МИНА ИСА БЬЖИН

Щурʹе Ну йа бона Щьвате

Дәстпебуйи жь мәһа Чьләйе сала 2018, ль сәр щьвата кö нава һʹәфтийеда дәрбаз дьбә wе зедә бә әʹламәтийа леколине у медиа жь онлайна «Wәлгәрʹандьна Дьнйа Тʹәзә (nwtsty)» йа бона һинбуне. У фьрqи тʹöнә әв ль сәр зьмане тә һәйә йан на. Әв әʹламәти wе али тә бькә кö wәʹде һазьрбуна сәва щьвате, ньһерʹандьна тә даһа зәлал бә. Ле һе фәрз әw ә, кö öса те һе незики Баве мәйи Йаһоwа би, кö öса мә һʹьз дькә!

ӘʹЛАМӘТИЙА ЛЕКОЛИНЕ

Нава ве әʹламәтийе дькʹәвә фәʹмкьрьна алийе културе, жеографийайе у зьманзанийе, чь кö гәләк рʹезед Кʹьтеба Пирозва гьредайи нә.

Мәтта 12:20

Фьтила кö Дьтәмьрә: Ләмпә кö ль wан чаха щәм мәрьва һәбу жь дәрданәкә ахин бу, йе кö бь бьзьра зәйтʹуне тʹьжә бу. Бьзьра зәйтʹуне, фьтила кʹьтанева дәрбаз дьбу у нәдьһишт кö агьр бьтәмьрә. Гьли-готьна Йунани, «фьтила кö дьтәмьрә», те һʹәсабе фитила кö ду дькә, чьмки кʹомьр һе теда һәйә, ле хwәха агьр ида ведьсә йан дьтәмьрә. Пʹехәмбәртийа Ишайа 42:3, дьдә кʹьфше дьлрʹәмийа Иса; Иса wе тʹö щар нәһелә кö баwәрийа мәрьвед мьлук у бәләнгаз бьтәмьрә, йе кö wәк фьтиле һьнә майа весә.

Мәтта 26:13

Рʹасти: Хәбәра Йунани «a·menʹ», у бь Ибрани «’a·menʹ» те һʹәсабе «wе һәма öса жи бьбә» йан «һәмьки». Иса гәләк щар әв хәбәр дьда хәбате, сәва кö бьдә кʹьфше рʹастийа гьлийед хwә, соз йан пʹехәмбәртийа хwә. Гьлийе Иса, «рʹасти» йан амин, бь рʹасти жи әʹдәбйәтед пирозда, тьштәкә муһим бун. Чахе Әwи, нәʹма Йуһʹәннада чәнд щара дьwәкʹьланд хәбәра (a·menʹ a·menʹ), әв гьлийе Wи тенә wәлгәрʹандьне ча «рʹаст бе хельф» (Йн. 1:51).

МЕДИА

Шькьл, сьфәт у видеойед бедәнг әʹйан дькьн щурʹә-щурʹә тьштед бьчʹук жь Кʹьтеба Пироз.

Бәйтфащ, Чʹийайе Зәйтʹуне у Оршәлим

Дь ве видеойеда те нишанкьрьне рʹе кö чаwа бьгьһижьнә Оршәлиме жь рʹоһʹьлата гöнд йе кö иро әʹйан ә ча Тур. Дьбежьн кö әв щи һәйә Бәйтфаще, дәрһәqа кʹижани кö дь Кʹьтеба Пирозда те готьне, у йе кö щийе бьльнд бу ль сәр Чʹийайе Зәйтʹуне. Бәйтанйа бәр Бәтфаще алийе рʹоһʹьлате йә, у әв ль сәр Чʹийае Зәйтʹуне бәржера рʹоһьлате йә. Ль Оршәлиме, Иса тʹәви шагьртед хwә бь әʹдәти шәв ль Бәйтанйайе дәрбаз кьрьн. Иро әв щи әʹйан ә ча шәһәра әл-Азарийәһ (Еl ʽЕizariya) у бь Әрәби әв нав те wәлгәрʹандьне «Щийе Лазар». Бешьк Иса ль мала Лазар, Мәртʹайе у Мәрйәмеда ма кö шәва хwә дәрбаз кә (Мт. 21:17; Мq. 11:11; Лq. 21:37; Йн. 11:1). Чахе Иса жь мала wан дьчу Оршәлиме, дьqәwьмә әw wе рʹерʹа дәрбаз дьбу чаwа кö ве видеойеда те нишанкьрьне. Ль 9 Нисане, сала 33 Д.М. Иса жь Чʹийайе Зәйтʹуне ль сәр щәшьке сийар бьбу у дьһатә Оршәлиме. Әw дькарьбу жь Бәйтанйайе ве рʹерʹа бьһата Оршәлиме.

Рʹийа жь Бәйтанйайе һʹәта Бәйтфаще
Бәйтфащ
Чʹийайе Зәйтʹуне
Нәwала Qьдроне
Чийайе Пәрәстгәһе

Мьх ль Һәстуйе Пәʹни

Әв һәйә шькьла һәсту йе пәʹнийе мәрьв. Әв бь мьха һʹәсьн мьхкьри бу, дьрежайа кʹижани кö 11.5 см. Әв орижинал ә у дь сала 1968-да археолога әв дитьн wәʹде кʹоландьна Оршәлима Бакöре, у әв öса жи дьгьһижә wәʹде Рʹомайа. Әв избат дькә кö мьхед ви щурʹәйи дьданә хәбате, сәва кö мәрийа бькöжьн у бькарьбьн стуна дарва мьх кьн. Әв мьх дьqәwьмә анәгори wан мьха бу, йед кö әскәред Рʹомайа дьданә хәбате, сәва кö Иса Мәсиһ стунва мьх кьн. Әв мьх һатьбун дитьне qöтʹийед кәвьрда, наве кʹижани кö осуарийа йә. Ль wан qöтʹийада һәстуйед зьһа йа мәрийед мьри хwәй дькьрьн. Wан һәстийа һьнге дькьрьнә qöтʹийа, чахе гоште мәрийа дьрезийа у тʹәне һәсту дьма. Әв нишан дькә, wәки чьма кәсе кö ль сәр стун дькöштьн, дькарьбун дәфьн кьрана (Мт. 27:35).