1-2. Бәр тʹьрба Иса, мәләк чь готә кʹӧлфәта, у Иса хԝәха чь рʹебәри да ԝан?

ШӘБӘԚЕ, 16 Нисане, сала 33 Д.М., чәнд жьнед хԝәдехоф, дьлшкәсти дьчьн бәрбь тʹьрба Хӧдан Иса Мәсиһ, кӧ 2 рʹож пешда һатьбу дәфьнкьрьне. Чахе әԝана тен бәрбь тʹьрбе, сәва кӧ бьһарәт у рʹуне бинхԝәш щьнйазе ԝи хьн, әԝана әʹщебмайи дьминьн, чьмки тʹьрб вала йә! Мәләк ԝанрʹа дьбежә, ԝәки Иса жь мьрьне рʹабуйә, у сәрда дьбежә: «Әԝе бәри ԝә һәрʹә Щәлиле. Ль ԝьр һуне ԝи бьбиньн» (Мәт. 28:1-7; Луԛа 23:56; 24:10).

⁴ Иса әԝ тʹәми нә тʹәне 11 шандийед хԝәрʹа да, әԝ дьхԝазә, ԝәки һʹәму шагьртед ԝи мьзгинийе бәла кьн. Ле әм жь кʹӧ ве йәке заньн? Чахе Иса сәр чʹийайе Щәлиле әԝ тʹәми да шагьртед хԝә, ԝедәре тʹәне шанди нибун. Биньн бира хԝә ԝәки мәләк жьнарʹа гот: «[Щәлиледа] һуне ԝи бьбиньн». Демәк, ча те кʹьфше әԝ жьнед амьн жи чунә сәр ве щьвине. Ле тʹәне әԝана нибун. Паԝлосе шанди әʹйан дькә, ԝәки Иса «щарәкерʹа пенсьд хушк-бьрайи зедәтьрва хӧйа бу» (1 Корн. 15:6).