• Чь йә Пʹадшатийа Хԝәде?
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • Кʹьтеба Пирозда тʹема сәрәкә, дәрһәԛа Пʹадшатийа Хԝәде йә. Хԝәде ԝе бь сайа ве Пʹадшатийе, нета хԝәйә әʹԝльн бинә сери. Ле чь йә Пʹадшатийа Хԝәде? Әм жь кʹӧ заньн ԝәки ньһа әԝ Пʹадшати сәрԝертийе дькә? Әве Пʹадшатийе чь ида анийә сери у ахьрийеда ԝе чь бинә сери? Әме щабед ван пьрса ве дәрседа у дӧ дәрсед дьнда пебьһʹәсьн.

      1. Чь йә Пʹадшатийа Хԝәде у Пʹадше ве кʹе йә?

      Пʹадшатийа Хԝәде әԝ сәрԝерти йә, кʹижан кӧ Йаһоԝа саз кьрийә. Ве Пʹадшатийеда Иса йә пʹадша, йе кӧ жь әʹзмана сәрԝертийе дькә (Мәтта 4:17; Йуһʹәнна 18:36). Кʹьтеба Пирозда дәрһәԛа Иса те готьне: «Әԝе һʹәта-һʹәтайе пʹадшатийе . . . бькә» (Луԛа 1:32, 33). Иса чаԝа Пʹадше Пʹадшатийа Хԝәде, ԝе сәр тʹәмамийа әʹрде сәрԝертийе бькә.

      2. Кʹе ԝе тʹәви Иса сәрԝертийе бькә?

      Иса тʹәне сәрԝертийе накә. Ԝе мәрьвед жь «һәр бәрәке, жь һәр зьмани, жь һәр щьмәʹте у жь һәр мьләти . . . ль сәр дьнйайе пʹадшатийе бькьн» (Әʹйанти 5:9, 10). Йед кӧ тʹәви Иса сәрԝертийе бькьн, ԝе чьԛас бьн? Чахе Иса сәр әʹрде бу, һьнгеда бь милйона мәрьв бунә пәйчуйед ԝи. Ле тʹәне 144 000 мәрьв ԝе сәр әʹзмана тʹәви Иса сәрԝертийе бькьн (Бьхунә Әʹйанти 14:1-4.) Ле һʹәму Мәсиһийед сәр әʹрде, ԝе бьн ве Пʹадшатийеда бьн (Зәбур 37:29).

      3. Чьрʹа Пʹадшатийа Хԝәде жь сәрԝертийа мәрьва четьр ә?

      Һәнә сәрԝер кʹижан кӧ дьхԝазьн мәрьварʹа кʹаре биньн, ле ԛәԝата ԝан нагьһиже һʹәму тьшти ӧса бькьн, чаԝа дьхԝазьн. Сәрԝер тенә гӧһастьне, у дьбәкә йед пәй ԝанрʹа хԝәһʹьз бьн, у нә жи бьхԝазьн али мәрьва бькьн. Ле тʹӧ кәс дәԝса сәрԝере Пʹадшатийа Хԝәде, демәк дәԝса Иса, ԝе нәгьрә, чьмки Пʹадшатийа кӧ Хԝәде кʹьфш кьрийә, «ԝе тʹӧ щар кʹӧта нәбә» (Данийел 2:44, ДТʹ). Иса ԝе сәр тʹәмамийа әʹрде сәрԝертийе бькә у ԝе фьрԛийе нәкә ортʹа мәрьва. Әԝ бь һʹьзкьрьн ә, ԛәнщ ә у һәԛ ә, у мәрьва һин дькә, ԝәки әԝана жи һьндава һәвда ӧса бьн (Бьхунә Ишайа 11:9.)

      КʹУР ЛЕКОЛИН КӘ

      Пебьһʹәсә кӧ чьрʹа Пʹадшатийа Хԝәде сәрԝертийа лапә баш ә.

      Иса Мәсиһ сәр тʹәхте хԝәйи әʹзмани сәрԝертийе дькә. Әԝед кӧ пьшт Иса рʹуньштьнә, тʹәви ԝи сәрԝертийе дькьн.

      4. Сәрԝертийа ԛәԝи ԝе сәр тʹәмамийа дьнйайе сәрԝертийе бькә

      Тʹәрихийеда ԛәԝата тʹӧ кәси сәрԝертикьрьнеда нагьһижә ԛәԝата Иса Мәсиһ. Бьхунә Мәтта 28:18, у паше әве пьрсе шеԝьр кә:

      • Чь фьрԛи һәйә ортʹа Иса у сәрԝеред ве дьнйайе?

      Сәрԝер зу тенә гӧһастьне у һәр йәк тʹәне сәр пʹарәкә әʹрде сәрԝертийе дькә. Ле әм чь дькарьн бежьн дәрһәԛа Пʹадшатийа Хԝәде? Бьхунә Данийел 7:14, у паше ван пьрса шеԝьр кә:

      • Чьрʹа гәләк баш ә кӧ «пʹадшатийа [Хԝәде] ԝе тʹӧ щара һьлнәшә»?

      • Чьрʹа баш ә кӧ әԝ Пʹадшати ԝе сәр тʹәмамийа әʹрде сәрԝертийе бькә?

      5. Сәрԝертийа мәрьва гәрәке бе гӧһастьне

      Чьрʹа дәԝса сәрԝертийа мәрьва, гәрәке Пʹадшатийа Хԝәде сәрԝертийе бькә? Вехә ВИДЕО, у паше әве пьрсе шеԝьр кә:

      ВИДЕО: «Чь йә Пʹадшатийа Хԝәде?»; Пʹарәк (1:41)

      • Сәрԝертийа мәрьва чь ахьри анийә?

      Бьхунә Ԝаиз 8:9, у паше әве пьрсе шеԝьр кә:

      • Ча тӧ дьфькьри, лазьм ә ԝәки дәԝса сәрԝертийа мәрьва, Пʹадшатийа Хԝәде сәрԝертийе бькә? Шьровәкә.

      6. Пʹадшатийа Хԝәдеда сәрԝеред ӧса ньн, кʹижан кӧ һʹале мә фәʹм дькьн

      Пʹадше мә Иса һʹале мә фәʹм дькә у дьле ԝи сәр мә дьшәԝьтә, чьмки әԝ хԝәха жи мәрьв бу (Ибрани 4:15). Хенщи ве йәке, Йаһоԝа 144 000 мәрьвед амьн «жь һәр бәрәке, жь һәр зьмани, жь һәр щьмәʹте у жь һәр мьләти» бьжарт, ԝәки тʹәви Иса сәрԝертийе бькьн (Әʹйанти 5:9).

      • Тӧ дьлбинийе дьстини жь занәбуна ве йәке, кӧ Иса у йед кӧ тʹәви ԝи пʹадшатийе дькьн, һʹале мәрьва фәʹм дькьн? Чьрʹа тӧ ӧса дьфькьри?

      Мер у ӧса жи жьнед кʹьфшкьри йед кӧ щурʹә-щурʹә ԝәʹдәда дьжитьн.

      Йаһоԝа жь щурʹә-щурʹә мьләта чаԝа мер ӧса жи жьн бьжартьнә, ԝәки тʹәви Иса сәрԝертийе бькьн

      7. Ԛанунед Пʹадшатийа Хԝәде лапи баш ьн

      Дәԝләт ԛануна саз дькьн, ԝәки әԝ ԛанун бьнәлийед ԝан хԝәй кьн. Ӧса жи ԛанунед Пʹадшатийа Хԝәде һәнә, у ләма жи бьнәлийед ве Пʹадшатийе гәрәке ԝан ԛануна биньн сери. Бьхунә 1 Корьнтʹи 6:9-11, у паше ван пьрса шеԝьр кә:

      • Бь тʹәхмина тә, һʹале дьнйайе ԝе чаԝа бә чахе һʹәму мәрьв ԛанунед Хԝәде бьԛәдиньн?a

      • Тӧ ча дьфькьри, әԝ йәк бь һәԛи у бь билани йә, кӧ Йаһоԝа дьхԝазә ԝәки бьнәлийед Пʹадшатийа ԝи ԛанунед ԝи биньн сери? Шьровәкә.

      • Чь дьдә кʹьфше ԝәки мәрьвед кӧ әԝ ԛанун нәдьанин сери, дькарьн бенә гӧһастьне? (Бьньһерʹә рʹеза 11.)

      Полис әʹрәбе дьдә сәкьнандьне. Мәрьв рʹерʹа дәрбаз дьбьн.

      Сәрԝертийед мәрьва бона кʹара бьнәлийед хԝә ԛануна саз дькьн, ԝәки әԝ ԛанун мәрьва хԝәй кьн. Ле һәмьки, ԛанунед Пʹадшатийа Хԝәде дьһа баш у керһати нә

      ДЬБӘКӘ ҺЬНӘ МӘРЬВ ПЬРСӘКӘ ӦСА БЬДЬН: «Чь йә Пʹадшатийа Хԝәде?»

      • Тӧйе ча щаба хԝә бьди?

      ТʹӘМАМКЬРЬН

      Пʹадшатийа Хԝәде сәрԝертийа сәр әʹзмана йә, кʹижан кӧ ԝе сәр тʹәмамийа әʹрде сәрԝертийе бькә.

      Ԝәкʹьландьн

      • Сәрԝеред Пʹадшатийа Хԝәде кʹе нә?

      • Пʹадшатийа Хԝәде чьда жь сәрԝертийа мәрьва баштьр ә?

      • Йаһоԝа жь бьнәлийед Пʹадшатийа хԝә чь дәʹԝа дькә?

      Нет

      ҺЕ ЗЕДӘ ПЕБЬҺʹӘСӘ

      Пебьһʹәсә кӧ Иса чь гот дәрһәԛа ве йәке, кӧ Пʹадшатийа Хԝәде кʹидәре йә.

      «Гәло Пʹадшатийа Хԝәде Дьле Мәрьвада нә?» (Готара жь малпәре)

      Чьрʹа бона Шәʹдед Йаһоԝа дьһа фәрз ә Пʹадшатийа Хԝәдерʹа амьн бьминьн, нә кӧ сәрԝертийа мәрьварʹа?

      «Пʹадшатийа Хԝәдерʹа Амьн ьн» (1:43)

      Пебьһʹәсә кӧ Кʹьтеба Пирозда чь те готьне дәрһәԛа 144 000 мәрьва, йед кӧ һатьнә бьжартьне, ԝәки тʹәви Иса сәрԝертийе бькьн.

      «Кʹе Дьчә Сәр Әʹзмана?» (Готара жь малпәре)

      Чь кʹӧлфәтәке да баԝәркьрьне, ԝәки тʹәне Хԝәде дькарә һʹале дьнйайе баш кә?

      «Әз Пеһʹәсийам кӧ Нәһәԛи ԝе бе Һьлдане» («Һʹьшйар Бьн!», Мьждар, 2011)

      a Дәрһәԛа һьнә жь ԝан ԛануна, ԝе Пʹара 3-да бе шьровәкьрьне.

  • Пʹадшатийа Хԝәде ԝе Чь Бькә?
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • Пʹадшатийа Хԝәде ньһа сәрԝертийе дькә. Ԝе зутьрәке сәр әʹрде гӧһастьнед мәзьн бькә. Ԝәрен әм шеԝьр кьн һьнә жь ԝан тьштед баш, чь кӧ Пʹадшатийа Хԝәде ԝе бона кʹара мә бинә сери.

      1. Пʹадшатийа Хԝәде ԝе ча диса әʹдьлайе у рʹастийе бинә сәр әʹрде?

      Иса ча Пʹадше Пʹадшатийа Хԝәде ԝе шәрʹе Һармәгәдонеда мәрьвед зӧлм у сәрԝертийа ԝан кʹӧта кә (Әʹйанти 16:14, 16). Һьнге әԝ пʹехәмбәртийа Кʹьтеба Пироз ԝе бь тʹәмами бе сери: «Бәле һьнәки шунда нәпʹаке бәтавәбә, те ль щийе ԝи бьгәрʹи у ԝи нәбини» (Зәбур 37:10). Иса ԝе бь сайа Пʹадшатийе әʹдьлайе бинә сәр әʹрде. Ԝәʹде сәрԝертийа ԝи, тʹӧ кәс ԝе жь бо нәрʹастийе нәчәрчьрә (Бьхунә Ишайа 11:4.)

      2. Чахе нета Хԝәде дәрһәԛа әʹрде бе сәри, әʹмьр ԝе чаԝа бә?

      Бьн рʹебәрийа Пʹадшатийа Хԝәде «рʹасте ль әʹрде ԝар бьн у һәр-һәйе ԝе сәр бьжин» (Зәбур 37:29). Бьдә бәр чʹәʹве хԝә, тӧ дьнйакә ӧсада ни, кʹидәре тʹәне мәрьвед рʹаст дьжин, у әԝана нә кӧ тʹәне Йаһоԝа һʹьз дькьн, ле ӧса жи һәвдӧ! Тʹӧ кәс ԝе нәхԝәш нәкʹәвә у һʹәму мәрьв ԝе һʹәта-һʹәтайе бьжин.

      3. Пʹадшатийа Хԝәде ԝе чь бинә сери, гава мәрьвед зӧлм бенә кʹӧтакьрьне?

      Чахе мәрьвед зӧлм бенә кʹӧтакьрьне, һьнге Иса ча Пʹадша ԝе 1 000 сали сәрԝертийе бькә. Нава ԝи ԝәʹдәйида Иса у 144 000 йед кӧ тʹәви ԝи сәрԝертийе бькьн, ԝе али мәрьва бькьн кӧ жь гӧнә аза бьн у бьбьнә беԛьсур. Хьлазийа 1 000 сали әʹрд ԝе бь тʹәмами бьбә щьнәт у мәрьв бәхтәԝар бьн, чьмки ԝе тʹәмийед Йаһоԝа биньн сери. Ԝи чахи Иса ԝе сәрԝертийе диса бьдә дәсте Баве хԝә Йаһоԝа. Һьнге наве Йаһоԝа ԝе бь тʹәмами «пироз бә» (Мәтта 6:9, 10). Ԝе бе избаткьрьне кӧ Йаһоԝа йә Сәрԝере лапи баш. Йаһоԝа ԝе Мире-щьна, щьнед ԝи у һʹәмуйед кӧ мьԛабьли сәрԝертийа Ԝи рʹабьн, кʹӧта кә (Әʹйанти 20:7-10). Әԝ әʹмьре хԝәш у беԛьсур ԝе һʹәта-һʹәтайе бәрдәԝам бә.

      КʹУР ЛЕКОЛИН КӘ

      Пебьһʹәсә кӧ чьрʹа әм дькарьн баԝәр кьн, ԝәки Хԝәде ԝе бь сайа Пʹадшатийа хԝә һʹәму созед хԝәйә дәрһәԛа ахьрийе бинә сери.

      4. Пʹадшатийа Хԝәде ԝе сәрԝертийед мәрьва бьдә һьлдане

      «Сәрԝертийа зьламәки, ль сәр йәки дьн, бь хәсара [зийана] ԝи йә» (Ԝаиз 8:9). Бь сайа Пʹадшатийа хԝә, Йаһоԝа ԝе нәрʹастийе бьдә һьлдане.

      Бьхунә Данийел 2:44 у 2 Тʹесалоники 1:6-8, у паше ван пьрса шеԝьр кә:

      • Йаһоԝа у Кӧрʹе ԝи Иса ԝе чь биньн сәре сәрԝертийед мәрьва у йед кӧ пьштгьрийа ԝан сәрԝертийа дькьн?

      • Әԝ йәк чь кӧ тӧ дәрһәԛа Йаһоԝа у Иса пеһʹәсийайи, ча тә дьдә баԝәркьрьне, ԝәки әԝана ԝе һʹәму тьшти бь һәԛи бькьн?

      Иса ча Пʹадше Пʹадшатийа Хԝәде, сәр тʹәмамийа әʹрде сәрԝертийе дькә.

      5. Иса Пʹадше һәри баш ә

      Иса, Пʹадше Пʹадшатийа Хԝәде, ԝе бона кʹара мәрьва гәләк тьшт бькә. Вехә ВИДЕО у дина хԝә бьде, Иса ча да кʹьфше, ԝәки һьм хԝәстьна ԝи һәйә у һьм жи ԛәԝата ԝи жь Хԝәде һәйә, кӧ али мәрьва бькә.

      ВИДЕО: «Иса да Кʹьфше кӧ Пʹадшатийа Хԝәде Ԝе Чь Бькә» (1:13)

      Чахе Иса сәр әʹрде бу әԝи пе кьред хԝә да кʹьфше, кӧ Пʹадшатийа Хԝәде ԝе чь бькә. Тӧ жь ԝан кʹәрәмәтед кӧ вьра ньвисар ьн, дьһа зәʹф һивийа кʹижане йи кӧ бе сери? Бьхунә ван рʹезед кӧ жере ньвисар ьн, кʹижан кӧ ван кʹәрәмәтава гьредайи нә.

      ЧАХЕ ИСА СӘР ӘʹРДЕ БУ, ӘԜИ . . .

      ИСА ЖЬ ӘʹЗМАНА ԜЕ  . . .

      • ԛәԝата тʹәбийәте контрол дькьр (Марԛос 4:36-41).

      • һʹәму проблемед әколожийева гьредайи бьдә һьлдане (Ишайа 35:1, 2).

      • бь кʹәрәмәти һʹәзара мәрьв тʹер кьрьн (Мәтта 14:17-21).

      • бьрʹчибуне бьдә һьлдане (Зәбур 72:16).

      • гәләк мәрьв ԛәнщ дькьрьн (Луԛа 18:35-43).

      • сьһʹәт ԛәԝата беԛьсур бьдә мәрьва (Ишайа 33:24).

      • мәрьв жь мьрьне рʹадькьрьн (Луԛа 8:49-55).

      • мьрийа жь мьрьне рʹакә у мьрьне жи кʹокева кʹӧта кә (Әʹйанти 21:3, 4).

      6. Пʹадшатийа Хԝәде ԝе ахьрикә пʹьрʹ баш у һʹәԝас бинә

      Пʹадшатийа Хԝәде ԝе бь тʹәмами нета Хԝәдейә әʹԝльн дәрһәԛа мәрьва, бинә сери. Вехә ВИДЕО у дина хԝә бьде кӧ Йаһоԝа ча бь сайа Кӧрʹе хԝә Иса, нета хԝә тинә сери.

      ВИДЕО: «Ахьрикә Пʹьрʹ Баш у Һʹәԝас» (4:38)

      Бьхунә Зәбур 145:16, у әве пьрсе шеԝьр кә:

      • Тӧ ча хԝә тʹәхмин дьки кӧ зани, ԝәки Йаһоԝа ԝе «һʹәму бинбәри гора дьле ԝан» рʹази кә?

      ҺЬНӘ МӘРЬВ ДЬБЕЖЬН: «Һәрге әм һʹәмушк бьбьнә йәк у ԛәԝата хԝә бьдьнә хәбате, әме бькарьбьн һʹәму проблемед дьнйайе сафи кьн.»

      • Кʹижан проблем тʹәне Пʹадшатийа Хԝәде дькарә сафи кә?

      ТʹӘМАМКЬРЬН

      Пʹадшатийа Хԝәде ԝе нета Ԝи бинә сери. Әԝ ԝе тʹәмамийа әʹрде бькә щьнәт, у сәр әʹрде ԝе тʹәне мәрьвед ԛәнщ бьжин у һʹәта-һʹәтайе Йаһоԝарʹа хьзмәт кьн.

      Ԝәкʹьландьн

      • Пʹадшатийа Хԝәде ԝе ча наве Йаһоԝа пироз кә?

      • Чьрʹа әм дькарьн баԝәр бьн, ԝәки Пʹадшатийа Хԝәде ԝе созед кӧ Кʹьтеба Пирозда ньвисар ьн, бинә сери?

      • Тӧ жь созед Хԝәде дьһа зәʹф һивийа кʹижане йи?

      Нет

      ҺЕ ЗЕДӘ ПЕБЬҺʹӘСӘ

      Пебьһʹәсә чь те һʹәсабе Һармәгәдон.

      «Һармәгәдон Чь йә?» (Готара жь малпәре)

      Пебьһʹәсә кӧ чь ԝе бьԛәԝьмә ԝәʹде «тәнгасийа мәзьн», бәʹса кʹижани Иса кьрьбу (Мәтта 24:21)

      «Тәнгасийа Мәзьн Чь йә?» (Готара жь малпәре)

      Бьньһерʹә кӧ малбәт ча әʹмьре щьнәтеда дьдә бәр чʹәʹве хԝә.

      «Бьдә Бәр Чʹәʹве хԝә, ԝәки Тӧ Дьнйа Тʹәзәда ни» (1:50)

      Готареда, наве кʹижане йә «Гәләк Пьрсед Мьн Һәбун», пебьһʹәсә кӧ ча мерькәки кӧ мьԛабьли политикайе бу, щабед ԝан пьрса дит, жь бо кʹижана дьлтәнг дьбу.

      «Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Чьләйе, 2012)