Иса Мәсиһ принсипед фәрз әʹйан кьр дәрһәԛа зәԝаще. Әԝ гот: «Мер ԝе де у баве хԝә бьһелә, хԝә ль жьне бьгьрә у һәр дӧ ԝе бьбьнә бәдәнәк. . . Бона ве йәке әԝед кӧ Хԝәде кьрьнә йәк, бьра мәрьв жь һәвдӧ нәԛәтинә» (Мәтта 19:5, 6). Дӧ принсипед сәрәкә зәлал дьбьн.

«ӘԜЕД КӦ ХԜӘДЕ КЬРЬНӘ ЙӘК». Зәԝащ ӧса жи һәйә һәвгьредана пироз. Щотед зәԝьщи йед кӧ әве йәке фәʹм дькьн, дьхәбьтьн кӧ зәԝаща хԝә ԛәԝи кьн. Чахе чәтьнайи пешда тен, әԝана һʹәму тьшти дькьн кӧ зәԝаща хԝә хԝәй кьн. Һʹьзкьрьна ԝан ԛәԝи йә. Һʹьзкьрьна ви щурʹәйи «һәр гав дадьхә», у аликʹарийе дьдә чәтьнайа сафи кьн, сәва бькарьбьн йәктийе у әʹдьлайе хԝәй кьн.