Һьм жи әм рʹасти чәтьнайед економики, нәрʹастийе у проблемед дьн тен. Гава әм рʹасти тәнгасийа тен, дьбәкә мәрʹа чәтьн ә гӧрʹа Йаһоԝа бькьн. Чьрʹа? Чьмки дькарә дьһа һеса бә тьштед нәрʹаст бькьн. Ле чахе тӧ бь амьни ԝан тьшта дьки, чь кӧ Йаһоԝа дьхԝазә, ӧса тӧ дьди кʹьфше ԝәки тӧ Хԝәде жь һәр тьшти зедәтьр һʹьз дьки. Бь ве йәке тӧ избат дьки, ԝәки тӧ ԝирʹа амьн и. У Хԝәде жи ԝе алийе хԝәда тәрʹа амьн бьминә у ԝе тʹӧ щар тә нәһелә (Бьхунә Зәбур 4:3.)

4. Дьле Йаһоԝа ша кә

Бьхунә Мәтʹәлок 27:11, у паше әве пьрсе шеԝьр кә:

• Йаһоԝа чь сәр хԝә тʹәхмин дькә, чахе тӧ бь билани сафикьрьна дьки у гӧрʹа ԝида ни? Шьровәкә.

5. Тӧ дькари Йаһоԝарʹа амьн би

ВИДЕО: «Һәр Дәрәщада Баԝәрийа Хԝә Бьпарезьн» (5:09)

• Ԛә ӧса буйә кӧ тәрʹа чәтьн бә мәрьварʹа дәрһәԛа Йаһоԝа гьли ки?

• Ве видеойеда ча мә дит, чь али Грейсон кьр, ԝәки тьрса хԝә бьдә һьлдане?

Чахе әм ԝан тьшта һʹьз дькьн кʹижан кӧ Йаһоԝа хԝәш тен у ԝан тьшта нәфрʹәт дькьн кʹижана әԝ нәфрʹәт дькә, ӧса мәрʹа дьһа һеса йә Йаһоԝарʹа амьн бьминьн. Бьхунә Зәбур 97:10, у паше ван пьрса шеԝьр кә:

• Чаԝа кӧ тӧ пеһʹәсийайи, кʹижан ьн һьнә тьшт, кӧ Хԝәде һʹьз дькә? Ле кʹижан ьн һьнә тьшт, кӧ Хԝәде нәфрʹәт дькә?

• Тӧ ча дькари һин би тьштед баш һʹьз бьки, ле йед хьраб нәфрʹәт ки?

6. Әм кʹаре дьстиньн чахе гӧрʹа Йаһоԝа дькьн

Чахе әм гӧрʹа Йаһоԝа дькьн, әм тʹьме кʹарәкә лапә баш дьстиньн. Бьхунә Ишайа 48:17, 18, у паше әве пьрсе шеԝьр кә:

• Ча тӧ дьфькьри, әм дькарьн баԝәр бьн, кӧ Йаһоԝа тʹьме занә чь бона мә лапә баш ә? Шьровәкә.

• Һинбуна Кʹьтеба Пироз у занәбуна дәрһәԛа Йаһоԝа чь кʹар тәрʹа анинә?

ТʹӘМАМКЬРЬН

Тӧ дькари һʹьзкьрьна хԝә Йаһоԝарʹа бьди кʹьфше бь ԝе йәке, кӧ гӧрʹа ԝи бьки у чәтьнайада жи жерʹа амьн бьмини.

Ԝәкʹьландьн

• Тӧ жь дәрәща Ибо чь һин буйи?

• Тӧйе ча амьнийа хԝә Йаһоԝарʹа избат ки?

• Чь ԝе али тә бькә, ԝәки Йаһоԝарʹа амьн бьмини?

ҺЕ ЗЕДӘ ПЕБЬҺʹӘСӘ

Пебьһʹәсә кӧ ча тӧ дькари Йаһоԝарʹа у ӧса жи щьватерʹа амьн би.

«Тӧ Амьнарʹа Амьн и» (16:49)

Һе зедә пебьһʹәсә кӧ Мире-щьна чь бӧхдан авитә һʹәму мәрьва.

«Ибо беԛӧсуртийа хԝә, хԝәй дькә» («Кʹьтеба Пироз Чь Әʹлами Мә Дькә?» сәре 6)

Пебьһʹәсә кӧ ча щаһьл жи дькарьн һʹьзкьрьна хԝә Йаһоԝарʹа бьдьнә кʹьфше.

«Дьле Йаһоԝа Ша кә» (8:16)

Ча йе щаһьл дькарә бь амьни хԝә ль Йаһоԝа бьгьрә һьнге жи, гава кәсәк зоре ԝи дькә, кӧ тьштәки нәрʹаст бькә?

«Нәкʹәвә бьн Байе Һәвалтийа Хьраб!» (3:59)

Әм гьшк жи тʹьме сафикьрьна дькьн. Гәләк сафикьрьнед мә зәʹф һʹӧкӧм дьбьн һьм сәр мә, һьм жи сәр достийа мә тʹәви Йаһоԝа. Мәсәлә, әм сафи дькьн кӧ кʹидәре бьжин, ча әʹбура хԝә бькьн у бьзәԝьщьн йан на. Һәрге әм сафикьрьнед рʹаст бькьн, әме бәхтәԝар бьн у дьле Йаһоԝа ша кьн.

1. Кʹьтеба Пироз ча дькарә али тә бькә, ԝәки сафикьрьнед рʹаст бьки?

Пешийа кӧ тьштәки сафи ки, Йаһоԝарʹа дӧа кә, ԝәки али тә бькә у Кʹьтеба Пироз леколин кә, сәва бьзаньби ньһерʹандьна Йаһоԝа сәр ве дәрәще чь щурʹәйи йә (Бьхунә Мәтʹәлок 2:3-6.) Кʹьтеба Пирозда бона һьнә дәрәща рʹебәрийа рʹастә-рʹаст һәйә. Дәрәщед ӧсада сафикьрьна лапә баш ԝе әԝ бә, кӧ ԝан рʹебәрийа ԛәбул ки.

Ле тӧ чь гәрәке бьки, чахе Кʹьтеба Пирозда дәрһәԛа дәрәща тә, рʹебәрийа рʹастә-рʹаст тʹӧнә? Баԝәр бә кӧ Йаһоԝа ԝе дәрәщед ӧсада жи тә ве рʹерʹа бьвә, кʹижанерʹа тӧ гәрәке һәрʹи (Ишайа 48:17). Ле чь щурʹәйи? Тӧ дькари Кʹьтеба Пирозда ԝан принсипа бьвини, кʹижан кӧ ԝе али тә бькьн. Принсипед Кʹьтеба Пироз рʹастийед сәрәкә нә, кʹижан кӧ фькьр у һәстед Хԝәде әʹйан дькьн. Гәләк щар әм ньһерʹандьна Хԝәде һьндава һьнә дәрәща педьһʹәсьн, чахе Кʹьтеба Пироз дьхуньн. Занәбуна ԝе йәке кӧ Йаһоԝа ча дьньһерʹә сәр һьнә тьшта, али мә дькә сафикьрьнед рʹаст бькьн.

2. Пешийа кӧ сафикьрьна бьки, тӧ чь гәрәке һьлди һʹәсаб?

Кʹьтеба Пирозда те готьне: «Йе аԛьл дина хԝә дьдә гавед хԝә» (Мәтʹәлок 14:15). Демәк пешийа кӧ әм тьштәки сафи кьн, гәрәке ԝәʹдә бьвиньн, ԝәки дәрһәԛа ве йәке бьфькьрьн, у паше пьрсед ӧса бьдьнә хԝә: «Кʹижан принсипед Кʹьтеба Пироз әз гәрәке бьдьмә хәбате? Кʹижан сафикьрьн ԝе рʹьһʹәтийа дьл бьдә мьн? Сафикьрьна мьн ԝе ча сәр мәрьва һʹӧкӧм бә? У пьрса лапә фәрз әԝ ә, кӧ сафикьрьна мьн ԝе Хԝәде хԝәш бе йан на?» (Ԛануна Дӧщари 32:29).

Изьна Йаһоԝа һәйә сафи кә кӧ чь рʹаст ә у чь на. Чахе әм ԛанун у принсипед Йаһоԝа заньн у дьдьнә хәбате, ӧса әм исафа хԝә рʹаст һин дькьн. Исаф мәрʹа әʹйан дькә чь рʹаст ә у чь на (Рʹомайи 2:14, 15). Исафа һинкьри ԝе али мә бькә сафикьрьнед рʹаст бькьн.

КʹУР ЛЕКОЛИН КӘ

3. Бьра Кʹьтеба Пироз рʹебәрийе тә бькә

ВИДЕО: «Бьра Принсипед Кʹьтеба Пироз Рʹебәрийе Тә Бькьн» (5:54)

• Азайа бьжартьне чь йә?

• Йаһоԝа чьрʹа азайа бьжартьне дайә мә?

• Йаһоԝа чь дайә мә, ԝәки әм сафикьрьнед лапә баш бькьн?

Бьхунә Әфәси 5:15, 16 у принсипәкә Кʹьтеба Пироз бьвинә, кʹижан кӧ дәрһәԛа ве йәке йә, кӧ ԝәʹдә рʹаст хәрщ кьн. Паше бьфькьрә кӧ тӧ ча дькари ԝәʹде хԝә рʹаст хәрщ ки, ԝәки . . .

• тʹьме Кʹьтеба Пироз бьхуни

• жьн, мер, кӧрʹ, йан ԛизәкә баш би

• һәрʹи щьвате.

4. Исафа хԝә һин кә ԝәки сафикьрьнед рʹаст бьки

ВИДЕО: «Исафа хԝә Тʹәмьз Хԝәй кьн» (5:13)

• Ве видеойеда хушке чь кьр, ԝәки исафа хԝә һин кә, сәва сафикьрьна рʹаст бькә у дьле Йаһоԝа ша кә?

Щарна дьбәкә дьһа һеса бә, ԝәки кәсәки дьн дәԝса мә сафикьрьна бькә. Ле чьрʹа әв йәк ԝе нәрʹаст бә? Бьхунә Ибрани 5:14, у паше ван пьрса шеԝьр кә:

• Һәр кәс жь мә чь гәрәке хԝәха бькарьбә бькә?

• Чь дькарә али тә бькә, ԝәки исафа хԝә һин ки у сафикьрьнед рʹаст бьки?

5. Ԛәдьре исафа мәрьвед дьн бьгьрә

Сафикьрьнед мәрьва жь һәв щӧдә дьбьн. Ләма жи пьрс пешда те: Әм ча дькарьн һьндава исафа мәрьва ԛәдьр бьдьнә кʹьфше? Дӧ дәрәща шеԝьр кә:

Дәрәща 1: Хушкәк кʹижан кӧ һʹьз дькә хԝә гәләк бьхәмьлинә, дәрбази щьватәкә дьн дьбә, кʹидәре бона гәләк хушка хәмьландьна ӧса әʹщебмайи йә.

Бьхунә Рʹомайи 15:1 у 1 Корьнтʹи 10:23, 24, у паше ван пьрса шеԝьр кә:

• Ль гора ԝан рʹеза әв хушк гәрәке чь бькьра? Һәрге исафа кәсәки наһелә ԝан тьшта бькә чь кӧ исафа тә дьһелә, һьнге анәгори ван рʹеза тӧйе чь бьки?

Дәрәща 2: Бьра занә ԝәки Кʹьтеба Пирозда найе готьне, кӧ ԛә ичʹке вәнәхԝьн. Ле йәкә әԝ сафи дькә, ԝәки ԛә ичʹке вәнәхԝә. Ԝи тʹәглиф дькьн тʹәвайи ԝәʹдә дәрбаз кьн, у әԝ дьвинә кӧ бьра ичʹке вәдьхԝьн.

Бьхунә Ԝаиз 7:16 у Рʹомайи 14:1, 10, у паше ван пьрса шеԝьр кә:

• Ль гора ԝан рʹеза әв бьра гәрәке чь бькьра? Һәрге исафа тә наһелә ԝан тьшта бьки чь кӧ исафа мәрьвед дьн дьһелә, һьнге анәгори ван рʹеза тӧйе чь бьки?

Ча сафикьрьнед рʹаст бькьн?

1. Жь Йаһоԝа һиви кә, ԝәки али тә бькә сафикьрьна рʹаст бьки (Аԛуб 1:5).

2. Кʹьтеба Пироз у әʹдәбйәта леколин кә, ԝәки ԝан принсипа бьвини, кʹижан кӧ тәрʹа лазьм ьн. Тӧ ӧса жи дькари жь Мәсиһийед щерʹьбанди ширәта һьлди.

3. Бьфькьрә кӧ сафикьрьна тә ԝе ча һьм сәр исафа тә, һьм жи сәр исафа мәрьвед дьн һʹӧкӧм бә.

ТʹӘМАМКЬРЬН

Сәва кӧ сафикьрьна рʹаст бькьн, әм гәрәке ньһерʹандьна Йаһоԝа пебьһʹәсьн у ӧса жи бьфькьрьн, кӧ ча әв сафикьрьна мә ԝе сәр мәрьва һʹӧкӧм бә.

Ԝәкʹьландьн

• Тӧ ча дькари сафикьрьнед ӧса бьки, кʹижан кӧ ԝе дьле Йаһоԝа ша кьн?

• Тӧ ча дькари исафа хԝә һин ки?

• Тӧ ча дькари һьндава исафа мәрьва ԛәдьр бьди кʹьфше?

ҺЕ ЗЕДӘ ПЕБЬҺʹӘСӘ

Тӧ ча дькари сафикьрьнед ӧса бьки, кӧ достийа тә тʹәви Йаһоԝа ԛәԝи бә?

«Пе Сафикьрьнед Хԝә Хԝәде Рʹумәт кә» («Бьрща Ԛәрәԝьлийе», 15 Нисане, 2011)

Һе зедә пебьһʹәсә кӧ Йаһоԝа ча ширәта дьдә мә.

«Йаһоԝа Рʹебәрийе Щьмәʹта Хԝә Дькә» (9:50)

Пебьһʹәсә кӧ чь али мәрьвәки кьр, ԝәки пьрсәкә чәтьн сафи кә.

«Йаһоԝа Һʹәму Тьштед Һәри Ԛәнщ Мәрʹа Соз Дьдә» (5:46)

Пебьһʹәсә тӧ ча дькари дьле Йаһоԝа һьнге жи ша ки, чахе Кʹьтеба Пирозда бона дәрәща тә рʹебәрийа рʹастә-рʹаст тʹӧнә.

«Тӧ Һʹәму Дәрәщада Һʹәԝще Рʹебәрийа Кʹьтеба Пироз и?» («Бьрща Ԛәрәԝьлийе», 1 Кануна Пешьн, 2003)