• Гәло Тӧйе Сәва Иса Бьлькʹӧми?
    Бьрща Ԛәрәԝьлийе (Бона Һинбуне) — 2021 | Гӧлан

    • (3) ИСА МӘСИҺ ГӘЛӘК ӘʹРФ-ӘʹДӘТЕД ЩЬҺУЙА ԚӘБУЛ НӘДЬКЬРЬН

      Гәләк кәс дьлькʹӧмин, чьмки Иса һьнә әʹрф-әʹдәтед ԝана инкʹар дькьрьн. Иро, һьнә кәс чаԝа бона ве сәбәбе дькʹәвьн шьке? (Абзаса 13 бьньһерʹә)d

      13. Гәләк кәса чьрʹа Иса Мәсиһ ԛәбул нәдькьр?

      13 Ль рʹожед Иса Мәсиһ, шагьртед Йуһʹәннайе Ньхӧмдар әʹщебмайи дьман, чьмки шагьртед Иса Мәсиһ рʹожи нәдьгьртьн. Иса ԝанрʹа гот кӧ һʹәта әԝ сах ә, нәлазьм ә кӧ әԝана рʹожийе бьгьрьн (Мәтта 9:14-17). Ферьси у дьжмьнед дьн йед Иса, ԝи нәһәԛ дькьрьн чьмки әԝи әʹрф-әʹдәтед ԝан нәдьанин сери. Ԝәхта кӧ Иса Мәсиһ кәсед нәхԝәш ль рʹожа Шәмийе ԛәнщ дькьрьн, әԝана һерс дькʹәтьн (Марԛос 3:1-6; Йуһʹәнна 9:16). Жь алийикива, Щьһуйа дьгот кӧ әԝана ԛәдре рʹожа Шәмийе дьгьрьн, ле жь алийе дьнва, ԝана пʹарьстгәһеда арш-верши дькьрьн, у гава Иса сәва ве йәке ԝана сущдар кьр, әԝана гәләк һерс кʹәтьн (Мәтта 21:12, 13, 15). Щарәке жи, гава Иса Мәсиһ ль кʹьништа Ньсрәте бәʹса һьнә мәсәлед жь тʹәрихе кьр у ӧса жи хԝәһʹьзи у бебаԝәрийа ԝана әшкәрә кьр, һерса ԝан рʹабу (Луԛа 4:16, 25-30). Гәләк кәс сәр готьн у кьрьнед ԝи дьлькʹӧмин, чьмки әв ль гора дьле ԝан нибун (Мәтта 11:16-19).

      14. Иса Мәсиһ һьнә әʹрф-әʹдәт чьма инкʹар дькьрьн?

      14 Ньвисаред Пироз чь дьбежьн? Йаһоԝа бь сайа Ишайа пʹехәмбәр ӧса готьбу: «Әв гәл бь дәве хԝә незики мьн дьбә у бь левед хԝә мьн бьрумәт дькә ле дьле ԝан жь мьн дур ә. Тьрса ԝан йа жь мьн жи, тʹәне әʹмред мәрьва ьн кӧ жь ԝан һин бунә» (Ишайа 29:13). Иса Мәсиһ әʹрф-әʹдәтед кӧ мьԛабьли Ньвисаред Пироз бун, инкʹар дькьрьн. Ле мәрьвед кӧ жь Ньвисаред Пироз зедәтьр ԛәйд-әʹдәтед хԝә ԛимәт дькьрьн, һьм Йаһоԝа һьм жи Мәсиһ инкʹар дькьрьн.

  • Гәло Тӧйе Сәва Иса Бьлькʹӧми?
    Бьрща Ԛәрәԝьлийе (Бона Һинбуне) — 2021 | Гӧлан

    • (4) ИСА ТʹӘВ ШЬХӦЛЕД ПОЛИТИКЕ НӘДЬБУ

      Гәләк кәс дьлькʹӧмин, чьмки Иса тʹәви шьхӧлед политике нәдьбу. Иро, һьнә кәс чаԝа бона ве сәбәбе дькʹәвьн шьке? (Абзаса 17 бьньһерʹә)e

      17. Ль рʹожед Иса Мәсиһ, гәләк кәса әԝ чьрʹа ԛәбул нәкьр?

      17 Ль рʹожед Иса Мәсиһ, һьнә кәс тʹәв ль политике дьбун, у ԝана дьхԝәст кӧ Мәсиһ ԝана жь бьндәстийа Рʹоме аза бькә. Ле гава ԝана дьхԝәст Иса бькьра пʹадше хԝә, әԝ ԛайил нәбу (Йуһʹәнна 6:14, 15). Жь алийе дьнва, дәԝләта Рʹоме ԛәԝат у һʹӧкӧм дабу дәсте сәрԝеред религи, йед кӧ дьтьрсийан ԝәки Иса ԝе система политики бьгӧһезә у һерса Рʹомайа гӧрʹ бькә, жь бо чь жи ԝана дькарьбу ԛәԝат у һʹӧкӧме хԝә ӧнда кьра. Сәва ван хәмед политики, гәләк Щьһуйа Иса Мәсиһ ԛәбул нәкьр.

      18. Гәләк кәса дина хԝә нәдьда кʹижан рʹеза?

      18 Ньвисаред Пироз чь дьбежьн? Рʹаст ә кӧ жь бәрева һатьбу готьн кӧ Мәсиһ ԝе бьбә Шәрванәки сәркʹәти, ле хенщи ве йәке, әшкәрә һатьбу готьн кӧ гәрәке Мәсиһ пешийе жь бо гӧнед мә бьмьрә (Ишайа 53:9, 12). Проблема Щьһуйа чь бу? Ԝана дина хԝә нәдьда рʹезед кӧ дьбежьн ԝәки бона сафикьрьна проблемед дьнйайе ԝәхт лазьм ә (Йуһʹәнна 6:26, 27).